Wednesday, June 14, 2017

മദ്യ നയം

കേരളത്തിൽ ഇനി  മദ്യത്തിൽ നീന്തി കുളിക്കാം . ത്രീ സ്റ്റാർ മുതൽ മുകളിലോട്ടുള്ള എല്ലാ ഹോട്ടലുകൾക്കും ഇടതു മുന്നണി സർക്കാർ  ബാർ അനുമതി നൽകിക്കഴിഞ്ഞു. മദ്യ വർജ്ജനം ആണ്  അന്തിമ ലക്ഷ്യം എന്ന് ഇപ്പോഴും ഉരുവിട്ടുകൊണ്ടിരിക്കുന്ന സി.പി.എമ്മിന്റെ  ''മദ്യ വർജ്ജനം'' എന്നതിനർത്ഥം കൂടുതൽ ബാറുകൾ തുറക്കുക എന്നതാണ്!

ഇത്തരമൊരു  മദ്യ നയം ഇടതു മുന്നണി കൊണ്ട് വരുമെന്ന് എല്ലാവർക്കും അറിയാമായിരുന്നു, ഇവരെ അന്ധമായി വിശ്വസിച്ചു  ഇവർക്ക് വോട്ട് ചെയ്ത ആളുകൾക്കൊഴികെ. കാരണം മദ്യ ലോബിയുടെ സഹായം ഇല്ലാതെ ഇവർക്ക് നില  നിൽക്കാൻ കഴിയില്ല എന്നത് തന്നെ. മദ്യ മുതലാളിമാർക്ക് അനുകൂലമായ നിലപാട് ആയിരിക്കും തങ്ങളുടേത് എന്ന്  തിരഞ്ഞെടുപ്പ് സമയത്തു തന്നെ ഒളിഞ്ഞും തളിഞ്ഞും ഇടതു മുന്നണി വ്യക്തമാക്കിയിരുന്നു. ബാറുകൾ തുറക്കും എന്ന്  ബാർ മുതലാളിമാർക്ക് രഹസ്യമായി ഉറപ്പു നൽകുകയും ചെയ്തിരുന്നു എന്നതാണ് പ്രചരിക്കുന്ന വാർത്തകൾ. മുതലാളിമാർ സ്റ്റാറുകൾ കൂട്ടി പുതിയ ഹോട്ടലുകൾ കെട്ടിപ്പൊക്കിയത് ഇത്തരം ഒരുറപ്പിന്റെ അടിസ്ഥാനത്തിൽ ആയിരുന്നു എന്നും വാർത്തകൾ പുറത്തു വന്നു.  മാണിക്കെതിരെ കോഴ ആരോപണം വന്നപ്പോൾ ഉമ്മൻ ചാണ്ടി സർക്കാരിൽ നിന്നും പ്രതികാര നടപടികൾ ഭയന്നാണ് കൈക്കൂലി കൊടുത്തു എന്ന സത്യം പറയാത്തത് എന്ന് പറഞ്ഞ  അനേകം ബാറുടമകൾ ഉണ്ടായിരുന്നു.  അവരെല്ലാം പുതിയ ഇടതു മുന്നണി അധികാരത്തിൽ വരുമ്പോൾ സത്യം വെളിപ്പെടുത്തും എന്ന് വിശ്വസിച്ച കുറെ ജനങ്ങൾ ഉണ്ടായിരുന്നു. പക്ഷെ  ഒരൊറ്റ ബാർ മുതലാളിയും സത്യംവിളിച്ചു പറഞ്ഞില്ല. കാരണം അത്തരം വെളിപ്പെടുത്തലുകൾ  ബാറുകൾക്കനുകൂല നിലപാടെടുക്കുന്നതിന് എന്തെങ്കിലും രീതിയിൽ തങ്ങൾക്കു തടസ്സം ആകുമോ എന്ന്  പുതിയ ഇടതു മുന്നണി  ഭരണ കൂടം ഭയപ്പെട്ടു. കോഴ കൊടുത്തവരെ ബാർ ലൈസൻസ് നൽകുന്നതിൽ നിന്നും ഹൈക്കോടതി വിലക്കുകയോ മറ്റോ ചെയ്‌താൽ കളി ആകെ തെറ്റും. അത് കൊണ്ട് സത്യം പുറത്തു പറയണ്ട എന്നുപദേശിച്ചു  അതിനു തടയിട്ടത് ഇടതു മുന്നണിയാണ്,  ബാർ മുതലാളിമാർക്ക് അനുകൂല മദ്യ നയം നടപ്പിലാക്കും എന്ന ഉറപ്പു നൽകിക്കൊണ്ട്.

മദ്യ മുതലാളിമാർക്ക് അനുകൂല നിലപാട് വെളിപ്പെടുത്തുന്ന മറ്റൊരു കാര്യമാണ് കഴിഞ്ഞയാഴ്ച സംഭവിച്ചത്.  2014 ൽ ഇറക്കിയ ഒരു ഉത്തരവ് പ്രകാരം ചേർത്തല-തിരുവനന്തപുരം, കുറ്റിപ്പുറം-വളപട്ടണം പാതകൾ ദേശീയ പാത അല്ലെന്നും ആ പാതയോരത്തെ ബാർ തുറക്കാൻ അനുമതി നൽകണമെന്നും കാണിച്ചു ഹൈക്കോടതിയിൽ ബാർ മുതലാളിമാർ കൊടുത്ത ഹർജി വന്നപ്പോൾ സർക്കാർ ഒരക്ഷരം മിണ്ടാതെ ഇരുന്നു..പൊതു മരാമത്തു വകുപ്പ് എതിർ കക്ഷി ആയിട്ടും സർക്കാർ അനങ്ങിയില്ല. പൊതു മരാമത്തു മന്ത്രി തീർത്തും പറയുന്നു. ഇത് രണ്ടും ദേശീയ പാത തന്നെ എന്ന്. സർക്കാരിന്റെ വക  ഒരു അഡ്വക്കേറ്റ് ജനറൽ ഉണ്ട്. ഇങ്ങിനെ കേസുകൾ വരുമ്പോൾ സർക്കാരിന് വേണ്ടി വാദിക്കാനാണ് ശമ്പളവും കൊടുത്തു അദ്ദേഹത്തെ  ഇരുത്തിയിരിക്കുന്നത്.അങ്ങേര് ഒന്നും മിണ്ടിയില്ല. ആലോചിച്ചു തീരുമാനിക്കാൻ കോടതി സർക്കാരിനോട് പറഞ്ഞപ്പോൾ എക്സൈസ് കമ്മീഷണർ എ.ജി. യോട് ഉപദേശം ചോദിച്ചു.അങ്ങേര് പറഞ്ഞു അപ്പീൽ പോകണ്ട. കോടതിയിൽ മാധ്യമങ്ങളെ ഒഴിവാക്കിയത് കൊണ്ട് ഈ കള്ളക്കളികൾ പുറത്തു വരാൻ കുറെ ദിവസങ്ങൾ എടുത്തു.  അതിനകം  തന്നെ ഒരു വിശദീകരണവും ചോദിക്കാതെ സർക്കാർ കുറെ ബാറുകൾക്കു അനുമതിയും നൽകി. ഇപ്പോൾ പൊതു താൽപ്പര്യമായി ഒരാൾ അപ്പീൽ പോയപ്പോഴാണ് സർക്കാരിന്റെ ഈ കള്ളക്കളികൾ പുറത്തു വന്നത്. കോടതിയെ മുതലെടുക്കരുതെന്നു  കോടതി സർക്കാരിനു താക്കീത് നൽകി. അതോടെ തുറന്ന ബാറുകൾ എല്ലാം വീണ്ടും അടയ്‌ക്കേണ്ടിയും വന്നു. കേരളത്തിലെ എല്ലാ ബാറുകളും എങ്ങിനെയെങ്കിലും തുറക്കണം എന്ന ഇടതു സർക്കാരിന്റെ നയം ആണ് ഇതിൽ നിന്നെല്ലാം വെളിപ്പെടുന്നത്.

ബാറുകൾ തുറക്കാൻ വേണ്ടി എന്തൊക്കെ ന്യായങ്ങൾ ആണ് ഇവർ പറഞ്ഞത്? മദ്യം വിൽക്കുന്ന പണം കൂടി കണ്ടു കൊണ്ടാണ് ബഡ്ജറ്റ് ഉണ്ടാക്കിയത് എന്നാണു ധന മന്ത്രി പറഞ്ഞത്‌. മനുഷ്യന്റെ ആരോഗ്യം നശിപ്പിക്കുന്ന പണം കൊണ്ടാണോ ബഡ്ജറ്റ് ഉണ്ടാക്കേണ്ടത്? അനേകം കടുംബങ്ങൾ തകരും. എന്നാലും സർക്കാരിന് കാശ് വേണം എന്ന നികൃഷ്ട ചിന്തയാണ് ഇടത് സർക്കാരിനുള്ളത്.  25756.32 കോടി രൂപ ധന കമ്മിയാണ് 2017-18 ലെ ബഡ്ജറ്റ് കാണിക്കുന്നത്.  റവന്യു കമ്മിയാകട്ടെ 16043.14 കോടി. പൊതു  കടവും  ഓരോ വർഷവും കൂടിക്കൊണ്ടിരിക്കുന്നു. അതായത്  പുറത്തു നിന്നും സംസ്ഥാനം   വാങ്ങിക്കൂട്ടിയ കടം. ഇന്നത്  1,80,921.23 കോടിയാണ്. കഴിഞ്ഞ സർക്കാർ അധികാരമൊഴിയുമ്പോൾ ഉണ്ടായിരുന്നത് 1,57,370.33 കോടി. ഈ ഒരു വർഷം കൊണ്ട് 23,550.90 കോടി  കൂടുതൽ കടം പിണറായി വിജയൻ സർക്കാർ  ഉണ്ടാക്കി വച്ചു. അടുത്ത സാമ്പത്തിക വർഷാവസാനം വീണ്ടുമൊരു 26000 കോടി വർദ്ധിച്ചു കടം 2,07,026.81 കോടിയാകും എന്ന് ധന മന്ത്രി തന്നെ പറയുന്നു. എന്നിട്ടും മനുഷ്യന്റെ കരൾ ഉരുക്കുന്ന മദ്യം വിറ്റു വേണമോ കേരള സർക്കാർ പണം ഉണ്ടാക്കാൻ? മറ്റെല്ലാറ്റിനും പണം കണ്ടെത്താൻ കിഫ്‌ബി ഉണ്ടല്ലോ. എന്നിട്ടു മദ്യത്തിൽ വരുന്ന കമ്മി നികത്താൻ അത് ഉപയോഗിച്ചു കൂടെ?  മദ്യനയം പുറത്തു വന്നതോടു കൂടി ധന മന്ത്രി തോമസ് ഐസക്ക്  തന്റെയും നയം മാറ്റി, '' മദ്യത്തിൽ നിന്നുള്ള വരുമാനം ബഡ്ജറ്റിൽ വലിയ വ്യത്യാസം വരുത്തിന്നില്ല" എന്ന്. 

ബാറുകൾ തുറക്കാൻ വേണ്ടി ഇടതു സർക്കാറിന്റെ മറ്റൊരു വ്യാജ പ്രചാരണം ടൂറിസം മേഖല തകരുമെന്നും  മദ്യ നിയന്ത്രണം ടൂറിസത്തിനു വലിയ തിരിച്ചടി ഉണ്ടാക്കുമെന്നുമാണ്.  എല്ലാ ടൂറിസ്റ്റുകളും മദ്യപിക്കാനാണ്  കേരളത്തിൽ വരുന്നത് എന്നാണ് ഇവർ പറയുന്നത്. ടൂറിസ്റ്റുകൾ വരുന്നത് നാട് കാണാനാണ്. ഓരോ രാജ്യത്തു ചെല്ലുമ്പോഴും അവിടത്തെ നിയമവും ആചാരവും അനുസരിച്ചാണല്ലോ ടൂറിസ്റ്റുകൾ പെരുമാറേണ്ടത്?  അത് സഞ്ചാരികൾക്കു അറിയുകയും ചെയ്യാം. പക്ഷേ  24 മണിക്കൂറും മദ്യപിക്കാൻ സൗകര്യം ഒരുക്കിക്കൊടുക്കണമെന്നാണ് ഇടതു മുന്നണി പറയുന്നത്. ബാറുകൾ അടഞ്ഞതു കൊണ്ട് ടൂറിസ്റ്റുകൾ വരാതായെന്ന്!  ഇനി സത്യം എന്താണെന്ന് നോക്കാം. ഇക്കഴിഞ്ഞ വർഷം,  അതായത് 2016   ൽ വിനോദ സഞ്ചാരികളുടെ വരവിൽ 5.71% ശതമാനം വർധനയാണുണ്ടായത്. 1  കോടി  42 ലക്ഷം സഞ്ചാരികളാണ് കേരളത്തിൽ എത്തിയത്. വിദേശത്തു നിന്നുള്ള സഞ്ചാരികൾ 10.38 ലക്ഷം- ഈ വർഷം 6.23% വർധന! വിദേശ നാണ്യ വരുമാനം 7749.51 കോടി അതായത് 11.51%  വർധന. എന്നിട്ടാണ് സി.പി.എം. പറയുന്നത് ടൂറിസത്തിനു തിരിച്ചടി ആയെന്ന്.   ടൂറിസം വകുപ്പിന്റെ കണക്കുകൾ പുറത്തു  വന്നതിനു ശേഷം അൽപ്പം ഇളിഭ്യതയോട് കൂടിയാണെങ്കിലും മന്ത്രി കടകം പള്ളി സുരേന്ദ്രൻ ടൂറിസത്തിന്റെ വളർച്ച പരസ്യമായി സമ്മതിക്കുകയുണ്ടായി. പക്ഷെ ഈ  വളർച്ച കണക്കുകൾ ഒന്നും നമ്മുടെ  ധന മന്ത്രി അറിഞ്ഞ ലക്ഷണമില്ല.  അദ്ദേഹത്തിന്റെ  ഒരു പ്രസ്താവന കണ്ടു."ടൂറിസം ഉൾപ്പടെയുള്ള  പല മേഖലകളിലുമുണ്ടായ മാന്ദ്യമാണ് മദ്യ നയം മാറ്റാനുള്ള കാരണം". 

ദിവസം 12 മണിക്കൂർ ആണ് സർക്കാർ മദ്യപിക്കാൻ സൗകര്യം ഒരുക്കി യിരിക്കുന്നത്. രാവിലെ 11 മുതൽ രാത്രി 11 വരെ നോൺ -സ്റ്റോപ്പ് കുടി.. മദ്യ വർജനം ആണ് സർക്കാരിന് താൽപ്പര്യമെങ്കിൽ ഇത്രയും മണിക്കൂറുകൾ കുടിക്കാൻ എന്തിനു അവസരം കൊടുക്കണം? രാവിലെ ബ്രെക് ഫാസ്റ്റ് കഴിഞ്ഞു ജനം നേരെ വെള്ളമടി തുടങ്ങട്ടെ എന്നാണോ സർക്കാർ ഉ ദ്ദേശിക്കുന്നത്?  അത് പോലെ വൈകുന്നേരം 4 മണിക്കു ചായക്ക്‌ പകരം മദ്യം കഴിക്കാമെന്നോ? ഏതായാലും സമ്പൂർണ മദ്യ വർജനം ലക്ഷ്യം ആയ ഇടതു മുന്നണി സർക്കാർ   ''മദ്യ വർജ്ജന''  സമയമെങ്കിലും അൽപ്പം കൂട്ടിക്കൂടെ?  മദ്യപാന സമയം ഉച്ചക്ക് 12 മുതൽ 3 വരെയും പിന്നെ വെകുന്നേരം  6 മുതൽ രാത്രി 10 വരെ ആക്കിയാൽ പോരേ? 

മദ്യപിക്കാനുള്ള പ്രായം 21 ൽ നിന്നും ഉയർത്തി  23  ആക്കി.തികച്ചും അപ്രായോഗികമായ ഒരു കാര്യം ഏതോ മഹാ കാര്യം പോലെ അവതരിപ്പിക്കുകയാണ് സർക്കാർ. അങ്ങിനെ മദ്യം വിൽക്കുന്നവർ ശിക്ഷിക്കപ്പെടും എന്നൊരു വകുപ്പ് കൂടി! ഇനി ജനന സർട്ടിഫിക്കറ്റും കൊണ്ട് മദ്യം കഴിക്കാൻ പോകണമെന്നാണോ? ഇത് ആത്മാർത്ഥമായി പറയുകയാണ് എങ്കിൽ മദ്യം കഴിക്കുന്നവർക്ക് പെർമിറ്റ് കാർഡ് ഏർപ്പെടുത്തണം. കാർഡ് നോക്കി മാത്രം ഗദ്യം വിൽക്കുക.

