ഭൂകമ്പം

 അവൾ നടന്നാൽ ഭൂമി കുലുങ്ങും ....... 

കഴിഞ്ഞ തവണ നേപ്പാൾ ഭൂകമ്പത്തിന്റെ ചലനങ്ങൾ കൊച്ചിയിൽ വന്നപ്പോഴും  സോളാർ സരിത കമ്മീഷൻ  ജോർജിന്റെ മൊഴി യെടുപ്പ്  നടത്തി ക്കൊണ്ടിരിയ്ക്കുകയായിരുന്നു.  ആ കമ്മീഷൻ കെട്ടിടത്തിൽ നിന്നും എല്ലാവരും ഇറങ്ങി ഓടി. ബഹുമാനപ്പെട്ട കമ്മീഷൻ ഉൾപ്പടെ. എന്നിട്ട് അന്നത്തെ തെളിവെടുപ്പ് നിറുത്തി വയ്ക്കുകയും ചെയ്തു. അന്നേ ഒരു സംശയം തോന്നിയതാണ്. ഈ സരിത തെളിവെടുപ്പിന് ജോർജ് വരുമ്പോൾ  മാത്രം എന്താണ് ഭൂകമ്പം ഉണ്ടാകുന്നത്? സരിതയുടെ പ്രഭാവം ആകാം കാരണം എന്ന് കരുതി അത് കളഞ്ഞു.

ഇതാ ഇന്ന് നേപ്പാളിൽ വീണ്ടും ചെറിയ ഭൂകമ്പം ഉണ്ടായി. അതിൻറെ പ്രകമ്പനങ്ങൾ കൊച്ചിയിലും വന്നു. ഇന്നും സരിതാ കമ്മീഷൻ തെളിവെടുപ്പ് നടത്തി കൊണ്ടിരിയ്ക്കുന്നു. പി.സി. ജോർജ് ആണ് മൊഴി കൊടുക്കുന്നത്. ഇതൊരു യാദൃശ്ചികം ആണോ?

കേരളത്തിലെ ഭൂകമ്പത്തിന്റെ പ്രഭവ കേന്ദ്രം സരിത തന്നെ. സരിതയ്ക്കെതിരെ മൊഴി വന്നാൽ അപ്പോൾ കൊച്ചി കുലുങ്ങും. ഇനി കേരളം മുഴുവൻ എന്നാണാവോ കുലുങ്ങാൻ പോകുന്നത്.