Sunday, February 8, 2015

ബലാൽസംഗം

കുറെ ആളുകൾ ചേർന്ന് ഒരാളെ കീഴ്പ്പെടുത്തുക.അല്ലെങ്കിൽ  ആയുധം കാട്ടി ഒരുകൂട്ടം ആളുകളെ കീഴ്പ്പെടുത്തുക. എന്നിട്ട് അവരെ പ്രാകൃതമായ രീതിയിൽ ഉപദ്രവിയ്ക്കുക. കഴുത്തറുത്തു കൊല്ലുക. അതിൻറെ വീഡിയോ ചിത്രങ്ങൾ അവർ തന്നെ പ്രദർശിപ്പിച്ചു സായൂജ്യം അടയുന്നത് കാണാറുണ്ടല്ലോ. ഇതൊക്കെ മഹത്തായ കാര്യങ്ങൾ അല്ല. ആയുധ ബലം അല്ലെങ്കിൽ സംഖ്യാ ബലം ഇതാണ് ഇവിടെ പ്രായോഗികമാക്കുന്നത്. അബലരെ ബലം കൊണ്ടു കീഴ്പ്പെടുത്തുക.

ഇതിനു തുല്യമാണ്  ബലാൽസംഗം. ശരീര ബലം കുറഞ്ഞ സ്ത്രീയെ കീഴ്പ്പെടുത്തി മാന ഭംഗ പ്പെടുത്തുക. അത് ആസ്വദിയ്ക്കുക. അതിൽ ഊറ്റം കൊള്ളുക. ഇതൊക്കെയാണ് സാധാരണയായി നടക്കുന്നത്. കഴുത്തറുക്കുന്നതിന്റെ വീഡിയോ പോലെ ഇതിന്റെ രംഗങ്ങൾ പകർത്തി തൻറെ സാഹസിക കൃത്യം വിളംബരം ചെയ്യുന്നവരും ഉണ്ട്. നിരന്തരമായി ഈ പീഡനങ്ങൾക്ക് ഇരയായ ഒരു പെണ്‍ കുട്ടി   നീതി തേടി ചെന്നപ്പോൾ ഒരു ന്യായാധിപൻ പറഞ്ഞ കാര്യങ്ങൾ ഓർമയുണ്ടല്ലോ. ആ പെണ്‍ കുട്ടി ഒരു വേശ്യയാണ്. സ്വമേധയാ  തയ്യാറായതാണ്.അല്ലെങ്കിൽ രക്ഷ പെട്ട് കൂടായിരുന്നോ?  ഇതൊക്കെയാണ് ആ ന്യായാധിപൻ ചോദിച്ചത്.

രണ്ടു സ്ത്രീകളെ ബലാൽസംഗം ചെയ്യുന്ന വീഡിയോ ദൃശ്യങ്ങൾ വാട്സ് ആപ്പിൽ പ്രചരിച്ചു. 6 മാസം മുൻപുള്ള വീഡിയോ. പങ്കെടുത്ത ആണുങ്ങളൊക്കെ ആസ്വദിച്ചു ചിരിച്ചു കൊണ്ട് നിൽക്കുന്ന വീഡിയോ. മലയാളിയായ സാമൂഹ്യ പ്രവർത്തക ഡോക്ടർ സുനിതാ കൃഷ്ണൻ (പ്രോജ്ജ്വല -ഹൈദരാബാദ്)  അത് യൂ ട്യൂബിൽ ഇടുകയും കുറ്റക്കാരെ കണ്ടു പിടിയ്ക്കാൻ ആഹ്വാനം ചെയ്യുകയും ചെയ്തു. ആ വീഡിയോ അശ്ലീലം എന്ന് പറഞ്ഞ് യൂ ട്യൂബിൽ നിന്നും പിൻ വലിച്ചു.  ഇരകളുടെ പടം മാറ്റി കുറ്റക്കാരുടെ പടം മാത്രം എഡിറ്റ്‌ ചെയ്ത് ഇട്ടിരിയ്ക്കുകയാണ് ഇപ്പോൾ.

"ഇവർ ബലാത്സംഗക്കാർ ആണ്.ഇവരെ കണ്ട് പിടിയ്ക്കൂ" എന്ന ആഹ്വാനവും ആയി.

ഇതാണവരുടെ ചിത്രങ്ങൾ.

Gang-Rape Video Shared on WhatsApp. Help Trace These Men.




ഇതിന് പ്രതികാരമായി സുനിതയുടെ കാർ ഇന്ന് രാവിലെ ആരോ എറിഞ്ഞു തകർത്തിട്ടുണ്ട്.  എന്നിരുന്നാലും അവർ ധൈര്യ പൂർവ്വം മുന്നോട്ടു പോവുകയാണ്. നമ്മുടെ സ്ത്രീ ജനങ്ങൾ സുനിതയ്ക്ക് സോഷ്യൽ മീഡിയ യിൽ കൂടിയെങ്കിലും പിന്തുണ നൽകില്ലേ?

4 comments:

  1. നാം അമിതമായ ആത്മവിശ്വാസത്തിന്റെ ഇരകളാണ് !

    ReplyDelete
    Replies
    1. എല്ലാം നിസ്സാരവൽക്കരിയ്ക്കാൻ ഉള്ള സമൂഹത്തിന്റെ ശ്രമം.

      Delete
  2. നമ്മുടെ നാടിന്റെ അധോഗതിയുടെ പരിഛേദനങ്ങളാണിതൊക്കെ...

    ReplyDelete
    Replies
    1. അതെ. പുരുഷ നിയന്ത്രണ സമൂഹവും അത് സന്തോഷ പൂർവം സ്വീകരിയ്ക്കുന്ന സ്തീ സമൂഹവും. അതാണ്‌ കാരണം.

      Delete