പുതിയ മദ്യ നയം വന്നതോടെ 150 ബാറുകൾ തുറക്കുമെന്നാണ് പറയുന്നത്. അത് പോലെ നിലവിലുള്ള ബീയർ-വൈൻ പാർലറുകൾ ബാറുകളായി മാറും.പുതിയ ബാറുകൾ വനുവദിക്കുന്നതിൽ നിയന്ത്രണങ്ങൾ ഒന്നുമില്ല. ത്രീ സ്റ്റാറിനു  മുകളിൽ  ആകണമെന്ന് മാത്രം. അങ്ങിനെയെങ്കിൽ ഇനിയും പുതിയ ബാറുകൾ ഉണ്ടാകും. ബാറുകളുടെ എണ്ണം ആയിരം കടന്നു പോകും. മലയാളിക്ക് ഇഷ്ട്ടം പോലെ മദ്യപിക്കാം.സർക്കാർ കൂടെയുണ്ട്.

Wednesday, June 7, 2017

പരിസ്ഥിതി

ലോക പരിസ്ഥിതി ദിനം പ്രമാണിച്ചു  1 കോടി വൃക്ഷ തൈകൾ ആണ് കേരളത്തിൽ  നട്ടത്. ഗവർണർ മുഖ്യ മന്ത്രി,മന്ത്രിമാർ എം.എൽ.എ. മാർ തുടങ്ങി രാഷ്ട്രടീയക്കാർ എല്ലാവരും തൈ നട്ടു. റോഡരികിലും ഓഫീസ് മുറ്റത്തും പിന്നെ ജനം കാണുന്ന സ്ഥലത്തും ഒക്കെയാണ് ഇവ നട്ടത്. മുഖ്യ മന്ത്രിയ്ക്ക് മൂന്നാർ വനത്തിൽ പോയി ചെടി നടാൻ കഴിയാത്തതു കൊണ്ട് ക്ലിഫ് ഹൗസ് മുറ്റത്തു നടും. ഇവിടൊക്കെയാണോ ഈ മരങ്ങൾ നടേണ്ടത്?  ഈ മഴക്കാലം കഴിഞ്ഞാൽ ഈ നട്ട തൈകൾ ഒക്കെ കരിഞ്ഞു പോകും. ഒരു തുള്ളി വെള്ളം ഒഴിക്കാൻ ആരുമില്ല. പിന്നെ അടുത്ത പരിസ്ഥിതി ദിനത്തിൽ പുതിയ വ്യക്ഷ
തൈകളുമായി  ഇവരെ കാണാം.

 കേരളത്തിൽ വനം മുഴുവൻ വെട്ടിത്തെളിക്കുകയാണ്. അതൊക്കെ സർക്കാരിന്റെ അറിവോടെയും ആണ്. പശ്ചിമ ഘട്ട മല   നിരകൾ കയ്യേറ്റം മൂലം നശിച്ചു കൊണ്ടിരിക്കുന്നു. അപ്പോൾ ഈ തൈ നടലിനു എന്താണ് അർത്ഥം? വെറുമൊരു പ്രഹസനം അല്ലേ?  മരം നടൽ മാത്രമല്ല പരിസ്ഥിതി. നാട് മുഴുവൻ മാലിന്യ കൂമ്പാരം ആണ്. ജലവും വായുവും അന്തരീക്ഷമൊന്നാകെ മലിനീകരിക്കപ്പെടുന്നു. അത് തടയാൻ  സർക്കാർ ഒന്നും ചെയ്യുന്നില്ല. പരിസ്ഥിതിയെ ദുർബ്ബലപ്പെടുത്തി മൂന്നാർ ഉൾപ്പടെയുള്ള പ്രദേശങ്ങളിൽ കെട്ടിടങ്ങൾ കെട്ടിപ്പൊക്കുന്നു. കായലും കടലും കയ്യേറി കെട്ടിടങ്ങൾ  നിർമിക്കുന്നു. ജല സ്രോതസ്സുകളും തണ്ണീർത്തടങ്ങളും ഒക്കെ പൂർണമായും മലിനീകരിക്കപ്പെടുന്നു. ക്വാറി മാഫിയയും മണൽ മാഫിയയും പ്രകൃതിയെ നശിപ്പിക്കുന്നു. കണ്ടൽ കാടുകൾ മുഴുവൻ വെട്ടി വെളുപ്പിക്കുന്നു. ഇതിനെതിരെ ഒരു ചെറു വിരൽ അനക്കാൻ താല്പര്യമില്ലാത്ത സർക്കാർ നടത്തുന്ന ഈ ഒരു കോടി തൈ നടൽ വെറും തട്ടിപ്പു മാത്രമാണ്.പരസ്യത്തിനും മറ്റുമായി എത്ര കോടിയാണ് പാഴ് ചെലവ്?




Friday, May 26, 2017

ആഘോഷം.

"നമുക്ക് ഒരുമിച്ചു മുങ്ങിത്താഴാം, സർക്കാർ ഒപ്പമുണ്ട്" ഇതാണ് പിണറായി സർക്കാരിന്റെ ഒന്നാം വാർഷികാഘോഷത്തിനു ഏറ്റവും അനുയോജ്യമായ പരസ്യ വാചകം. 





 കഴിഞ്ഞ ഒരു വർഷത്തെ ഭരണത്തിൽ നിന്നും ഇതിലും അർത്ഥവത്തായ ഒരെണ്ണം കണ്ടു പിടിക്കാൻ കഴിയില്ല. 'എല്ലാം ശരിയാക്കാം' എന്ന പരസ്യവാചകത്തിലൂടെ അധികാരത്തിൽ കയറിയ സർക്കാർ ഒന്നും ശരിയാകാതെ പകച്ചു നിൽക്കുകയാണ്. ''അഴിമതി പാടെ തുടച്ചു നീക്കും'' എന്ന് ഓരോ അഞ്ചു മിനിട്ടിലും " ഞാൻ പെണറായി വിജയൻ" എന്ന് തുടങ്ങുന്ന  റേഡിയോ പരസ്യത്തിൽ പറയുന്ന സർക്കാർ ആണ് അഴിമതി 'തുടച്ചു നീക്കാത്തതോ' പോകട്ടെ  അതിനെതിരെ ഒരു ചെറു വിരൽ പോലും അനക്കാൻ പോലും ആകാതെ നിൽക്കുന്നത്. ഭരണത്തിൽ കയറി ഒരു മാസം തികയുന്നതിനു മുൻപ് തന്നെ ബന്ധു ജന അഴിമതിയിൽ ഒരു മന്ത്രി രാജി വയ്‌ക്കേണ്ടി വന്നു. ഉമ്മൻ ചാണ്ടി സർക്കാരിന്റെ അഴിമതി കൊണ്ട് മാത്രം ജയിച്ചു കയറിയ ഇടതു മുന്നണി  ചാണ്ടി സർക്കാരിന്റെ അഴിമതി ഒരെണ്ണം പോലും ഒരു വർഷം ആയിട്ടും പുറത്തു കൊണ്ടു വന്നില്ല എന്നത് അഴിമതിയിൽ 'ഒത്തു കളി' നടത്തുന്നു  എന്നതിന് തെളിവല്ലേ? അഴിമതിക്ക് ജയിലിൽ പോയ ബാലകൃഷ്ണപിള്ളയെ കാബിനറ്റ് റാങ്കിൽ നിയമനം. ലൈംഗികാരോപണത്തി ൽ  രണ്ടാം മന്ത്രിയും രാജി വച്ചു.


 ഭരണ ആസ്ഥാനത്താണെങ്കിൽ IAS-IPS തമ്മിൽ തല്ല് കൂട്ടത്തല്ല്. സെക്രട്ടേറിയറ്റിൽ സർക്കാരിനെതിരെ സമരം.  ക്രമ സമാധാന നില അതീവ ഗുരുതരം. ഓരോ ദിവസവും ഓരോ ബലാത്സംഗം എന്നതാണ് പിണറായി സർക്കാർ വന്നതിനു ശേഷമുള്ള കണക്ക്. രാഷ്ട്രീയ കൊലപാതകങ്ങൾ.  ധാരാളം. അരി വില ആകാശത്തോളം കുതിച്ചുയർന്നു. കിലോയ്ക്ക് 50 രൂപ. പച്ചക്കറി വില അതിലും ഭീകരം.  അടിസ്ഥാന സൗകര്യമില്ലാത്ത സർക്കാർ വിദ്യാലയങ്ങൾ. പകർച്ച വ്യാധികൾ പടർന്നു പിടിക്കുന്നു. പനി പിടിച്ചു ആളുകൾ മരിക്കുന്നു. മാലിന്യ സംസ്കരണം നടത്താതെ സർക്കാർ. ധൂർത്തിനാണെങ്കിൽ ഒരു കുറവുമില്ല.കാബിനറ്റ് റാങ്കിൽ ഒരു പിടി ഉപദേശകർ.ഒരു വിദ്യാർത്ഥിക്കെതിരെ പ്രചാരണത്തിന് പരസ്യം 18 ലക്ഷം. ഒരു ഡി.ജിപിക്കെതിരെ കേസിനു 3 കോടി. ഇതൊക്കെയാണ് ഈ സർക്കാരിന് ആഘോഷിക്കാനുള്ളത്.



Tuesday, May 23, 2017

ബലാത്സംഗം





video




മന്ത്രി എന്ത് സന്ദേശമാണ് സ്ത്രീ സമൂഹത്തിനു നൽകുന്നത്? ഇരകൾ സ്വയം പ്രതിരോധിക്കണം എന്നാണോ? ബലാത്സംഗത്തിന് വരുന്നവരെ കത്തിയെടുത്തു ജനനേന്ദ്രിയം ഛേദിക്കണം എന്നോ? അങ്ങിനെ ഒരു യുവതി ചെയ്ത  പ്രവർത്തി ഉദാത്തമാണെന്നും ധീരമാണെന്നും  പറഞ്ഞതിൽ നിന്നും അതാണ് മനസ്സിലാകുന്നത്. ഓരോ വ്യക്തിയുടെ സുരക്ഷ, സ്ത്രീകളുടെയും കുട്ടികളുടെയും സുരക്ഷ ഉറപ്പു വരുത്താൻ ഭരണ ഘടന പ്രകാരം ഉത്തരവാദിത്വം നിക്ഷിപ്തമായിട്ടുള്ള ഒരു സംസ്ഥാന മുഖ്യ  മന്ത്രി ആണ്  ഇപ്രകാരം നിരുത്തരവാദിത്വ പരമായ ഒരു പ്രസ്താവന നടത്തിയത്.

വളരെ ലാഘവത്തോടെ ആണ് മുഖ്യ മന്ത്രി ഇത്രയും ഗുരുതരമായ പ്രശ്നം എടുത്തത്. ഒരു തരം ഹാസ്യ ഭാവത്തോടെ, ചിരിച്ചു കൊണ്ട്. ചിരിക്കാനുള്ള കാര്യമാണോ ഇവിടെ നടന്നത്? ഒരു യുവതിയെ ഒരാൾ ബലാത്സംഗം ചെയ്യുന്നു. അതാണോ ഇത്ര ലാഘവത്തോടെ എടുക്കേണ്ടത്? തുടർ നടപടികളിലും മുഖ്യ മന്ത്രിയ്ക്ക് ചിരിയും തമാശയും ആണ്. " ഇനി എന്ത് നടപടി എടുക്കാനാണ്? പിന്തുണയ്ക്കുക അത്ര മാത്രം."  അപ്പോൾ പ്രശ്നം അവിടെ അവസാനിച്ചു.  ആഭ്യന്തരത്തിന്റെ ചുമതല കൂടിയുള്ള മുഖ്യ മന്ത്രി ആണിത് പറയുന്നത്. ഇത് കേൾക്കുന്ന പോലീസുകാരും തുടർ നടപടികൾ   എന്തായിരിക്കും?

കഴിഞ്ഞ ഒരു വർഷമായി കേരളത്തിൽ കൂടി വരുന്ന സ്ത്രീ പീഡനങ്ങളും, ബലാത്സംഗങ്ങളും,കൊലപാതകങ്ങളും മുഖ്യ മന്ത്രിയുടെ ഈ ലാഘവ ത്തോടെയുള്ള കാഴ്ചപ്പാട് കൊണ്ടാണ് എന്ന് പറയുന്നതാണ് ശരി. പ്രതിപക്ഷ നേതാവും ഇതേ കാഴ്ചപ്പാട് തന്നെ പ്രകടിപ്പിച്ചു.ആയുവതിയുടെ പേരിൽ കേസ് എടുക്കേണ്ട എന്ന് പറഞ്ഞതിലൂടെ സ്ത്രീകൾ  സ്വയം പ്രതിരോധിക്കുക എന്ന ഒരു വഴി മാത്രമേ ഉള്ളൂ എന്നും അത് നിയമപരമാക്കുക എന്നുമാണ് രമേശ് ചെന്നിത്തല അർത്ഥമാക്കിയത്.

സുരക്ഷാ നൽകേണ്ട തങ്ങളുടെ ഉത്തരവാദിത്വത്തിൽ നിന്നും ഒഴിഞ്ഞു മാറുന്നു .ഇവർക്കൊക്കെ ഒരു സ്ത്രീയുടെ മാനം എന്ന് പറഞ്ഞാൽ വെറും തമാശ ആണ്.

Saturday, May 20, 2017

പെൺ കൂട്ടായ്മ



Image may contain: 14 people, people smiling, selfie





സിനിമയിലെ സ്ത്രീ കൂട്ടായ്മ ഏറ്റവും യോഗ്യനായ ആളിനെത്തന്നെയാണ് പിന്തുണക്കായി സമീപിച്ചത്. സാക്ഷാൽ കേരള മുഖ്യ മന്ത്രി പിണറായി വിജയൻ. മഹിജ എന്ന വനിതയെ റോഡിലൂടെ വലിച്ചിഴച്ചതിനെ ന്യായീകരിച്ച ആൾ, പെമ്പിളൈ ഒരുമയെ  അധിക്ഷേപിച്ച മന്ത്രിയെ ന്യായീകരിച്ച ആൾ അങ്ങിനെ എല്ലാം കൊണ്ടും സ്ത്രീ പക്ഷനാണ്. 

വെറുമൊരു പബ്ലിസിറ്റി സ്റ്റണ്ട് മാത്രമാണ് ''വിമൻ കളക്ടീവ് ഇൻ സിനിമ'' എന്ന സംഘടന. എന്താണ് സിനിമാ വ്യവസായത്തിൽ  സ്ത്രീകൾ നേരിടുന്ന പ്രശ്നങ്ങൾ? ലൈംഗിക അതിക്രമങ്ങൾ, പീഡനങ്ങൾ,അവഗണന. ഇതിന്റെ കാരണം അന്വേഷിച്ചാൽ ഉത്തരവാദികൾ സ്ത്രീകൾ തന്നെ ആണെന്ന് കാണാം. സിനിമയിൽ ഒന്ന് മുഖം കാണിക്കാൻ വേണ്ടി, ഒരു ചാൻസിനു വേണ്ടി, ഒരു നായികാ പദവിക്ക് വേണ്ടി 'എന്തും ചെയ്യാം' എന്ന നിലപാടാണ് ഏറ്റവും പ്രധാന പ്പെട്ട കാരണം. അവിടത്തെ പുരുഷ സമൂഹം അതിനെ മുതലെടുക്കുകയും ചെയ്യുന്നു.അങ്ങിനെ തുടങ്ങി കഴിയുമ്പോൾ പിന്നെ ഈ  ''പവിത്രതയോടെ കാത്തു   സൂക്ഷിക്കുന്ന '' തിനൊന്നും ഒരർത്ഥവും ഇല്ലാതാകും. ഒരു പാട്സിനിമാ നടികളുടെ വിവിധ ''കലാപരിപാടികൾ''  നമ്മൾ  സോഷ്യൽ മീഡിയയിൽ  വരുന്ന വീഡിയോകളിൽ കാണാറുണ്ടല്ലോ. എങ്ങിനെയെങ്കിലും കാശുണ്ടാക്കുക,' സുഖിക്കുക' എന്നതാകുന്നു അവരുടെ ലക്ഷ്യം. അതിനു മറ്റുള്ളവരെ കുറ്റം പറഞ്ഞിട്ട് കാര്യമില്ലല്ലോ. സിനിമാ താരങ്ങൾക്കിടയിൽ വിവാഹ മോചനം കൂടുന്നതിന്റെ കാരണവും ഇത് തന്നെ. NO എന്നൊരു വാക്കു പറയാൻ കഴിയാത്തിടത്തോളം കാലം, അതൊക്കെയാണ് ജീവിതം എന്ന് ചിന്തിക്കുന്നിടത്തോളം കാലം, അത് ആസ്വദിക്കുന്നിടത്തോളം  ഈ കൂട്ടായ്മ ഒരു പരാജയം ആയിരിക്കും.

