Friday, October 6, 2017

ഹർത്താൽ

ഹർത്താൽ വേണ്ട എന്ന് പറഞ്ഞ ആളാണ് എം.എം  ഹസൻ. അത് ഏതോ നിമിഷത്തിൽ കയ്യടി കിട്ടാൻ. എ ഗ്രൂപ്പിനാകാമെങ്കിൽ എന്ത് കൊണ്ട് ഐ ക്കു ആയിക്കൂടാ? ഹർത്താൽ നിരോധിക്കാൻ ഒരു ബില്ല് തന്നെ കൊണ്ട് വന്നു ചെന്നിത്തല  രമേശ്. ഒന്ന് കെപിസിസി പ്രസിഡന്റ് മറ്റേതു പ്രതിപക്ഷ നേതാവ്. ഇവര് രണ്ടും കൂടിയാണ് പുതിയ ഹർത്താൽ നടത്തുന്നത്. ബ്ലോക്ക്-പഞ്ചായത്ത്-ജില്ലാ ലെവൽ ആയിരുന്നു ഇത്രയും നാൾ. രാവിലെ എണീക്കുമ്പോൾ കേൾക്കാം ഇന്ന് പഞ്ചായത്തിൽ ഹർത്താൽ. അതൊക്കെ  കഴിഞ്ഞു വീണ്ടും സംസ്ഥാന ലെവൽ.  13 ന് നിശ്ചയിച്ചു. അപ്പോഴാണ് ഫുട്ബാൾ കളി. അതിനെന്താ? മാറ്റി  16ന് ആക്കി മാറ്റി. 

ഹർത്താൽ അസൗകര്യം ആണെന്ന് ചെന്നിത്തലക്ക് അറിയാം. അസൗകര്യം ആയ ഹർത്താൽ എന്തിനു അടിച്ചേൽപ്പിക്കുന്നു?നടത്തുന്നു? രാവിലെ 10 മണിക്ക് കുളിച്ചു കുട്ടപ്പനായി എ.സി.കാറിൽ  എത്തും നേതാക്കൾ സെക്രട്ടേറിയറ്റ് നടയിൽ. വെയില് കൊണ്ട് തളർന്ന അണികളെ പ്രകോപ്പിക്കും. എന്നിട്ടു സ്ഥലം വിടും ആ മണ്ടന്മാർ പാവം പോലീസിനെ കല്ലെറിഞ്ഞു അടി കൊണ്ട് തലയും പൊട്ടി ആശുപത്രിയിൽ. ഒരു ഹർത്താലിന്റെ വിജയം അങ്ങിനെ. ഇതാണ് ക്രിയാത്മക പ്രതിപക്ഷം.

  കൊച്ചി ക്കാർക്കു അസൗകര്യം ആകുമത്രേ. അതെന്താ ഞങ്ങള്  കോഴിക്കോട് കാർക്കും കാസർഗോഡുകാർക്കും തിരുവനന്തപുരത്തു കാർക്കും അസൗകര്യം ഒന്നും ഇല്ലേ? കൊച്ചിക്കാരുടെ അസൗകര്യം മാത്രം നോക്കിയാൽ മതിയോ?   ഒക്ടോബർ  16 ഞങ്ങൾക്ക് അസൗകര്യം ആണ്. പല പ്രശ്നങ്ങൾ. കല്യാണം, പരീക്ഷ, ചോറൂണ്  അങ്ങിനെ പലതും. അത് കൊണ്ട് മിസ്റ്റർ ചെന്നിത്തലേ ഹർത്താൽ  16 ൽ നിന്നും മാറ്റൂ.  സൗകര്യമായ ഡേറ്റ് ഞങ്ങൾ അറിയിക്കാം.