Friday, May 19, 2017

14 ലക്ഷം ഫീസ്

മെഡിക്കൽ പി.ജി. യ്ക്ക് 14 ലക്ഷം ഫീസ് അംഗീകരിച്ച പിണറായി സർക്കാർ സാധാരണ വിദ്യാർത്ഥികളോട് ഒരു മഹാ പാപം ആണ് ചെയ്തത്. കഴിഞ്ഞ വർഷത്തെ ഫീസ് ആയ ഏഴര ലക്ഷം രൂപയിൽ നിന്നാണ് ഒറ്റയടിയ്ക്കു 14 ലക്ഷം ആക്കിയത്. മാനേജമെന്റുകൾ ആവശ്യപ്പെട്ട തുക അതെ പടി സ്വീകരിക്കുകയായിരുന്നു സർക്കാർ. ഇത്രയും ലക്ഷങ്ങൾ മുടക്കി പാവപ്പെട്ടവർ, സാധാരണക്കാർ  എങ്ങിനെ പഠിക്കും എന്ന് സർക്കാർ ചിന്തിച്ചതേ ഇല്ല. എന്തിനാണ് ഇത്രയും ഫീസ് പി.ജി. ക്കു വാങ്ങുന്നത്? മുസ്ലിം -ക്രിസ്ത്യൻ മാനേജ്‌മെന്റ് പ്രതിനിധികൾ ചാനലിൽ ഘോര ഘോരം വാദിക്കുന്നത് കണ്ടു. ഈ വിദ്യാർത്ഥികൾക്ക് വേണ്ടി MRI തുടങ്ങിയ വിലയേറിയ ഉപകരണങ്ങൾ വേണമെന്നും പ്രൊഫസ്സർ തുടങ്ങിയ അധ്യാപകർ വേണമെന്നും അതിനു വലിയ ചിലവാകുമെന്നും,പിന്നെ സ്റ്റൈപ്പൻഡ് കൊടുക്കുന്നു എന്നും.

 വിദ്യാർത്ഥികൾ എന്ന് പറയുന്നെങ്കിലും  പി.ജി. പഠിക്കുന്നവർ    MBBS കഴിഞ്ഞ full fledged  ഡോക്ടർ മാർ ആണ്. പത്താം ക്ലാസ്സിലെന്ന പോലെ അല്ല പി.ജി.പഠനം. അവർ ജോലി ചെയ്തുആണ് പഠിക്കുന്നത്. അതിന് മാർഗ നിർദ്ദേശം നൽകുകയും സഹായിക്കുകയും ആണ് അധ്യാപകർ ചെയ്യുന്നത്. ഈ അധ്യാപകർ ഡോക്ടർമാർ ആണ്. ക്ലാസ്സു മുറികളിലെ വെറും പഠിപ്പിക്കൽ അല്ല അവർ ചെയ്യുന്നത്. ആ ആശുപതിയിൽ ജോലി ചെയ്യുകയാണ്. രോഗികളെ  പരിശോധിക്കുന്നു, ഓപ്പറേഷൻ നടത്തുന്നു അങ്ങിനെ എല്ലാം ചെയ്യുന്നു ഈ അധ്യാപക ഡോക്ടർമാർ. അതിന്റെ പണം രോഗികളിൽ നിന്നും മെഡിക്കൽ കോളേജുകാർ വാങ്ങുന്നു. അപ്പോൾ അധ്യാപകർക്ക്   ശമ്പളം വിദ്യാർത്ഥികളുടെ ഫീസിൽ നിന്നും കണ്ടെത്തണം എന്ന് പറയുന്നത് കള്ളമാണ്. ഇനി  ഉപകരണങ്ങൾ. അത്  പി.ജി.ക്കാരെ  പഠിപ്പിക്കാൻ വേണ്ടി മാത്രമല്ല. അത് രോഗികൾക്ക് ഉപയോഗിച്ച് കാശ് വാങ്ങുന്നു. അതും വിദ്യാർത്ഥികളുടെ ഫീസിൽ നിന്നും വേണമെന്ന് പറയുന്നത് തട്ടിപ്പാണ്. പി.ജി. വിദ്യാർത്ഥികളുടെ സേവനം ആശുപത്രി ഉപയോഗിക്കുന്നു. അവരെ  '' full time  residents'' എന്നാണ് MCI  regulation -2000 (ക്ലാസ് 13.2) പറയുന്നത്.  O P തുടങ്ങിയ എല്ലാ ജോലികളും അവരെ കൊണ്ട് ചെയ്യിക്കുന്നു. അതിലൂടെ ആശുപത്രിക്കു കിട്ടുന്ന പണത്തിന്റെ വളരെ ചെറിയ ഒരംശം ആണ്  സ്റ്റൈപ്പൻഡ് എന്ന് പറഞ്ഞു കൊടുക്കുന്നത്. അത് കൊണ്ട് മാനേജ്‌മെന്റുകളുടെ പണമുണ്ടാക്കാനുള്ള വാദങ്ങൾ അംഗീകരിച്ചു കൊണ്ട് എന്തിനാണ് സർക്കാർ ഫീസ് കൂട്ടുന്നത്? ഇതിൽ കോഴയുടെ മണമാണ് ഉയരുന്നത്. കോടികളുടെ കോഴ.

Thursday, May 4, 2017

വട്ടാണോ

Image may contain: 1 person, close-up




ഒരു ഹൈക്കോടതി ജഡ്ജിക്ക് മാനസിക പ്രശ്നം ഉണ്ടോ എന്നറിയാനായി സുപ്രീം കോടതി ഉത്തരവിട്ടിരിക്കുന്നു! കൽക്കട്ട ഹൈക്കോടതിയിലെ ജഡ്ജ് കർണന് എതിരെയാണ് ഉത്തരവ്. ഫെബ്രുവരി 8 മുതൽ കർണന് ജഡ്ജി എന്ന നിലയിലുള്ള അധികാരം മുഴുവൻ സുപ്രീം കോടതി എടുത്തു കളഞ്ഞിരിക്കുകയാണ്.

ജസ്റ്റീസ് കർണൻ ആകട്ടെ സുപ്രീം കോടതിയുടെ   വിധി അസ്ഥിര പ്പെടുത്തിക്കൊണ്ട്  ഒരു വിധി  പുറപ്പെടുവിക്കുന്നു. നേരത്തെയും മദ്രാസ് ഹൈക്കോടതിയിൽ നിന്നും കൽക്കട്ട ഹൈക്കോടതിയിലേയ്ക്ക് സ്ഥലം മാറ്റിയ സുപ്രീം കോടതി വിധി കർണൻ അസ്ഥിരപ്പെടുത്തി വിധി പറഞ്ഞിരുന്നു. അത് കഴിഞ്ഞു സുപ്രീം കോടതി ജഡ്ജിമാർക്കെതിരെ അഴിമതി ആരോപണം ഉയർത്തി. ഏറ്റവും അവസാനം സുപ്രീം കോടതി കർണനു എതിരെ കോടതി അലക്ഷ്യത്തിനു ഒരു 7 അംഗ ബെഞ്ച് ഉണ്ടാക്കി. കർണൻ ആകട്ടെ സുപ്രീം കോടതി ജഡ്ജിമാർ വിദേശത്തു പോകുന്നത് തടഞ്ഞു കൊണ്ട് ഒരു ഉത്തരവ് പുറപ്പെടുവിച്ചു. അതോടെ സുപ്രീം കോടതി കർണന് വട്ടാണോ എന്നറിയാൻ ഒരു മെഡിക്കൽ ബോർഡ് പരിശോധിച്ചു മെയ് 4 നകം പറയണമെന്നു ഉത്തരവ് പുറപ്പെടുവിച്ചു. (കഴിഞ്ഞ വർഷം തനിക്കു മെന്റൽ ആണെന്ന് കർണൻ തന്നെ സുപ്രീം കോടതിയിൽ ഏറ്റു പറഞ്ഞിരുന്നു). കർണ്ണനും വിട്ടില്ല. സുപ്രീം കോടതി ജഡ്ജുമാർക്കു വട്ടാണോ എന്ന് അറിയാൻ ഒരു മെഡിക്കൽ ബോർഡ് രൂപീകരിക്കണം എന്നൊരു ഉത്തരവിട്ടു.

ഇതാണ് ഭാരതത്തിലെ കോടതിയുടെയും ജഡ്ജുമാരുടെയും സ്ഥിതി.

Tuesday, April 25, 2017

DGP സെൻ കുമാർ

തോൽവികൾ ഏറ്റു വാങ്ങാൻ ഇനിയും വിജയൻറെ ജീവിതം ബാക്കി.

പിണറായി സർക്കാരിന് കരണത്ത് കിട്ടിയ ശക്തമായ അടിയാണ് ടി.പി.സെൻ കുമാറിനെ തിരിച്ചു DGP ആയി നിയമിക്കണം എന്ന ബഹു.സുപ്രീം കോടതിയുടെ വിധി. ലക്ഷങ്ങൾ മുടക്കി  പ്രശസ്തനായ വക്കീലിനെ നിയോഗിക്കുകയും ആവനാഴിയിലെ സർവതും പുറത്തെടുത്തിട്ടും, തിരുത്തിയ ഫയലുകൾ സമർപ്പിച്ചിട്ടും   സുപ്രീം കോടതി സത്യം കണ്ടെത്തുകയും കേരള സർക്കാരിന്റെ വാദങ്ങൾ എല്ലാം തള്ളി സെൻ കുമാറിനെ നിഷ്ക്കാസിതനാക്കിയ ഉത്തരവ് റദ്ദ് ചെയ്തു തിരിച്ചു നിയമനം നടത്താൻ ഉത്തരവിടുകയും ചെയ്തത്. 

എന്തിനാണ് സെൻ കുമാറിനെ മാറ്റിയത്? മാറ്റിക്കൊണ്ടുള്ള  പിണറായിയുടെ ഉത്തരവ്."....his leadership has not been satisfactory leading to serious dissatisfaction among the general public ...especially in regard to   Puttingal Temple incident and the Jisha murder case". സെൻ കുമാറിന്റെ നേതൃത്വം പൊതു ജനങ്ങൾക്ക് ഗുരുതരമായ അസംതൃപ്തി ഉളവാക്കി.

കോടതി വിധിയിൽ  പറയുകയാണ് "Suddenly, these issues resurfaced as soon as the present government assumed office.This might perhaps be a coincidence but it might also be politically motivated, as suggested by learned counsel for  the appellant". സെൻ കുമാറിനെ നീക്കിയത്  രാഷ്ട്രീയ ഉദ്ദേശത്തോടു കൂടിയും ആകാം എന്ന് ബഹു.സുപ്രീം കോടതി..

എങ്ങിനെയെങ്കിലും രക്ഷപ്പെടാൻ വേണ്ടി ഇതിനിടെ സെൻകുമാറിനെ നിയമിച്ചതും നിയമപരമായി അല്ലെന്നു പിണറായി സർക്കാർ സത്യ വാ ങ്മൂലത്തിൽ പറഞ്ഞു. ''അങ്ങിനെയെങ്കിൽ ദൈവത്തിന്റെ സ്വന്തം നാടിനെ രക്ഷിക്കാൻ ആർക്കും കഴിയില്ല" എന്നും കോടതി പറഞ്ഞു.

"the appellant has been unfairly and arbitrarily dealt with".  സെൻകുമാറിനെ മാറ്റിയത് അന്യായവും സ്വേച്ഛാതിപത്യപരവും ആണ്.

പിണറായിയുടെ ഫേവറിറ്റ് വക്കീൽ ഹരീഷ് സാൽവെ ആണ് സർക്കാരിന് വേണ്ടി വാദിച്ചു തോറ്റത്. ലാവലിനും വാദിക്കുന്നത് ആ ദേഹമാണ്.


തെറി വിളി

ജാത്യാലുള്ളത് തൂത്താൽ പോകില്ല. എം.എം.മണിയെ കുറ്റം പറഞ്ഞിട്ട് കാര്യമില്ല. കാരണം മണി കാണിക്കുന്നത്  മാർക്സിസ്റ്റ് പാർട്ടിയുടെ സംസ്കാരമാണ്. അല്ലെങ്കിൽ എന്തിനാണ് മണിയെ മന്ത്രി ആക്കിയത്? മണിക്ക് ഒരു സുപ്രഭാതത്തിൽ പൊട്ടി വിരിഞ്ഞുണ്ടായതല്ല  ഈ സ്വഭാവ വിശേഷം. പാർട്ടിയിൽ കയറിയ കാലം തൊട്ടേ ഉണ്ട്. ഒരു പക്ഷേ അതായിരുന്നിരിക്കണം പാർട്ടിയിൽ കയറ്റാനുള്ള യോഗ്യത. എന്നിട്ടു മുഖ്യ മന്ത്രിയും മന്ത്രിമാരും പാർട്ടി സെക്രട്ടറിയും സെക്രട്ടേറിയറ്റും ഇവരുടെ കേന്ദ്ര നേതൃത്വവും  ഒരേ മനസ്സോടെ മണിയെ മന്ത്രിയാക്കി.1, 2, 3 പറഞ്ഞു കൊല നടത്തിയ കേസിലെ പ്രതിയാണ് മണി. അന്നേരം മാർക്സിസ്റ്റ് കാർക്ക് ധാർമിക പ്രശ്‍നം ഒന്നും ഉണ്ടായില്ല. മറ്റു പാർട്ടികൾ ചെയ്യുമ്പോൾ മാത്രം ഉണ്ടാകുന്ന ഒന്നാണല്ലോ.ഈ ധാർമികം. 
 തുടക്കം മുതൽ മാണി അസഭ്യങ്ങളും സംസ്കാരമില്ലാത്ത ഭാഷയും പ്രയോഗങ്ങളും നടത്തി. അശ്ലീലം ആംഗ്യ ഭാഷയിലൂടെ പ്രകടിപ്പിച്ചു. മാർക്സിസ്റ്റ് കാരെല്ലാം ഇത് കണ്ടു ആസ്വദിച്ചു, കൈയടിച്ചു. ഇത്   ഗ്രാമ്യ ഭാഷ എന്ന് പറഞ്ഞു പ്രോത്സാഹിപ്പിച്ചു. ഗ്രാമീണർ ഇത്തരം അസഭ്യമാണോ ഉപയോഗിക്കുന്നത്? ഏതു ഗ്രാമത്തിൽ ആണ് ഇത്തരം ആഭാസത്തരം സംസാരിക്കുന്നത്? ഇതിലൂടെ പാർട്ടി ഗ്രാമീണരെ അധിക്ഷേപിക്കുക കൂടി ആയിരുന്നു.

 എതിർ പാർട്ടികൾക്കെതിരെ  പരസ്യമായി ആഭാസം   പറയാൻ നേതൃത്വം നിയോഗിച്ച ആളാണെന്നു പറയാം. ഓരോന്നിനും  യോഗ്യത അനുസരിച്ചു നിയോഗിക്കാറുണ്ടല്ലോ. നിയമ സഭയിൽ ഉൾപ്പടെ സഭ്യേതര ഭാഷ പറഞ്ഞപ്പോഴും, നിയമം നടപ്പാക്കുന്ന ഉദ്യോഗസ്ഥരെ തെറി വിളിച്ചപ്പോഴും പാർട്ടി സന്തോഷിച്ചു.പാർട്ടിയുടെ മുഖമാണ് മണി. 


സ്ത്രീകൾക്കെതിരെയുള്ള പ്രസ്താവന വന്നപ്പോൾ മാത്രമാണ് പിണറായിയും കോടിയേരിയും   മണിക്കെതിരെ പറയാൻ നിർബന്ധിതരായത്.അടുത്ത സംസ്ഥാന കമ്മിറ്റിയിൽ ഒരു ശാസന. മിയ്ക്കവാറും പ്രശ്നം തീരും. മണി വീണ്ടും തെറി വിളിയുമായി സാംസ്കാരിക കേരളത്തിന് അപമാനമായി ഇങ്ങിനെ വിലസും. ഇവരെ തെരെഞ്ഞെടുത്ത ജനങ്ങൾ ഇത് അർഹിക്കുന്നു.

Sunday, April 23, 2017

കയ്യേറ്റ ഭൂമിയിലെ കുരിശുകൾ







മൂന്നാറിൽ കുരിശു നാട്ടി കൈയേറിയ സർക്കാർ ഭൂമി ഒഴിപ്പിച്ചത് കൈയേറ്റക്കാർക്കും അവർക്കു ചൂട്ടു പിടിച്ചു കൊടുക്കുന്ന രാഷ്ട്രീയക്കാർക്കും ഉള്ള ശക്തമായ ഒരു വാണിങ് ആയിരുന്നു. പ്രതീക്ഷിച്ചതു പോലെ കൈയേറ്റക്കാരെ പിൻതുണച്ച് രാഷ്ട്രീയക്കാർ, മാർക്സിസ്റ്റ് പാർട്ടി പരസ്യമായി  രംഗത്തു വന്നു. അത് കേരള മുഖ്യ മന്ത്രി തന്നെ ആയി എന്നുള്ളത് നമ്മുടെ ശാപം എന്ന് തന്നെ പറയാം.

കയ്യേറ്റ ഭൂമിയിലെ കുരിശുകൾ  പൊളിക്കാനായുള്ള മാർഗനിർദേശങ്ങൾ മുഖ്യമന്ത്രി പുറത്തിറക്കി.
1. പാർട്ടി എം.എൽ.എ.. പാർട്ടി ജില്ലാ സെക്രട്ടറി,ബ്രാഞ്ച് സെക്രട്ടറി,,L C സെക്രട്ടറി എന്നിവരുടെ രേഖാ മൂലമായ ഉത്തരവ് കളക്ടർ വാങ്ങണം.
2.ജെസിബി ,മൺവെട്ടി,പിക്കാസ്,കമ്പിപ്പാര   തുടങ്ങിയ മാരകായുധങ്ങൾ ഉപയോഗിക്കരുത്.
3. പകരം മൊട്ടു സൂചി,ചെവിത്തോണ്ടി, പല്ലു കുത്തി ഇവ ഉപയോഗിക്കുക.
3 .ബിഷപ്പ്,പള്ളീലച്ചൻ,തുടങ്ങിയവരുടെ കാർമികത്വത്തിൽ കുരിശിനു  അന്ത്യ കൂദാശ ചെയ്യണം.
4. കയ്യേറ്റ മുതലാളിയോട് സമ്മതമാണോ എന്ന് മൂന്നു തവണ വിളിച്ചു ചോദിക്കണം.
5.അനന്തരം ഭക്ത്യാദര ബഹുമാനപുരസ്സരം കുരിശിനെ തൊട്ടു വ ണങ്ങി നോവിക്കാതെ എടുത്തു മാറ്റണം.
 6 . ഹാലേലുയ്യ ..സ്ത്രോത്രം സ്ത്രോത്രം  എന്ന് എല്ലാവരും ഒന്നിച്ചു ചൊല്ലുക. 

Thursday, April 20, 2017

ലേണഡ് ജഡ്ജ്

ഹൈക്കോടതി ജഡ്ജിമാരെ സഹോദര  ജഡ്ജിമാർ  ''ലേണഡ് ജഡ്ജ്'' എന്നാണ് വിശേഷിപ്പിക്കുന്നത്. സുപ്രീം കോടതിയിലും അങ്ങിനെ തന്നെ വിളിക്കുന്നു.  പണ്ഡിതനായ ജഡ്ജി. ഒരു 'ലേണഡ് ജഡ്ജ്' പുറപ്പെടുവിച്ച വിധി കേട്ടോളൂ.

"(The).. tenant in the demised premises stands aggrieved by the pronouncement made by the learned Executing Court upon his objections constituted therefore...wherewithin the apposite unfoldments qua his resistance to the execution of the decree stood discountenanced by the learned Executing Court".

വല്ലതും മനസ്സിലായോ? ഇല്ല. നമ്മുടെ ഭാഷ മോശമായത് കൊണ്ടല്ല. ജഡ്ജിയുടെ ഭാഷ കേമമായതു കൊണ്ടാണ്. ബഹുമാനപ്പെട്ട സുപ്രീം കോടതിയ്ക്കും സംഭവം  മനസ്സിലായില്ല. അത് കൊണ്ട് സുപ്രീം കോടതി (ജസ്റ്റീസ് എം.ബി. ലോക്കൂർ,ജസ്റ്റീസ് ദീപക് ഗുപ്ത)പറഞ്ഞു.
"We will have to set it aside because one cannot understand this."

വിധി മനസ്സിലാകുന്നില്ല എന്ന്. അത് കൊണ്ട് കേസും റദ്ദാക്കി.ഹിമാചൽ പ്രദേശ് ഹൈക്കോടതി യിലെ ഒരു 'ലേണഡ് ജഡ്ജ്' പുറപ്പെടുവിച്ച വിധിയാണിത്. ആർക്കു വേണ്ടിയാണ് വിധി? പ്രതിയുടെയും വാദിയുടെയും വക്കീലന്മാർക്കും ഇതിന്റെ അർഥം മനസ്സിലായില്ല. പ്രതിയ്ക്കും വാദിയ്ക്കും ഏകാഭിപ്രായം - വിധി മനസ്സിലായില്ല.

ഇത് പോലെ മറ്റൊരു സുപ്രീം കോടതി ബെഞ്ചും ഇതേ ജഡ്ജിയുടെ ഒരു വിധി ഇതേ പോലെ തള്ളി എന്ന് വക്കീൽ കോടതിയെ അറിയിച്ചു. ബഹു: ഹൈക്കോടതിയെ എല്ലാ ബഹുമാനത്തോടും പ്രതീക്ഷയോടും കാണുന്ന പാവം ജനങ്ങൾ ചെയ്യും? ''ലേണഡ് ജഡ്ജ്''മാരെ ആരാധനയോടെ നോക്കുന്ന പാവം ജനങ്ങൾ എന്ത് ചെയ്യും?


ഡിസ്ട്രിക്ട് & സെഷൻസ് ജഡ്ജിമാരെ തെരഞ്ഞെടുത്തപ്പോൾ 50% മാർക്ക് അഭിമുഖത്തിന് നിർബന്ധമാക്കിയപ്പോൾ തോറ്റ പരീക്ഷാർത്ഥികൾ അതിനെതിരെ സുപ്രീം കോടതിയിൽ കൊടുത്ത കേസിൽ കേരള ഹൈ കോടതിയ്ക്ക് നോട്ടീസ് അയച്ചിരിക്കുകയാണ്. വിധി അനുകൂലമെങ്കിൽ അഭിമുഖത്തിൽ തോറ്റ വരാണ് നാളത്തെ ജില്ലാ ജഡ്ജിമാർ, അവരാണ് മൂത്തു ഹൈക്കോടതിയിൽ എത്തുന്നത്. ലേണഡ് ജഡ്ജ് ആയി. ഇത്രയൊക്കെ
പ്രതീക്ഷിച്ചാൽ മതി.

Sunday, April 16, 2017

ജന വഞ്ചന.

വാണിയാനും വാണിയത്തിയും കളി എന്നൊരു പഴഞ്ചൊല്ലുണ്ട്. പൊതു ജനം ആട്ടാൻ കൊണ്ട് കൊടുക്കുന്ന കൊപ്രയിൽ നിന്നും എണ്ണ അടിച്ചു മാറ്റാൻ രണ്ടു പേരും കളിക്കുന്ന ഒരു നാടകം. തമ്മിൽ ഒരു വഴക്ക്. അടിയിൽ നിന്നും രക്ഷപ്പെടാൻ എന്ന വ്യാജേന ചക്ക് തുടയ്ക്കുന്ന തുണിയുമായി ആകെത്തേയ്ക്കു ഒരു ഓട്ടം. അവിടെ ഇരിക്കുന്ന പാത്രത്തിൽ എണ്ണ പിഴിഞ്ഞൊഴിച്ചു തിരിച്ചു വരുന്നു. കൊപ്ര കൊണ്ടു കൊടുത്തവൻ വിഡ്ഢിയായി നിൽക്കുന്നു.
അത് പോലാണ് CPI യും CPM ഉം കളിക്കുന്നത്. CPM ന്റെ പോളിസികൾക്കു എതിരെ ജന പക്ഷത്തു നിന്നു കൊണ്ട് CPI പ്രതികരിക്കുന്നു. സിപിഎം എതിർക്കുന്നു. പക്ഷേ ഈ സംഭവങ്ങളൊക്കെ നടക്കുന്നത് ഫേസ് ബുക്കിലും ജനയുഗ-ദേശാപമാനി പത്രത്താളുകളിലും വാർത്താ സമ്മേളനങ്ങളിലും മാത്രമാണ് എന്നതാണ് ഇത് ജനങ്ങളെ വിഡ്ഢിയാക്കാനുള്ള നാടകം ആണെന്ന് പറയുന്നത്. അങ്ങോട്ടും ഇങ്ങോട്ടും രൂക്ഷമായ പ്രതികരണങ്ങൾ വാദ പ്രതി വാദങ്ങൾ. ലാ അക്കാദമി വിഷയത്തിൽ ഇത് പോലെ ഇവർ തമ്മിൽ വഴക്കു ഉണ്ടാക്കിയതാണ്. കയ്യേറ്റം ഒഴിപ്പിക്കും എന്ന് സി.പി.ഐ. പറഞ്ഞു.ഒന്നും സംഭവിച്ചില്ല. പിണറായി പറഞ്ഞിടത്തു കാര്യങ്ങൾ നിന്നു.
മൂന്നാറിൽ സംഭവിക്കുന്നത്. മൂന്നാർ. റവന്യു ഭൂമി ഒഴപ്പിക്കാൻ പോയ സബ് കളക്ടറെ തടഞ്ഞു,തെറി വിളിച്ചു. സ്ഥിരം ശൈലിയിൽ CPI പ്രതികരിച്ചു. ഒന്നും സംഭവിച്ചില്ല. തടഞ്ഞ CPM കാർ സസുഖം വാഴുന്നു. CPI മുന്നണി യോഗങ്ങളിലും മന്ത്രി സഭാ യോഗത്തിലും ശബ്ദമുണ്ടാക്കുന്നു എന്ന് മാത്രം. ശക്തമായ ഒരു നിലപാട് എടുക്കുന്നില്ല. പുറത്തു പോര്, അകത്തു അഡ്ജസ്റ്റ്മെന്റ്. മുന്നണിയിലെ എല്ലാ പാർട്ടികളും തുല്യരാണ് എന്നൊക്കെ മാർക്സിസ്റ്റ് കാര് പറയുന്നെങ്കിലും അവരാണ് കാര്യങ്ങൾ നടത്തുന്നത് എന്ന് എല്ലാവർക്കും അറിയാം. സി.പി.ഐ. ക്കും. അധികാരം വേണം. ജന പക്ഷത്താണ് എന്ന് ധാരണ പരത്തണം. അതാണ് ജന വഞ്ചന.

Saturday, March 25, 2017

വരൾച്ച

സ്വയം അനുഭവിക്കാതെ ഒന്നും മനസിലാക്കില്ല എന്ന മനോഭാവമാണ് മലയാളിയുടെ ശാപം. കാടാകെ കത്തിയെരിയുന്ന, നാടാകെ വരളുന്നു, നദികൾ വറ്റി വരണ്ടു. കിണറുകൾ വറ്റി. കുടിക്കാൻ വെള്ളമില്ലാതെ വലിയൊരു ദുരന്തത്തിലേക്ക് നീങ്ങുകയാണ് കേരളം. രൂക്ഷമായ വരൾച്ചയുടെ  ദൃശ്യങ്ങളും വാർത്തകളും കൊണ്ട് മാധ്യമങ്ങൾ നിറയുന്നു. എന്നിട്ടും ''എനിക്കും കുടുംബത്തിനും കുളിക്കാനും നനയ്ക്കാനും കുടിക്കാനും ഉള്ള വെള്ളം കിട്ടുന്നുണ്ട്. പിന്നെ പാലക്കാടും വയനാട്ടിലും നാട്ടിൻപുറങ്ങളിലും ഉള്ള വരളുന്ന കഥകൾ ഞാനെന്തിന് കാണണം? "   ഇതാണ് ഒരു മലയാളിയുടെ മനോഭാവം. 

രാവിലെ നടക്കാനിറങ്ങുമ്പോൾ കാണുന്ന കാഴ്ചകൾ മനസ്സിനെ വല്ലാതെ വേദനിപ്പിക്കുന്നു. ഹോസിലൂടെ മുറ്റവും ചെടിയും സമൃദ്ധമായി നനയ്ക്കുന്ന വീട്ടുകാർ ധാരാളം. ഓരോ തുള്ളിയും അമൃതം ആണെന്ന് കേൾക്കുന്ന അതെ മനുഷ്യരാണ് ഇങ്ങിനെ വെള്ളം പാഴാക്കിക്കളയുന്നത്. ചെടിക്കു ആവശ്യമുള്ളതിലും വളരെ അധികം വെള്ളം ആണ് ഒഴിക്കുന്നത് എന്നത് മറ്റൊരു കാര്യം.വീട്ടിൽ ഉപയോഗിച്ചു കളയുന്ന വെള്ളം കൊണ്ട് ചെടി നനക്കാൻ കഴിയുമ്പോഴാണ് ഇത്തരം ദുർവ്യയം. അരി, പച്ചക്കറി ഒക്കെ കഴുകുന്ന വെള്ളം, സോപ്പ് ഇട്ടു  കഴുകിയതിനു ശേഷം സൂക്ഷിക്കുന്ന  പാത്രങ്ങൾ  ഉപയോഗത്തിന് എടുക്കുമ്പോൾ വീണ്ടും കഴുകുന്ന വെള്ളം ഇതൊക്കെ സംഭരിച്ചു ചെടികൾ നനയ്ക്കാൻ ഉപയോഗിയ്ക്കാം. ഇന്നെല്ലാവരും വാഷിങ് മെഷീൻ ആണല്ലോ ഉപയോഗിക്കുന്നത്. ( ഇത്രയും സൂര്യ പ്രകാശം സുലഭമായിട്ടും 'ഡ്രയർ' കൂടിയുള്ള 'ആട്ടോമാറ്റിക്' വാങ്ങുന്ന വിവരദോഷം ആണ് മലയാളികൾ കാണിക്കുന്നത് എന്നത് മറ്റൊരു കാര്യം)  സോപ്പ് പൊടി പോയതിനു  ശേഷം അവസാനത്തെ രണ്ടു കഴുകൽ പുറത്തെടുത്തു ബക്കറ്റിൽ ആക്കിയാൽ ആ വെള്ളവും ചെടികൾക്ക് ഉപയോഗിക്കാം. അത് സംഭരിക്കാനും ഉപയോഗിക്കാനുമുള്ള മനസ്സ് മതി. അടുക്കളയിൽ നിന്നും ഒരു പ്രത്യേക പൈപ്പ് ഇട്ടാൽ കാര്യം  കുറേക്കൂടി എളുപ്പമായി. ഏതാണ്ട് 60-70  ലിറ്റർ വെള്ളമാണ് ഇത്തരത്തിൽ ഓരോ ദിവസവും വീട്ടിൽ നിന്നും കിട്ടുന്നത്. 25 ചട്ടിയിലുള്ള ചെടികൾ, 25  അടി ഫ്‌ളവർ ട്രഫിലെ ചെറു ചെടികൾ വേപ്പ്, മുരിങ്ങ തുടങ്ങി പറമ്പിലെ 5 ചെടികൾ, 10 മൂട് മരച്ചീനി എന്നിവ ഇങ്ങിനെ പാഴാക്കിക്കളയുന്ന വെള്ളം ഉപയോഗിച്ചു നനയ്ക്കുന്ന സ്വന്തം അനുഭവത്തിൽ നിന്നാണ് പറയുന്നത്. എയർ കണ്ടീഷനറിൽ നിന്നും വീഴുന്ന വെള്ളം ഒരു ചെടിയ്ക്കു മതിയാകും.. 

നഗരങ്ങൾ ഫ്‌ളാറ്റുകൾ കൊണ്ട് നിറഞ്ഞല്ലോ. ഫ്‌ളാറ്റുകളിൽ മഴ വെള്ള സംഭരണം നിർബന്ധമാക്കണം.  അതോടൊപ്പം വാഷിങ് മെഷീനിലെ ജലം ഫ്ലഷ് ടാങ്കിൽ ഉപയോഗിക്കാനും കഴിയണം. അങ്ങിനെ  പലതും ചെയ്യാൻ കഴിയും.  സാധാരണക്കാർക്ക് മതമല്ല ഈ മിതത്വം വേണ്ടത്. വരേണ്യ വർഗങ്ങളുടെയും  മന്ത്രി മന്ദിരങ്ങളിലെയും ജല ദുർവ്യയവും   അവസാനിപ്പിക്കണം. പണം ധാരാളം ഉണ്ടെങ്കിലും വെള്ളം അതിനു പകരം വെള്ളം മാത്രമല്ലേ ഉള്ളൂ.  അടുത്ത ഒരു മഴ വരെ മാത്രമാണ് നമ്മുടെ പ്രശ്നങ്ങൾ എന്ന് കരുതി ആശ്വസിക്കേണ്ട. ഇതൊരു തുടക്കമാണ്. ഇതിലും രൂക്ഷമായിരിക്കും വരും കാലം. അത് കൊണ്ട് ജലം സംരക്ഷിക്കുക എന്നത് നമ്മുടെ നില നിൽപ്പിനു അത്യന്താപേക്ഷിതമാണ്.

Monday, March 6, 2017

ദിവ്യ ഗർഭം

പള്ളീലച്ചൻ 16 കാരിയായ  പെൺകുട്ടിയെ ഗർഭിണി ആക്കി. പ്രസവത്തിന് ശേഷം ആരുമറിയാതെ ചോരക്കുഞ്ഞിനെ മാറ്റി, 10 ലക്ഷം രൂപ കൊടുത്തു  പെൺകുട്ടിയുടെ പിതാവിനെ കൊണ്ട് കുഞ്ഞിന്റെ പിതൃത്വം ഏറ്റെടുപ്പിച്ച നരാധമൻ ആണ് യേശുവിന്റെ പേരിൽ പ്രാർത്ഥന നടത്തി ക്കൊണ്ടിരുന്ന റോബിൻ വടക്കുംചേരി.   ലണ്ടനിലേക്ക് മുങ്ങാൻ  ആയിരുന്നു നിത്യ പീഡകൻ ആയിരുന്ന അയാളുടെ പ്ലാൻ.പണ്ട്  ബെനഡിക്ട് എന്ന കത്തനാർ മാറിയക്കുട്ടിയെ  പീഡിപ്പിച്ചു കൊലപ്പെടുത്തി. അത് പോലെ പല അച്ചന്മാരും.. അനാശാസ്യ പ്രവർത്തിക്കിടയിൽ പിടിക്കപ്പെട്ട ജോസ്,തോമസ് എന്ന രണ്ടു അച്ചൻമാരും കന്യാസ്ത്രീ സെഫിയും കൂടി  സിസ്റ്റർ അഭയയെ കൊല ചെയ്ത കേസ് അടുത്ത കാലത്തുള്ളത്.

 ഇനിയും മനസ്സിലാകാത്തത് ഈ വിശാസികളെല്ലാം ഇത്തരം അച്ചൻമാരുടെ അടുത്ത് ചെന്ന്കുമ്പസാരിക്കുന്നത് എന്തിനാണ്? ''ഞാനൊരാളെ പീഡിപ്പിച്ചു'' എന്ന് ആരെങ്കിലും  റോബിൻ കത്തനാരുടെ അടുത്ത് കുമ്പസാരിക്കുന്ന രംഗം ഒന്നാലോചിച്ചു നോക്കൂ? റോബിൻ ചിരിച്ചു കൊണ്ട് ആത്മഗതം നടത്തും.  "മണ്ടൻ. ഞാൻ എത്ര നാള് കൊണ്ട് നടത്തുന്ന പണിയാ ഇത്. ഇവൻ ഒരെണ്ണം ചെയ്തിട്ട് കുമ്പസരിക്കാൻ വന്നിരിക്കുന്നു.''

 ഈ കത്തനാരന്മാരും മനുഷ്യരാണ്. അവർക്കും വികാരം ഉണ്ടാവുക സ്വാഭാവികം. കല്യാണം കഴിയ്ക്കാൻ പള്ളി സമ്മതിക്കില്ല. അത് കൊണ്ട് അച്ചന്മാർക്കു എളുപ്പ വഴി ഇതാണ്. പള്ളിമേടയിൽ കിട്ടുന്ന പിള്ളാരെ പീഡിപ്പിക്കുക. ഞായറാഴ്ച രാവിലെ ഏറ്റവും ഭംഗിയായി  ഒരുങ്ങിക്കെട്ടി മുന്നിൽ വരുന്ന തരുണീ മണികളെ കാണുമ്പോൾ ഏതു കത്തനാർക്കാ സംയമനം പാലിക്കാൻ കഴിയുക? തലേ ദിവസം കണ്ട പോൺ സൈറ്റിലെ സീനുകൾ മനസ്സിൽ കയറി വരും. പിന്നെ ഇവരിൽ ആരെങ്കിലും ഒരു ഏദൻ തോട്ട "പാപം" കുമ്പസാരിക്കുക കൂടി ചെയ്‌താൽ എന്തായിരിക്കും അയാളുടെ ഗതി?

കർത്താവിൽ വിശ്വസിച്ചോളൂ. പക്ഷേ നേരിട്ട് പ്രാർത്ഥിച്ചു കൂടേ? യേശു അത് കേൾക്കില്ല എന്നുണ്ടോ? വേദ പുസ്തകത്തിൽ അത് പാടില്ല എന്ന് പറയുന്നുണ്ടോ? കുഞ്ഞാടുകളേ, നിങ്ങളാണ് ഈ കത്തനാരന്മാരെ വളർത്തുന്നത്. ബലാത്സംഗം ചെയ്താലും നിങ്ങൾ അവരെ സംരക്ഷിക്കും, ഗർഭമുണ്ടാക്കിയാലും സംരക്ഷിക്കും, കൊലപാതകം ചെയ്താലും സംരക്ഷിക്കും. സംരക്ഷിച്ചോളൂ പുതിയ ദിവ്യ ഗർഭങ്ങൾ ഏറ്റെടുത്തോളൂ. അനുഭവിച്ചോളൂ.

'മകളെ മാപ്പ്' എന്ന് മാർ ആലഞ്ചേരി പറയുന്നുണ്ടെങ്കിലും മനസ്സിലിരുപ്പ് 'എടീ  - മോളെ അച്ചനെ പ്രലോഭിച്ചതിനു നീ മറുപടി പറയേണ്ടി വരും' എന്നാണെന്നു മനസ്സിലാക്കാൻ  സഭയുടെ ലേഖനത്തിൽ വന്ന 'കുട്ടിയാണ് തെറ്റുകാരി' എന്ന നിലപാടു നോക്കിയാൽ മതി. സഭയ്ക്ക് വേണ്ടി പണമുണ്ടാക്കി കൊടുക്കുന്ന അച്ചന്മാരെ അങ്ങിനെയങ്ങു തള്ളിപ്പറയാൻ സഭയ്ക്ക് കഴിയില്ല. അവരെ പിണക്കിയാൽ അവർ വായ തുറക്കും. ആ മാലിന്യം കഴുകിക്കളയാൻ പോപ്പ് മാപ്പ് പറഞ്ഞാലും കഴിയില്ല.

 ഇന്നലത്തെ ഏഷ്യാനെറ്റ് ചാനൽ ചർച്ചയിൽ ഒരു റിട്ടയേർഡ് പോലീസ് ഉദ്യോഗസ്ഥൻ, താൻ റോമൻ കാതോലിക്കനാണ് എന്ന് അനൗൺസ് ചെയ്തു കൊണ്ട് സഭയെ പരസ്യമായി  പിന്തുണച്ചു പറയുന്നത് കണ്ടു. ബലാത്സംഗ വീരൻ റോബിൻ നാട് വിടാൻ പോയത്   ബിഷപ്പിന്റെ യൊക്കെ മൗനാനുവാദത്തോടെയല്ല എന്ന് ശക്തിയുക്തം വാദിച്ച ആ മഹാൻ   ഇങ്ങിനെ  ഒരു വൈദികന് വിദേശത്തു പോകാൻ ഇടവകയുടെയോ ബിഷപ്പിന്റെയോ ആരുടേയും അനുവാദം വേണ്ട എന്ന് വരെ പറഞ്ഞു കളഞ്ഞു. സാമ്പത്തികമായും മാനസികമായും സഭ തങ്ങളെ ചൂഷണം ചെയ്യുന്നു എന്നറിഞ്ഞിട്ടും ആ സഭയോട് ഇത്രയും അടിമത്വം കാണിക്കുന്ന പോലീസ് ഉദ്യോഗസ്ഥർ ഇത്തരം  കേസ് അന്വേഷിച്ചാൽ എങ്ങിനെ ഇരിക്കും എന്ന്  ഈ റിട്ടയേർഡ് പോലീസുകാരന്റെ വാക്കുകളിൽ നിന്നും വ്യക്തമാണല്ലോ.



Sunday, February 26, 2017

ഗൂഡാലോചന

തിരക്കഥ സിനിമയിൽ വളരെ പ്രധാനം ആണ്. അതാണ് സിനിമയുടെ വിജയം. സിനിമാക്കാരേക്കാളും മികച്ച തിരക്കഥാ കൃത്തുക്കൾ രാഷ്ട്രീയ പാർട്ടികളിലും പോലീസിലും ഉണ്ട്. നടിയെ ആക്രമിച്ച സംഭവത്തിൽ ക്വട്ടെഷൻ ഇല്ല എന്ന്  മുഖ്യ മന്ത്രി പ്രഖ്യാപിച്ചിരിക്കുന്നു. വെറും ബ്ളാക്ക് മെയിൽ മാത്രം.ഇന്നലെ സുനിയെ കോടതിയിൽ നിന്നും സിനിമാ സ്റ്റെയിലിൽ പിടിച്ചപ്പോൾ പാവം ജനം എന്ത് തുള്ളിച്ചാടി. ഇപ്പഴ് കേസ് തെളിയും. ആരൊക്കെയാണ് ഇതിനു പുറകിൽ. 81 കോടിയുടെ വസ്തു ബിസിനസ്സ് എന്തായി എന്നൊക്കെ അറിയാം എന്നായിരുന്നു ധാരണ. 24 മണിക്കൂർ ചോദ്യം ചെയ്യലിൽ കാര്യം എത്ര എളുപ്പത്തിൽ തെളിഞ്ഞു. സംഭവം ബ്ളാക് മെയിൽ. ആഭ്യന്തര മന്ത്രിയുടെ ചുമതലയുള്ള മുഖ്യ മന്ത്രി പ്രഖ്യാപിച്ചു. തീർന്നു കേസ്. ഇതാണ് കേരളാ പോലീസ്.

പക്ഷെ ഇതിനു വേണ്ടി കോടതിയിൽ പിടി കൂടുന്ന  നാടകം വേണ്ടിയിരുന്നില്ല. കോടതി പോലീസ് കസ്റ്റഡിയിൽ കൊടുക്കുമ്പോൾ എടുത്താൽ പോരായിരുന്നോ?  അപ്പോഴായാലും എപ്പോഴായാലും സുനിൽ ഇത് തന്നെ പറയും. അയാൾ മറ്റെന്തു പറയാനാ? അത് പോലെയല്ലേ പഠിപ്പിച്ചത്.


 പക്ഷെ പ്രസ്താവന താമസിച്ചു പോകും.അതിനാണ്  പൾസർ സുനിയെ ഓടിച്ചിട്ട് പിടിച്ചത്. അല്ലെങ്കിൽ റിമാൻഡിൽ ആയി കസ്റ്റഡി അപേക്ഷ നൽകി കയ്യിൽ കിട്ടാൻ ദിവസങ്ങൾ എടുത്തു എന്നിരിക്കും.  അങ്ങിനെയെങ്കിൽ മുഖ്യ മന്ത്രിയ്ക്ക് ''ബ്ളാക്ക് മെയിൽ പ്രസ്താവന'' ഇറക്കാൻ താമസം വരും. ഏതായാലും പോലീസ് ഇത് വരെ ഒരക്ഷരം പറഞ്ഞിട്ടില്ല. പോലീസ് മന്ത്രി പറഞ്ഞല്ലോ. അതല്ലേ അതിന്റെ ശരി.



ആരോ കുളിക്കടവിൽ നിന്നതിനു, ആരെയോ നോക്കിയതിനു  ജിഷയെ കൊലപ്പെടുത്തിയ ആസാം കാരനെ കണ്ടു പിടിച്ചവരാണ് നമ്മുടെ പോലീസ്. അത് പോലീസ് പറയുന്നതിന് മുൻപ് പറഞ്ഞ ആളാണ് മുഖ്യമന്ത്രി.


ഇതിനു പുറകിൽ വൻ ഗൂഡാലോചന ഉണ്ടെന്നു ബി.ജെ.പി. നേതാക്കൾ പറയുന്നു. വൻ കള്ളപണമിടപാടും. എന്ഫോഴ്സ്മെന്റ് ഡയറക്ടറേറ്റിനെ കൊണ്ടും (FEMAct.  PMLAct. ) ആദായ നികുതി വകുപ്പിനെ കൊണ്ടും അന്വേഷിപ്പിക്കാൻ അവർ പറയാത്തതെന്താണ്?


Monday, February 20, 2017

ക്വട്ടേഷൻ

പീഡനത്തിനെതിരെ സിനിമാക്കാരുടെ  വികാര ഭരിതമായ പ്രകടനം കണ്ടില്ലേ? കണ്ടവർ കരഞ്ഞു പോകും.എല്ലാവരും ശക്തിയായി അപലപിച്ചു. മാർക്സിസ്റ്റ് ചായ്‌വുള്ള ഇന്നസെന്റിനെ പോലുള്ളവർ ഒരു മയത്തിനു  ആരെയും കുറ്റപ്പെടുത്താതെ കഴിച്ചു കൂട്ടി. മുകേഷ് എം.എൽ.എ. ആ വഴിയ്ക്കു കണ്ടില്ല. പാവം.ഏതെങ്കിലും സീരിയൽ ഷൂട്ടിങ് കാണും. പക്ഷെ മാധ്യമങ്ങളോട് ഒരു കാര്യം പറഞ്ഞു. ഈ 'പീഡകൻ' -പ്രതി- പണ്ട് തന്റെ ഡ്രൈവർ ആയിരുന്നു എന്ന്. (ഇത് കൊണ്ടാണോ ആവോ പിരിച്ചു വിട്ടത്?) പണ്ട് നടുറോഡിൽ തുണിയഴിച്ചു പ്രകടനം നടത്തിയ നർത്തകനെ ഇന്നലെ കണ്ടില്ല. ഇന്ന് തിരുവനന്തപുരത്തു മാനവീയം വീഥിയിൽ ഇത് പോലെ മറ്റൊരു പ്രകടനം കൂടി സിനിമാക്കാർ നടത്തുണ്ട്.  ഈ രണ്ടാമത്തെ ഷോ യോട് കൂടി പീഡന വിരുദ്ധ സമരം അവസാനിപ്പിക്കുന്നതാണ്.

നടന്മാർ, നിർമാതാക്കൾ, എന്നിവർ  ക്വട്ടേഷൻ സംഘങ്ങളെ ഉപയോഗിക്കുന്നു. എന്നത് ഏവർക്കും അറിയുന്ന കാര്യമാണ്.തങ്ങൾക്കു പാരയാകു മെന്നുള്ളവരെ, എതിർക്കുന്നവരെ, ചൊൽപ്പടിയ്ക്കു   നിൽക്കാത്തവരെ, ഇവരെയൊക്കെ ഒതുക്കാൻ ഇവർ ഗുണ്ടകളെ   ഉപയോഗിക്കുന്നു.

 സിനിമാ തുടങ്ങുന്ന ദിവസം തിയറ്ററുകളുടെ മുന്നിൽ നടക്കുന്ന 'ഫാൻസുകളുടെ'  പ്രകടനം കണ്ടിട്ടില്ലേ? കാശ് കൊടുക്കാതെ ആരാ ഇതൊക്കെ ചെയ്യുന്നത്. അപ്പോൾ  ആരാ കാശ് മുടക്കുന്നത്?  ഒന്ന് -നിർമാതാവ്- സിനിമ നല്ലതാണ് എന്നൊരു ഓളം ഉണ്ടാക്കി കൂടുതൽ മണ്ടന്മാർ കേറി കൂടുതൽ പണമുണ്ടാക്കാൻ.  രണ്ട് -നടൻ - തന്റെ മസിൽ പവർ ഇപ്പോഴും നില നിൽക്കുന്നു, റേറ്റിങ് ഇടിഞ്ഞില്ല, താനാണ് ഒന്നാമൻ എന്നൊക്കെ കാണിക്കാൻ.

എതിരാളിയെ തിയേറ്ററിൽ കൂവിത്തോപ്പിയ്ക്കുന്നത് ആരാണ്? അവരുടെ ഫ്ലെക്സുകൾ കീറുന്നതാരാണ്? ഇവരുടെ ഗുണ്ടകൾ തന്നെ. അതിനും  ഇവർക്ക് ഗുണ്ടകളുടെ സഹായം വേണം.

പിന്നെ സ്വന്തം  സെക്യൂരിറ്റി. മറ്റുള്ളവർ കൈ വയ്ക്കാതെ, സുരക്ഷിതമായി നടക്കാൻ നായക നടന്മാർക്കെല്ലാം 'പേർസണൽ സെക്യൂരിറ്റി' ഉണ്ട്. ബൗൺസർ മാർ എന്ന് എല്ലായിടങ്ങളിലും വിളിക്കപ്പെടുന്നവർ. അത് എന്തെങ്കിലും ''പച്ചവെള്ളം ചവച്ചു കുടിക്കുന്നവർ'' ആയാൽ പറ്റില്ലല്ലോ. അതും ഏകദേശം ഗുണ്ടാ കാറ്റഗറി യിൽ തന്നെ വരും.

നടികളെ രക്ഷിക്കാൻ പണ്ട്   അമ്മ മാരായിരുന്നു കൂട്ട്. കാലം മാറി അവരും പ്രൊഫഷണൽസിനെ വയ്ക്കാൻ തുടങ്ങി.

അങ്ങിനെ ഗുണ്ടാ- ക്വട്ടേഷൻ സംഘങ്ങൾ സിനിമാക്കാർക്ക് ആവശ്യമായി വരുന്നു. സിനിമാക്കാരുടെ കയ്യിൽ പണം ഇഷ്ട്ടം പോലെ ഉള്ളത് കൊണ്ട് അധികാരികൾ ആരും ചോദ്യം ചെയ്യാറില്ല. അങ്ങിനെ ഇത് തഴച്ചു വളരുന്നു. അത് തുടരുക തന്നെ ചെയ്യും. സിനിമ എന്ന സാധനത്തിനു പുറകെ ഇങ്ങിനെ ഭ്രാന്തു പിടിച്ചു ജനം പോകുന്നിടത്തോളം കാലം.

Saturday, February 18, 2017

വരേണ്യ പീഡനം

മലയാള സിനിമാ നടിയെ പീഡിപ്പിച്ചത് ഇന്നലെ രാത്രി. സംസ്കാര സമ്പന്നരെന്ന് അവകാശപ്പെടുന്ന കേരള ജനതയ്ക്കു  ഒരു അപമാനം കൂടി. അപമാനമോ? നാണമില്ലാത്തവന്റെ ആസനത്തിൽ ഒരു ആല് കുരുത്താൽ അതും ഒരു തണല് എന്ന് കരുതുന്ന നമുക്കോ അപമാനം?

 നെഹ്‌റു കോളേജിൽ മരണപ്പെട്ട ജിഷ്ണുവിന്റെ വീട്ടിൽ ഒന്ന് പോകാൻ, ബന്ധുക്കളെ ഒന്ന് ആശ്വസിപ്പിക്കാൻ സമയമില്ലാത്ത മുഖ്യ മന്ത്രി  പെട്ടെന്ന് ഇവിടെ കാര്യങ്ങൾ ശരിയാക്കി.  'അത് ഞാനറിഞ്ഞില്ല' എന്ന് സാധാരണ എല്ലാക്കാര്യങ്ങളിലും പറയുന്ന മുഖ്യ മന്ത്രി അങ്ങ് ഡൽഹിയിൽ ആയിരുന്നിട്ടു പോലും വിവരം  ''അറിഞ്ഞത്'' വളരെ നന്നായി. ജിഷ്ണുവിന്റെ അമ്മയെ  ഫോണിൽ പോലും വിളിക്കാത്ത മുഖ്യ മന്ത്രി, സംവിധായകൻ ലാലിനെ വിളിച്ചു സംസാരിക്കുന്നു. എന്തൊരു ശുഷ്ക്കാന്തി.രാത്രിയിൽ തന്നെ ഡെപ്യൂട്ടി കമ്മീഷണർ എത്തുന്നു, അസിസ്റ്റന്റ് കമ്മീഷണർ എത്തുന്നു ഇരയെ കാണുന്നു.  ശാസ്ത്രീയ അന്വേഷണം എന്ന് ഡി.ജി.പി. എന്തൊരു ശുഷ്ക്കാന്തി. ജിഷ്ണുവിന്റെ മരണം നടന്ന മുറി പൂട്ടി താക്കോൽ കൊലപാതകികളെ ഏൽപ്പിച്ച പോലീസ് ആണ് ഇത്. കോളേജ് മുറിയിൽ കണ്ട ചോരക്കറ സാമ്പിൾ എടുക്കാൻ ഒരു മാസം താമസിച്ച പോലീസ് ആണിത്. 

4 മാസം മുൻപ് സെപ്റ്റംബറിൽ സീപോർട്ട് -എയർപോർട്ട് റോഡിൽ വച്ച് അശ്വിനി എന്ന പെൺകുട്ടിയെയും കൂട്ടുകാരനെയും പട്ടാപ്പകൽ ഒരു കാറിൽ വന്ന രണ്ടു പേർ ആക്രമിക്കുകയുംപെൺകുട്ടിയെ മാനഭംഗപ്പെടുത്താൻ ശ്രമിക്കുകയും ചെയ്തു. കേസ് എങ്ങുമെത്തിയിട്ടില്ല.

ഇക്കഴിഞ്ഞ ഡിസംബറിൽ ഒരു വനിതാ പ്രത്ര പ്രവർത്തകയെയും സഹോദരനെയും ഒരു കൂട്ടം ആൾക്കാർ കോഴിക്കോട് വച്ച്  ചോദ്യം ചെയ്യുകയും ആക്രമിക്കുകയും ചെയ്തു. പോലീസിൽ പറഞ്ഞിട്ടും ഇത് വരെ ഒന്നും സംഭവിച്ചിട്ടില്ല.


ഇവിടെ നടിയെ ആക്രമിച്ച കേസിൽ രായ്ക്കു രാമാനം മുഖ്യ പ്രതിയെ അറസ്റ്റ് ചെയ്തു. കാര്യങ്ങൾ വേഗത്തിൽ നടന്നു.വളരെ നല്ലത്. ഇങ്ങിനെ തന്നെ വേണം. ഇനി ശിക്ഷ കൂടി വേഗത്തിൽ നടപ്പാക്കി കിട്ടണം.സംഭവത്തിൽ ശക്തമായ നടപടി സ്വീകരിക്കും എന്ന് മുഖ്യ മന്ത്രി പറഞ്ഞു.അന്വേഷണം ഊർജ്ജിതമാക്കിയെന്നു ഡി.ജി.പി. അന്വേഷണത്തിൽ ശാസ്ത്രീയ മാർഗങ്ങൾ അവലംബിക്കും എന്നും ബെഹ്‌റ.

ഐ.ജി. വിജയനോട്  സംവിധായകൻ ലാൽ ഫോണിൽ സംഭവം പറയുന്നു. ഡെപ്യുട്ടി കമ്മീഷണർ യതീഷ് ചന്ദ്ര, അസിസ്റ്റന്റ് കമ്മീഷണർ എം.ബിനോയ് എന്നിവർ രാത്രി പന്ത്രണ്ടിന് വീട്ടിലെത്തി ഇരയോട് സംസാരിക്കുന്നു.
സംഭവത്തെ കുറിച്ച്  മുഖ്യ മന്ത്രി അടക്കമുള്ളവർ വിളിച്ചിരുന്നു എന്ന് സംവിധായകൻ ലാൽ.

ഇതൊക്കെ വളരെ നല്ല സ്റ്റെപ്പുകൾ. പക്ഷെ ആളും തരവും നോക്കി മാത്രം ആകരുത് നീതി പിണറായി സഖാവേ. രാഷ്ട്രീയക്കാരുടെ താൽപ്പര്യം നോക്കിയാകരുത് നീതി കേരളാ പോലീസെ. 

Tuesday, February 14, 2017

വാലന്റൈൻ ഡേ

രാമഭന്ദ്രൻ പിള്ള അൽപ്പം വറീഡ് ആണ്. തന്റെ 'മോറൽ സൈഡ്' കുറച്ചു 'വീക്ക്' ആയി എന്നുള്ള തിരിച്ചറിവ്!  

ഈ വർഷത്തെ വാലന്റൈൻ ഡേ  കാര്യമായി ഒന്നാഘോഷിക്കണം എന്ന് തീരുമാനിച്ചിരിക്കയായിരുന്നു രാമഭന്ദ്രൻ പിള്ള. പിള്ളയുടെ പഠന-കൗമാര-യൗവന കാലത്തൊന്നും  ഈ സാധനം ഇല്ല. കേട്ടിട്ടും ഇല്ല.  ഇപ്പം എവിടെ നോക്കിയാലും വാലന്റൈൻ ഡേ തന്നെ. എല്ലാ അവന്റെയും അവളുമാരുടെയും  f b നോക്കിയാൽ കാണാം. വാട്സ് ആപ്പ് നോക്കിയാൽ ഇത് തന്നെ. ഫെബ്രുവരി മാസം ഒന്നാം തീയതി ആകുമ്പോഴേയ്ക്കും ഈ ഡേയെ കുറിച്ചുള്ള വർത്തമാനം തുടങ്ങും. അങ്ങിനെയാണ് പിള്ളയിൽ ആഗ്രഹം പൊട്ടി മുളയ്ക്കുന്നത്.

എന്നാ തനിക്കും എന്ത് കൊണ്ടായിക്കൂടാ?  അതിനാണ് രണ്ടു വാലന്റയിൻമാരെ കഴിഞ്ഞ വർഷം തന്നെ പിള്ള ഒപ്പിച്ചു വച്ചത്. ബന്ധങ്ങൾ ചാറ്റുകളിൽ പുരോഗമിച്ചു. ഇതാ ഒരു സാമ്പിൾ ചാറ്റ്.


സമയം കണ്ടല്ലോ. അങ്ങിനെ ഏതു സമയവും ചാറ്റ് ഓടിക്കൊണ്ടിരുന്ന സുവർണ കാലം. ഒരു സുപ്രഭാതത്തിൽ ചാറ്റ് നിന്നു.  ഈ  ''ചാറ്റി'' യാതൊരു കാരണവും ഇല്ലാതെ സ്ഥലം കാലിയാക്കി. 

സാരമില്ല. മറ്റൊരു വാലന്റൈനുമായി തുടങ്ങി. അത് തുടർന്നു വന്നപ്പോൾ രാമഭദ്രൻ പിള്ള  ഒരു  ഒരു വാട്സാപ്പ് ഉമ്മ ചോദിച്ചു. അതോടെ അതും അവസാനിച്ചു. ഇപ്പോൾ  ഇടയ്ക്കിടെ അവരുടെ രണ്ടു പേരുടെയും  പ്രൊഫൈൽ പടം നോക്കി  ദീർഘ നിശ്വാസം വിടുന്നത് മാത്രം മിച്ചം.



അടുത്തതായി മറ്റൊരു അറ്റംപ്റ്റ് നടത്തി. മോണിങ് വാക്കിൽ ഒരു വാലന്റൈനെ കണ്ടു പിടിച്ചു. വാലന്റൈൻ ഡേയ്ക്ക്   ഏകദേശം ശരിയാക്കി വച്ചതാ. ആ വാലന്റൈൻ ഒരാഴ്ച മുൻപ് വാക്കിങ്ങിനു  ഒരു  കൂട്ടുകാരിയെ ക്കൂടി കൂട്ടി. അതോടെ  മൂന്നാമത്തെ വാലന്റൈനും കൈവിട്ടു പോയി. 

 അതാണ്  രാമഭദ്രൻ പിള്ള തിരിച്ചറിഞ്ഞത്  2017 വർഷത്തിൽ താൻ അൽപ്പം    'വീക്ക്' ആയി എന്ന്.

ഫൂ ...വാലന്റൈൻ ഡേ! വൃത്തികെട്ട ആചാരങ്ങൾ. സംസ്കാരം ഇല്ലാത്തവർ.

Sunday, February 12, 2017

സോഷ്യൽ മീഡിയ

സോഷ്യൽ മീഡിയയുടെ ശക്തിയും വ്യാപ്തിയും പരമ്പരാഗതക്കാരെ വല്ലാതെ അലോസരപ്പെടുത്തുന്നു.വല്ലവന്റെയും കാശ് വാങ്ങി വാർത്ത തമസ്ക്കരിക്കുകയും അവന്റെ കാലു നക്കുകയും ചെയ്യുന്ന മാധ്യമങ്ങൾ. സോഷ്യൽ മീഡിയയുടെ ഇടപെടൽ കൊണ്ട് മാത്രം പലപ്പോഴും അവർക്കു സത്യമായ വാർത്ത നൽകേണ്ടി വരുന്നത് കാണാമല്ലോ. അത് പോലെ പ്രസാധക മുതലാളിമാരുടെ പടിവാതിലിൽ കിടന്ന്  നിലവാരമില്ലാത്ത സ്വന്തം പുസ്തകങ്ങൾ  അച്ചടിപ്പിച്ചു പ്രസിദ്ധീകരിക്കുന്ന എഴുത്തുകാർ. അവരുടെ ദ്വേഷ്യവും അസഹിഷ്ണുതയുമാണ് സന്തോഷ് ഏച്ചിക്കാനം എന്ന എഴുത്തുകാരന്റെ പൊട്ടിത്തെറിയിൽ പ്രകടമാകുന്നത്. 





ഇവിടെ  രണ്ടാണ് പ്രശ്നം. ഒന്ന് കൂടുതൽ ആളുകൾ സോഷ്യൽ മീഡിയയിലൂടെ എഴുതുന്നു. അത് പ്രമാണിമാരുടെ  കുത്തകയെ തകർക്കുന്നു.''ആത്മ രതിയുടെ ഇടമാണത്രെ സോഷ്യൽ മീഡിയ''. അങ്ങിനെയെങ്കിൽ പുസ്തകം എന്താണ് ഏച്ചിക്കാനം? 

രണ്ട്, വിമർശനങ്ങൾക്കു സോഷ്യൽ മീഡിയ വലിയൊരു വേദി നൽകുന്നു.   ''ഏതു മണ്ടനും വന്നു അഭിപ്രായം പറയാം  മലമൂത്ര വിസർജ്ജനം നടത്താം'' .  കാര്യം മനസ്സിലായല്ലോ. വിമർശനം സഹിക്കാൻ കഴിയുന്നില്ല അയാൾക്ക്.  ബഷീറിന്റെയും  തകഴിയുടെയും മറ്റും രചനകൾ ഇന്നും കാലത്തെ അതിജീവിച്ചു  നിൽക്കുന്നത് എന്ത് കൊണ്ടാണ് എന്ന് ഒന്ന് ആലോചിക്കൂ സന്തോഷേ. പിന്നെ മാലിന്യത്തിന്റെ ദുർഗ്ഗന്ധം സഹിക്ക വയ്യാതെ വായനക്കാർ കാർക്കിച്ചു തുപ്പുന്നുണ്ടാകാം. അതിനു ഉത്തരവാദികൾ  മാലിന്യം നിക്ഷേപിച്ചവർ തന്നെയാണ്.

Thursday, February 9, 2017

സമരാവസാനം

ലോ അക്കാദമി സമരം 29 ദിവസങ്ങൾക്കു ശേഷം അങ്ങിനെഅവസാനിച്ചു. "പിടിച്ചു ഞാനവനെന്നെ കെട്ടി" എന്നൊരു പറച്ചിലുണ്ടല്ലോ. അത് പോലെയായി എശഫൈ. അന്ന് വന്ന പോലെ ഒരു വരവായിരുന്നു. ചർച്ച ചെയ്ത മുറിയിൽ നിന്നും ആദ്യം ചാടിയിറങ്ങി ചാനലുകാരോട് എശഫൈ നേതാവ് വീരവാദം അടിക്കുന്നത് കണ്ടു. " അന്ന് എശഫൈക്കു നാരായണൻ നായർ കൊടുത്ത കീറ കടലാസ്സിൽ എഴുതിയതിലപ്പുറം ഒന്നും സംഭവിച്ചിട്ടില്ല''. പാവം പയ്യൻ.


അന്ന് എഴുതിയതാണ് ഇന്നത്തെയും കരാർ എങ്കിൽ എശഫൈ എന്തിനു അതിൽ ഒപ്പു വച്ചു? ദിവസങ്ങൾക്കു മുൻപ് ഒത്തു തീർപ്പാക്കി അവർ സമരം പിൻവലിച്ചതല്ലേ? വീണ്ടുമൊരു ഒത്തു തീർപ്പിനു എന്ത് പ്രസക്തി? പിന്നെ എന്തിനു പോയി കുട്ടി സഖാക്കളെ?

ഈ ഒത്തു തീർപ്പിൽ സി.പി.ഐ. ആണ് കളിച്ചത്, നേടിയതും. ഗത്യന്തരമില്ലാതെ പിണറായിക്ക് സി.പി.ഐ യുടെ സഹായം തേടേണ്ടി വന്നു. അത് അവർ മുതലെടുത്തു സമരം ഒത്തു തീർപ്പാക്കി. ഇനി ലോ അക്കാദമിയുടെ ഭൂമി തിരിച്ചു പിടിക്കൽ ഒക്കെ നടക്കും.

ഇവിടെ ഏറ്റവും നഗ്നരാക്കപ്പെട്ടത് എസ്എഫ്ഐ എന്ന സംഘടന ആണ്. കൂടെ സി.പി.എമും. വിദ്യാർത്ഥികളെ ഒറ്റു കൊടുത്തു എന്ന സത്യം അവരെ വേട്ടയാടിക്കൊണ്ടരിക്കും.


Sunday, February 5, 2017

സ്വാശ്രയ കോളേജുകൾ

ലോ അക്കാദമിയുടെ പ്രശ്നം അത് തുടങ്ങിയ കാലം മുതൽ ഉണ്ട്. 1966 ൽ കേരളത്തിലെ കുറെ പ്രമുഖ അഭിഭാഷകരുടെ പേര് കമ്മിറ്റികളിൽ കാണിച്ചു ഒരു സൊസൈറ്റി ആയി രെജിസ്റ്റർ ചെയ്തു സർക്കാരിൽ നിന്നും 12 ഏക്കർ സ്ഥലം പാട്ടത്തിനു വാങ്ങി 1968 ൽ തുടങ്ങിയ കോളേജ് കാലക്രമേണ നാരായണൻ നായരുടെ സ്വന്തം സ്ഥാപനവും സ്വത്തും ആയി മാറുകയായിരുന്നു.

അന്നേ തരികിട പരിപാടി തുടങ്ങി. സാധാരണ കുട്ടികൾക്ക്

 ആദ്യം LLB കൊടുക്കില്ല. ഒരു വർഷം നിലവിൽ ഇല്ലാത്ത ഏതെങ്കിലും ഒരു ഡിപ്ലോമ കൊടുക്കും. ചേർന്ന് കഴിയുമ്പോൾ അത് ഫേക്ക് ഡിപ്ലോമ ആണെന്ന് മനസ്സിലാക്കി ആ പാവം കുട്ടി പോകും. ആ ഫീസ് മുഴുവൻ ലാഭം. തുടങ്ങിയ അന്ന് മുതൽ തുടങ്ങിയതാണ് ബിൽഡിങ് ഫണ്ട് പിരിവ്. എല്ലാ കുട്ടികൾക്കും വലിയ തുകയ്ക്കുള്ള കൂപ്പൺ കൊടുക്കും. കൂപ്പൺ വിൽക്കുക അല്ലെങ്കിൽ സ്വയം പണം കൊടുക്കുക. അങ്ങിനെ തട്ടിപ്പു തുടർന്നു.

രാഷ്ട്രീയകാർക്കും അവരുടെ ശിങ്കിടികൾക്കും കക്ഷി ഭേദമന്യേ മാർക്ക് ഒന്നും നോക്കാതെ അഡ്മിഷൻ കൊടുത്തു. അവരെ പാസ്സാക്കി ഡിഗ്രിയും കൊടുത്തു. LLB എന്ന് വാല് വച്ച 99 ശതമാനം രാഷ്ട്രീയക്കാരും ഇങ്ങിനെ ഓസിനു LLB ഡിഗ്രി കിട്ടിയവരാണ്. മാർക്സിസ്റ്റ് പാർട്ടിയുടെ നേതാവ് കോലിയക്കോട് കൃഷ്ണൻ നായരുടെ സഹോദരനാണ് നാരായണൻ നായർ. അത് കൊണ്ട് ഇടതു മന്ത്രി സഭയിൽ നിന്നും ആനുകൂല്യങ്ങൾ എല്ലാം കിട്ടി. കോൺഗ്രസ്സ് മന്ത്രി സഭകളും കുറെ കൊടുത്തു. കാരണം അവരുടെ സില്ബന്ധികൾക്കും ഡിഗ്രി കൊടുത്തല്ലോ. പിന്നെ കുറെ സർക്കാർ ഉദ്യോഗസ്ഥരാണ്. അവർക്കും സായാഹ്‌ന ക്ലാസിൽ അഡ്മിഷൻ കൊടുത്തു. മൂന്നു വർഷം കഴിയുന്ന മുറയ്ക്ക് ഡിഗ്രിയും ദാനം ചെയ്തു. അതാണ് ഈ സ്ഥാപനത്തിനെതിരെ യാതൊരു പരാതികളും പുറത്തു വരാഞ്ഞത്.

മറ്റു സ്വാശ്രയ കോളേജ് പ്രശ്ങ്ങൾ പൊങ്ങി വന്നപ്പോൾ ഇതും ആകസ്മികമായി വന്നു എന്നെ ഉള്ളൂ.  ഇത് ലോ അക്കാദമിയിൽ മാത്രം ഒതുങ്ങി പ്പോകേണ്ട  വിഷയമല്ല. കേരളത്തിലെ എല്ലാ സ്വാശ്രയ കോളേജുകളും ഇത്തരം താന്തോന്നിത്തരം കാണിക്കുന്നുണ്ട്. പക്ഷെ ചോദ്യം ചെയ്യാൻ വിദ്യാർത്ഥികൾ തയ്യാറാകാത്തതു പേടി കൊണ്ടാണ്. ഇന്റേണൽ മാർക്ക്, അറ്റൻഡൻസ് തുടങ്ങിയുള്ള ആയുധങ്ങൾ കൊണ്ട് മാനേജ്‌മെന്റ് വിദ്യാർത്ഥികളെ നിശ്ശബ്ദരാക്കും.

തൃശൂർ നെഹ്‌റു എഞ്ചിനീയറിംഗ് കോളേജിൽ ജിഷ്ണു പ്രണോയ് എന്ന വിദ്യാർത്ഥി ആത്മഹത്യ ചെയ്തു. അത് ആത്മഹത്യ അല്ല  കൊലപാതകം ആണെന്നും മാനേജമെന്റിന്റെ ഭീകരതയുടെ രക്തസാക്ഷി ആണ് ജിഷ്ണു എന്നും അവിടത്തെ ഓരോ വിദ്യാർത്ഥിയും പറയുന്നു. പോസ്റ്റ് മോർട്ടം റിപ്പോർട്ടിലും കള്ളക്കളി നടന്നു എന്നും വ്യക്തമാക്കുന്നു.  ഇത്രയേറെ വിദ്യാർഥികൾ മൊഴി കൊടുത്തിട്ടും ആ കോളേജ് മാനേജ്‌മെന്റിനെതിരെ പ്രക്ഷോഭം നടത്താൻ  എന്ത് കൊണ്ട് തയ്യാറാകുന്നില്ല?

കോട്ടയത്തെ ടോംസ് എഞ്ചിനീറിങ് കോളേജ് ആകട്ടെ അഫിലിയേഷൻ പോലുമില്ലാതെ ആണ് പ്രവർത്തിക്കുന്നത്. എന്നിട്ടും ഉന്നത തലങ്ങളിലുള്ള ഉടമകളുടെയും പള്ളിയുടെയും സ്വാധീനം കൊണ്ട് അത് തേഞ്ഞു മാഞ്ഞു പോകുന്നു. ഉമ്മൻ ചാണ്ടിയുമായുള്ള ബന്ധം വരെ പുറത്തു വന്നു. 



ഡി.സി. ബുക്സിന്റെ വാഗമണിലെ കോളേജിൽ പ്രശ്നങ്ങൾ ഉണ്ടെന്നു വിദ്യാർഥികൾ പറയുന്നു. അങ്ങിനെ എല്ലാ സ്വാശ്രയ കോളേജുകളും വിദ്യാർത്ഥികളെ ചൂഷണം ചെയ്യുകയാണ്. മാനേജ്‌മെന്റിന്റെ രാഷ്ട്രീയ സ്വാധീനം, പണക്കൊഴുപ്പ് ഇതൊക്കെ അവർക്കെതിരെ നടപടികൾ ഇല്ലാതാക്കുന്നു. എല്ലാം ശരിയാക്കും എന്ന് പറഞ്ഞു വന്ന ഇടതു സർക്കാർ ഒന്നും ശരിയാക്കാൻ കഴിയാതെ പിന്നോക്കം പോകുന്നു.  

Tuesday, January 24, 2017

ഗുരു ദക്ഷിണ

മാതാ പിതാ  ഗുരു ദൈവം.

ഭാരതത്തിന്റെ പാരമ്പര്യം. അമ്മ, അച്ഛൻ  അത് കഴിഞ്ഞു ഗുരു. ആ ഗുരുവിനാണ് ജീവിച്ചിരിക്കുമ്പോൾ സ്വന്തം ശിഷ്യർ ഒരു ശവക്കുഴി തീർത്തത്.  27  വർഷത്തെ അധ്യാപനത്തിന്   ശേഷം വിരമിക്കുന്ന പാലക്കാട് വിക്ടോറിയ കോളേജ് പ്രിൻസിപ്പൽ  ഡോ. സരസുവിനു  ആണ് മാർക്സിസ്റ് വിദ്യാർത്ഥി സംഘടന ആയ SFI ശിഷ്യർ അന്നേ ദിവസം  2016 മാർച്ച് 31 നു  വിടവാങ്ങൽ സമ്മാനം ആയി ശവക്കുഴി നൽകിയത്. ഇതിലും നല്ല ഗുരു ദക്ഷിണ എന്താണ്? മാർക്സിസ്റ് കാരെല്ലാം ഇതിനെ പിന്തുണക്കുകയും ചെയ്തു. മാർക്സിസ്റ് അധ്യാപക സംഘടന ആണ് ഇതിന്റെ പിന്നിലുള്ള  ബുദ്ധി കേന്ദ്രം. സഹ പ്രവർത്തകന്  പണിയാൻ കൂട്ടുനിൽക്കുന്ന അധ്യാപകർ.

ഇതാ മറ്റൊരു ഭാവനാ പൂർണമായ ഗുരു ദക്ഷിണ. എറണാകുളം മഹാരാജാസ് കോളേജിലെ പ്രിൻസിപ്പാളിന്റെ കസേര കത്തിച്ചു കളഞ്ഞു. അതും ശിഷ്യർ തന്നെ. അതും മാർക്സിസ്റ് വിദ്യാർത്ഥി സംഘടന ആയ SFI ശിഷ്യർ തന്നെ.

ക്യാമ്പസിൽ രാഷ്ട്രീയം വേണമെന്ന് എല്ലാ രാഷ്ട്രീയക്കാരും വാദിക്കുന്നു. ഇപ്പോൾ ഏതാണ്ട് രാഷ്ട്രീയ ജോലി തീർന്നു ഷെഡ്‌ഡിൽ കയറിയ  എ.കെ. ആന്റണി ഇന്നലെ പറഞ്ഞത് സ്വാശ്രയ കോളേജിലെ പ്രശ്നം കാമ്പസ് രാഷ്ട്രീയം ഇല്ലാത്തതാണ് എന്ന്. ഈ ക്യാംപസിൽ എന്തെങ്കിലും രാഷ്ട്രീയം ഉണ്ടോ? ഇല്ല. ക്യാമ്പസ്സിൽ  ഉള്ള വിദ്യാർത്ഥികൾക്കു രാഷ്ട്രീയം എന്തെങ്കിലും അറിയാമോ? ഇല്ല. അറിയില്ല.  അവരുടെ മാതൃ സംഘടനകൾ പറയുന്നത് പോലെ ചുടു ചോറ് വാരാനുള്ള  കുട്ടിക്കുരങ്ങന്മാർ. സ്‌കൂളിൽ നിന്നും കോളേജിൽ എത്തുമ്പോൾ ഉള്ള കൗമാര സഹജമായ ആവേശവും ചാപല്യവും അക്രമ വാസനയും തീർക്കാനുള്ള ഒരു സ്ഥലമാണ് ഈ വിദ്യാർത്ഥി സംഘടനകൾ. അതിനു ഏറ്റവും അനുയോജ്യമായത് SFI ആണ്. അത് കൊണ്ട് അതിൽ ആള് കൂടുന്നു. ഇടയ്ക്കിടെ ബസിനു കല്ലേറ്, അധ്യാപകരെ തെറി വിളി അങ്ങിനെ അക്രമാസക്തമായ സമരങ്ങൾ കൂടുതലുംനടത്തുന്നത് SFI ആണ്.

ക്യാമ്പസ്സിൽ രാഷ്ട്രീയം വേണമെന്ന് പറയുന്നത് നേതാക്കന്മാരുടെ  വെറും സ്വാർത്ഥത. എന്തെങ്കിലും സമരം ആഹ്വാനം ചെയ്‌താൽ കാശു കൊടുക്കാതെ അടി കൊള്ളാൻ  പാവം വിദ്യാർത്ഥികളെ കിട്ടും എന്നുള്ളതു കൊണ്ട്. യൂത്തും മൂത്ത പാർട്ടിക്കാരും മടിക്കുന്നിടത്തും ഈ പാവം പിള്ളേര് ഇറങ്ങിക്കോളും. അത് മാത്രമാണ് നേതാക്കളുടെ ലക്ഷ്യം. പാർട്ടി കാശ് വാങ്ങുന്ന ചിലയിടങ്ങൾ ഉണ്ട്. അവിടെ അവരുടെ വിദ്യാർത്ഥി സംഘടനകൾ പഞ്ചപുച്ഛം അടക്കി നിന്നും കൊള്ളും. ലാ അക്കാദമി ഒരു ഉദാഹരണം.

നല്ല നേതാക്കളെ വാർത്തെടുക്കുന്നു  ക്യാമ്പസുകൾ എന്നൊരു വാദം ഉണ്ട്. നല്ല നേതാക്കൾ എന്നത് ശരിയല്ല. നേതാക്കൾ എന്ന് മാത്രം പറഞ്ഞാൽ മതി. കൂടെയുള്ള  വിദ്യാർത്ഥികളെ കബളിപ്പിച്ചും  മുതലെടുത്തും കുറേപ്പേർ നേതാക്കൾ ആയി രാഷ്ട്രീയത്തിൽ എത്തുന്നുണ്ട്.   എന്റെ ക്ലാസിൽ പഠിച്ച ഒരാൾ, അന്ന് ചെറിയ വിദ്യാർത്ഥി  രാഷ്ട്രീയം മാത്രം, എം.എൽ.എ. ആയി, പിന്നെ മന്ത്രി ആയി. വലിയ നേതാവ് കളിച്ചു നടന്ന ഞങ്ങടെ (അന്ന് ആവേശത്തിൽ വിപ്ലവ വിദ്യാർത്ഥി സംഘടനയിൽ ആയിരുന്നു) ഒരു  നേതാവ് മന്ത്രി ആയി ,സ്പീക്കർ ആയി. ഞങ്ങടെ രണ്ടു വർഷം സീനിയർ ആയ അവനെ മാതൃകയാക്കാൻ അന്ന് അധ്യാപകർ പറയുമായിരുന്നു. അത്ര സോപ്പ് ആയിരുന്നു അധ്യാപകരുടെ മുന്നിൽ. വിവരമില്ലാത്ത ഞങ്ങൾ ആകട്ടെ അവൻ പറയുന്നത് കേട്ട് കല്ലെറിയാൻ നടന്നു. ( പിന്നെ ഒരു നേതാവ്, സൈക്കിൾ ചെയിനും ഒക്കെയായി ഞങ്ങൾക്ക് മാതൃക ആയവൻ, ഒരു വർഷം സീനിയർ, LLB കഴിഞ്ഞു മിടുക്കനായി ഹൈ കോർട്ട് ജഡ്ജി ആയി.)

ക്യാമ്പസ് രാഷ്ട്രീയം കൊണ്ട് വിദ്യാർഥികൾ പ്രബുദ്ധരൊന്നും ആകുന്നില്ല. രാഷ്ട്രീയ പാർട്ടികളുടെ താളത്തിനൊത്തു തുള്ളുന്ന വിവരമില്ലാത്ത കുറെ കുട്ടികളെ കിട്ടുന്നു എന്ന് മാത്രം. അവരാണ് ഗുരുവിന്റെ കുഴിമാടം ഉണ്ടാക്കുന്നതും ഇരിപ്പിടം കത്തിയ്ക്കുന്നതും. അവരെ മുതലെടുത്തു കുറെ  ഗുരുത്വ ദോഷികൾ രാഷ്ട്രീയത്തിൽ  നേതാക്കൾ ആയി വന്ന് ജനാധിപത്യ വ്യവസ്ഥിതിയെ വ്യഭിചരിച്ചു ആസ്വദിക്കുന്നു എന്നൊരു ഗുണം മാത്രമാണ് ഇന്നത്തെ ക്യാമ്പസ് രാഷ്ട്രീയം.  ഗുരു  ദക്ഷിണ 

Friday, January 13, 2017

ഇടതു സാഹിത്യം.

എഴുത്തുകാരൻ  സക്കറിയ ഇടതു പക്ഷത്തിന്റെ അടിമത്വത്തിൽ നിന്നും  മുക്തി നേടിയിട്ടില്ല. ആ കടപ്പാട് ഇപ്പോഴും നില നിർത്തുന്നു. അത് കൊണ്ട്  ഇടതു  അല്ലാത്തവരോടുള്ള അസഹിഷ്ണുത കുറഞ്ഞിട്ടുമില്ല.  ഇപ്പോൾ ഇടതും അദ്ദേഹത്തിനെ അത്ര ശ്രദ്ധിക്കുന്നുമില്ല. അത് കൊണ്ട് ഇടയ്ക്കിടെ ശ്രദ്ധിക്കപ്പെടാൻ ഉള്ള അടവുകളും അറിയാം. അത്തരം ഒന്നാണ്  ഈയിടെ എഴുതിയ ഒരു ചെറു ലേഖനം. സാഹിത്യകാരനും വാഗ്മിയുമായ ശ്രീ  എം.കെ. സാനുവിനെ കുറിച്ചാണ്എഴുത്തു. സാനു മാഷ് അടുത്തിടെ എഴുതിയ ഒരു ലേഖനത്തിൽ, ''സക്കറിയ യെ വിമർശിച്ചതിനാലാണ് അദ്ദേഹം പിണങ്ങിയത്'' എന്ന്  ഒരു ചോദ്യത്തിന് ഉത്തരമായി പറയുന്നുണ്ട്. പക്ഷെ  സക്കറിയ ആകട്ടെ സാനു മാഷിന്റെ  ആ വിമർശം ഇത് വരെ വായിച്ചിട്ടുമില്ല. (കഷ്ട്ടം ഇനിയെങ്കിലും സാനു മാഷ് എന്താണ് പറഞ്ഞത് എന്ന് ഒന്ന് വായിച്ചു നോക്കണേ സക്കറിയാ).

''ഇടതു പക്ഷ ചിന്തയുടെ സുപ്രധാന പ്രതിനിധി'' ആയാണ് സാനു മാഷിനെ  കണ്ടത് എന്നാണ് സക്കറിയ പറയുന്നത്. അത് കൊണ്ട് അദ്ദേഹത്തെ ആർ.എസ്എസിന്റെ വേദികളിൽ കണ്ടപ്പോൾ വിമർശിച്ചു എന്നാണു സക്കറിയ എഴുതിയത്.

ഇനി  സാനു മാഷ് ഇപ്പോൾ എഴുതിയത് എന്താണെന്ന് നോക്കാം.

" കൂട്ടുകാരൊക്കെ പാർട്ടി അംഗങ്ങളായിരുന്നെങ്കിലും  ഞാനൊരിക്കലും അങ്ങനെ ആയിരുന്നില്ല. വ്യക്തിപരമായ സ്വാതന്ത്ര്യം,ജനാധിപത്യം എന്നിവയൊക്കെയാണ് എനിക്ക് പ്രധാനപ്പെട്ടതു എന്നതാവാം ഞാൻ പാർട്ടി മെമ്പർ ആകാതിരിക്കാൻ കാരണം.... പാർട്ടിയുടെ ഏതെങ്കിലും നിയന്ത്രണങ്ങൾ  എന്റെ മേൽ ഉണ്ടായിട്ടില്ല........... എന്റെ അഭിപ്രായങ്ങളോ നിലപാടുകളോ പാർട്ടി നിർദ്ദേശാനുസരണം മാറ്റേണ്ട ഒരവസരവും എനിക്കുണ്ടായിട്ടില്ല. പാർട്ടി വിരുദ്ധനായ എം.ഗോവിന്ദനുമായി എനിക്ക് നല്ല അടുപ്പമായിരുന്നു. സർഗാത്മകത കത്തി നിൽക്കുന്ന എഴുത്തുകാർ പുകാസ യിൽ എത്തിപ്പെട്ടിരുന്നില്ല  എന്നതിന് പാർട്ടിയുടെ നിയന്ത്രണങ്ങൾ കാരണമായിട്ടുണ്ടാകാം. "

കാര്യം മനസ്സിലായല്ലോ. പുകാസയിൽ  ശരാശരി എഴുത്തുകാർ മാത്രമേ ഉള്ളൂ എന്ന് കണ്ടല്ലോ. അതിനു കാരണം കമ്മ്യുണിസ്റ് പാർട്ടിയുടെ വിധേയനായി നിൽക്കേണ്ടി വരും എന്നത് തന്നെ. മീഡിയോക്കാർ എഴുത്തുകാരെയും കൊണ്ട് പു.ക.സ. നടന്നതിന്റെ കാരണം വ്യക്തമാണല്ലോ.

ഇടതു പാർട്ടികൾക്കൊപ്പം നിൽക്കുന്ന എഴുത്തുകാർക്കും കലാകാരന്മാർക്കും അസഹിഷ്ണുത കൂടുതലാണ്. എല്ലാവരും ഇടത്തിൽ നിൽക്കണം എന്ന നേതൃത്വത്തിന്റെ നിലപാട് ആണ് ഇവരുടെ വഴികാട്ടി. അത് കൊണ്ട് അല്ലാത്തവരെ പുലഭ്യം പറയും. അതാണ് സക്കറിയയും ഇവിടെ  നടത്തിയത്. അഞ്ചു വർഷം കൂടുമ്പോൾ ഭരണത്തിൽ കയറുമ്പോൾ എന്തെങ്കിലും കിട്ടിയാൽ അത്രയും ആയില്ലേ.

സക്കറിയ പറയുന്നത് പോലെ ഇടതൊന്നുമല്ല സാനു മാഷ്.  " കൂട്ടുകാരൊക്കെ പാർട്ടി അംഗങ്ങളായിരുന്നെങ്കിലും  ഞാനൊരിക്കലും അങ്ങനെ ആയിരുന്നില്ല. വ്യക്തിപരമായ സ്വാതന്ത്ര്യം,ജനാധിപത്യം എന്നിവയൊക്കെയാണ് എനിക്ക് പ്രധാനപ്പെട്ടതു എന്നതാവാം ഞാൻ പാർട്ടി മെമ്പർ ആകാതിരിക്കാൻ കാരണം.''


.അത് കൊണ്ട് തന്നെയാണ് ആർ.എസ്.എസ്.ന്റെയും പോഷക സംഘടനകളുടെയും സമ്മേളനങ്ങളിൽ  അദ്ദേഹം സ്ഥിരം  സാന്നിധ്യമായത്.

Wednesday, January 11, 2017

കോപ്പിയടി

ആന പിണ്ടം ഇടുന്നത് കണ്ട് മുയല് മുക്കുന്നു എന്നൊരു പഴഞ്ചൊല്ലുണ്ട്. അത് പോലാണ് കോൺഗ്രസ്സ് എം.എൽ.എ., കെ. മുരളീധരൻ.  വലിയ നേതാക്കൾ വലിയ പ്രസംഗങ്ങളും വലിയ കാര്യങ്ങളും ഒക്കെ പറയുന്നു. അതൊക്കെ മാധ്യമങ്ങളിൽ വരുന്നു. മാധ്യമങ്ങളുടെ തൊഴിൽ തന്നെ അതാണല്ലോ.അത് കണ്ടു കൊണ്ടാണ് മുരളീധരൻ രംഗത്തിറങ്ങിയത്. തനിക്കും ഒരു കൈ നോക്കിയാലെന്താ. ആദ്യമായി കോൺഗ്രസ്സിലെ കഴിവ് കേടു പറഞ്ഞു ഒരു പ്രസ്താവന ഇറക്കി.  അത് ഏതാണ്ട് പൊതു തെറിവിളിയിൽ അവസാനിച്ചു. ആ തെറി വിളി കൊണ്ട് ഇങ്ങേരു ഒരു ഹീറോ ആയി. ( എ. ഗ്രൂപ്പിന്റെ മുന്നിൽ).

പിന്നെ നോക്കിയപ്പോഴാണ്  പുതിയ ട്രെൻഡ് ആയ ഫേസ് ബുക്ക് കാണുന്നത്. ഉടൻ ഫേസ്  ബുക്കിൽ കയറി ഒരു  പോസ്റ്റ് ഇട്ടു. നോട്ട് പിൻവലിക്കലിൽ  മോദിയെ കളിയാക്കിക്കൊണ്ട്. അതിലെ ചില പ്രയോഗങ്ങൾ മാധ്യമങ്ങൾ കൊണ്ടാടി. മുരളിയുടെ കഴിവിനെ പുകഴ്ത്തി. ഒരു ചക്ക വീണു ഒരു മുയൽ ചത്തപ്പോൾ മുരളി അടുത്ത പോസ്റ്റും ഇട്ടു.  അത് ദേശീയതയിൽ ബി.ജെ.പി യെ കളിയാക്കിക്കൊണ്ട്. അതിലെയും ചില പ്രയോഗങ്ങൾ മാധ്യമങ്ങൾ കൊണ്ടാടി.  
ഇതും കൂടിയായപ്പോഴാണ്  മുരളിയുടെ കഴിവുകൾ അറിയാവുന്ന  സാമാന്യ ബോധമുള്ള ജനത്തിന് സംശയമായത്. ഇത് കോപ്പി അടി അല്ലേ?  സംഭവം കോപ്പി തന്നെ. നാസറുദ്ദിൻ മണ്ണാർക്കാട് എന്ന ആള് തന്റെ ഫേസ് ബുക്കിൽ ഇട്ട പോസ്റ്റുകൾ ആണ് മുരളി അതെ പാടി കോപ്പി അടിച്ചു സ്വന്തമായി ഫേസ് ബുക്കിൽ പോസ്റ്റ് ചെയ്തത്. പിന്നെ ആള് ബുദ്ധിമാനാ. അറിയാതിരിക്കാൻ വേണ്ടി ഇപ്പോഴത്തെ കമലാഹാസൻ എന്ന പേര് വെട്ടിച്ചുരുക്കി കമൽ എന്ന്  പോസ്റ്റിൽ ചേർത്തു. പുതിയത് ആണെന്ന് ജനം ധരിച്ചോട്ടെ എന്ന് കരുതി.

മൈക്കിന് മുൻപിൽ പട്ടി -കുശിനിക്കാരൻ മദാമ്മ എന്നൊന്നും വിളിക്കുന്നത് പോലല്ല അന്തസ്സായി എഴുതുന്നത്. അതിനു നിലവാരം വേണം, വിജ്ഞാനം വേണം, വിവരം വേണം,എഴുതാനുള്ള കഴിവ് വേണം. SSLC പരീക്ഷയ്ക്ക് കോപ്പി അടിച്ചതിന്റെ പാരമ്പര്യവും കൊണ്ട് നടന്നാൽ പറ്റില്ല. ഇങ്ങിനെയുള്ള കോപ്പിയടിക്കാരെ എന്ത് ചെയ്യണം എന്ന് സമൂഹം തീരുമാനിക്കണം.

Wednesday, January 4, 2017

കോടതികൾ ജനത്തിനു

മതത്തിന്റെയും ജാതിയുടെയും വംശത്തിന്റെയും പേരിൽ വോട്ട് പിടിക്കുന്നത്  നിരോധിച്ചു കൊണ്ടുള്ള സുപ്രീം കോടതി വിധി ഇന്ത്യൻ ജനാധിപത്യത്തിൽ തങ്ക ലിപികളിൽ കുറിക്കേണ്ട ഒരു വിധി  ആണ്.  എന്നതിൽ സംശയം വേണ്ട. സ്വാതന്ത്ര്യ ലബ്ധിക്കു ശേഷം നടന്ന ആദ്യത്തെ പൊതു തെരഞ്ഞെടുപ്പ് മുതൽ ഇന്നു വരെയുള്ള എല്ലാ തെരഞ്ഞെടുപ്പുകളിലും മതവും ജാതിയും ഒരു   പ്രധാന ഘടകം തന്നെ ആയിരുന്നു. സ്ഥാനാർത്ഥികളെ നിശ്‌ചയിക്കുന്നത് മുതൽ വോട്ട് പിടിത്തം വരെയുള്ള എല്ലാ മേഖലകളിലും മതവും ജാതിയും  ഇടപെട്ടു. മത മേലധ്യക്ഷന്മാർ പരസ്യമായി വോട്ട് പിടിക്കാൻ ഇറങ്ങി.  

7 അംഗ ബെഞ്ചിന്റെ സുപ്രധാന വിധിയിൽ 'തെരെഞ്ഞെടുപ്പ് എന്നത് ഒരു മതനിരപേക്ഷമായ പ്രക്രിയ ആണെന്നും, ജനങ്ങളും ദൈവവും തമ്മിലുള്ള ബന്ധം തികച്ചും വ്യക്തിപരമാണെന്നും സ്റ്റേറ്റിന് അതിൽ ഇടപെടാൻ അധികാരമില്ലെന്നും' പറഞ്ഞു. ഒരു പാർട്ടിയ്ക്ക് വോട്ട് ചെയ്യണം എന്നുള്ള മത നേതാവിന്റെ അഭ്യർത്ഥന അഴിമതി ആയി വരുമോ എന്നുള്ള കേസിൽ വിധി പറയുകയായിരുന്നു. ഇനി മുതൽ അത് Section 123 of the Representation of  People's Act പ്രകാരം കുറ്റം ആവുകയും സ്ഥാനാർത്ഥി  അയോഗ്യനാവുകയും ചെയ്യും.
രാഷ്ട്രീയക്കാർ മടിക്കുന്നിടത്തു സുപ്രീം കോടതി ജനങ്ങളുടെ രക്ഷയ്ക്ക് വരുന്നു.

അത് പോലെ സുപ്രധാനമായ ഒരു സുപ്രീം കോടതി  വിധി ആയിരുന്നു ക്രിക്കറ്റിന്റെ കാര്യത്തിൽ നടത്തിയത്. ഇന്ത്യൻ പ്രസിഡന്റിനേക്കാളും പവ്വറിലാണ് ഇന്ത്യയിലെ ക്രിക്കറ്റ് പ്രസിഡന്റ് നടന്നിരുന്നത്. ബി.സി.സി.ഐ. പ്രസിഡന്റ് എന്ന് പറഞ്ഞാൽ  ആർക്കും, കോടതിയ്ക്ക് പോലും  ചോദ്യം ചെയ്യാൻ അധികാരമില്ലാത്ത രാജാവ്. എങ്ങിനെയും ചിലവാക്കാൻ കോടികൾ. കണക്കും ആഡിറ്റും ഒന്നുമില്ലാത്ത കുമിഞ്ഞു കൂടിയ പണം.അത് കൊണ്ടാണ് രാഷ്ട്രീയക്കാർ എല്ലാം ഈ പദവിയ്ക്കു വേണ്ടി കടി പിടി കൂടിക്കൊണ്ടിരുന്നത്. ഇൻർനാഷണൽ ക്രിക്കറ്റ് ഫെഡറേഷന് പോലും ബി.സി.സി.ഐ യെ പേടി. ഇന്ത്യ വേണ്ടെന്നു വച്ചാൽ ക്രിക്കറ്റ് തീർന്നു. വേറെ ഒരു രാജ്യത്തും ഇത്രയും പൊട്ടന്മാർ ഇത്രയും കാശും മുടക്കി ഇത്രയും സമയം വായും പൊളിച്ചിരിക്കാൻ കാണില്ല അത് കൊണ്ട് തന്നെ. കളി A BC അറിയില്ല. എന്നാലും നോക്കിയിരിക്കും.  റൺ, ഔട്ട് സെഞ്ചുറി ഇങ്ങിനെ കുറെ വാക്കുകൾ മാത്രം അറിയാവുന്ന കാഴ്ചക്കാർ. ധൂർത്തടിക്കാൻ

അങ്ങിനെ പ്രമാദിത്വം കാണിച്ച  ബി.സി.സി.ഐ. യെ ആണ് സുപ്രീം കോടതി പൊളിച്ചടുക്കിയത്. പ്രസിഡന്റിനെയും സെക്രട്ടറിയേയും പുറത്താക്കി. 70 കഴിഞ്ഞവനെയും കേസുള്ളവനെയും 9 വർഷം ഇരുന്നവനെയും ഇനി വേണ്ട.പാവപ്പെട്ടവന്റെ പണം ഇനി കണക്കും പരിശോധനയും ഒക്കെ ഉണ്ട്. വളരെ നന്നായി. എല്ലാ മേഖലയിലും ഇത് പോലെ കോടതി ഇടപെട്ടു സംഭവം സുതാര്യമാക്കണം. കേരളത്തിലെ സ്പോർട്സ് കൗൺസിലിലും.

ടി.സി.മാത്യു ആള് വീരനാ. എങ്ങിനെയെങ്കിലും പ്രസിഡന്റ് സ്ഥാനത്തു കയറിക്കൂടാനാ നോക്കുന്നത്. 9  വര്ഷം ആയതു കൊണ്ട് കേരളത്തിൽ നിന്നും രാജി വച്ചു.  സ്റ്റേഡിയത്തിനു ഭൂമി വാങ്ങിയതിൽ  അഴിമതി ആരോപണം ഉണ്ട്. എല്ലാം കലങ്ങി തെളിയട്ടെ.