Wednesday, October 4, 2017

പാവം ചാനൽ






 ഇന്നലെ ചാനലുകളുടെ ദുഃഖ ദിവസമായിരുന്നു. ചർച്ചകൾക്കു ഒരു വിഷയം നഷ്ട്ടപ്പെട്ട ദുഃഖം. മൂന്നു മാസമായി ലൈവ് ആയി നില നിർത്തി ചർച്ചകൾ നടത്തിയ ദിലീപ് വിഷയം തീർന്നു കഴിഞ്ഞു. ദിലീപ് ജാമ്യത്തിൽ ഇറങ്ങി. ഇനി വിചാരണ തുടങ്ങുന്നത് വരെ കാത്തിരിക്കണം ചർച്ച തുടങ്ങാൻ. ഇത് ദിലീപിന്റെ വിജയ മായിരുന്നോ എന്ന വിഡ്ഢി ചോദ്യം ആയിരുന്നു  ഇന്നലത്തെ  അന്തിചർച്ചാ വിഷയം! സിനിമാ വിജയിച്ചോ എന്ന് ചോദിക്കുന്ന ലാഘവത്തോടെ!  ചർച്ചയിൽ സ്ഥിരം വേഷങ്ങൾ.റിട്ടയേർഡ് നടന്മാർ, റിട്ടയേർഡ് പോലീസുകാർ, കേസില്ലാ  വക്കീലന്മാർ. ഒരേ പല്ലവി. പക്ഷെ ഒരു കാര്യം കാണാൻ കഴിഞ്ഞു.  ദിലീപിനെ ഇത്രയും നാൾ  അനുകൂലിക്കുന്നവർ കുറേക്കൂടി ഊർജസ്വലരായി. അവരുടെ ആഹ്ലാദം പ്രകടമായിരുന്നു.അത് പോലെ  ശക്തിയുക്തംഎതിർത്തു കൊണ്ടിരുന്നവർ പെട്ടെന്നങ്ങു മയത്തിലായി.  ക്വട്ടേഷൻ പേടിച്ചിട്ടാണോ ആവോ?  

കഴിഞ്ഞ 85 ദിവസമായി ചാനലിൽ  ചർച്ചകൾ നടക്കുന്നു. എല്ലാം ദിലീപ് എന്ന വ്യക്തിക്കെതിരായി. ദിലീപ് പ്രതിനിധാനം ചെയ്യുന്ന സിനിമ ക്കുള്ളിലെ ഗുണ്ടായിസത്തിനെതിരെ, അവിടെ നടമാടുന്ന ലൈംഗിക അരാജകത്വത്തി നെതിരെ ഒരു വാക്കു പറയാനോ അതിലെ മാഫിയകളെ പുറത്തു കൊണ്ടു വരാനോ ഒരൊറ്റ ചാനലും ശ്രമിച്ചില്ല എന്ന സത്യം ജനങ്ങളെ നോക്കി പല്ലിളിക്കുന്നു. സിനിമ ചാനലുകളുടെ കഞ്ഞിയാണ്. അതില്ലെങ്കിൽ ചാനലുകൾ പട്ടിണിയിൽ ആകും. അത് കൊണ്ട്  ഒരു ഒത്തു കളി. ചാനലുകൾക്ക് റേറ്റിങ് അല്ലേ പ്രധാനം. വിനുവും വേണുവും രാമനും സ്‌മൃതിയും ഒക്കെ കിടന്നു ആളായി വിളിക്കുന്നത് അതിനു വേണ്ടിയാണല്ലോ.വിഡ്ഢികളായ   ജനങ്ങൾ

  

Monday, October 2, 2017

മദ്യ നയം

മദ്യ നയത്തിൽ ജനഹിതം തേടുക. സുധീരന്റെ സുധീരമായ പ്രസ്താവന ആണിത്.  ഇടതു സർക്കാർ കൊണ്ട് വന്ന മദ്യ നയത്തെ എതിർക്കാനാകാതെ നാണം കെട്ടു   നിൽക്കുന്ന  കോൺഗ്രസ്സിന്റെ കള്ളക്കളി ആണ് ഈ വാക്കുകൾ. തെരെഞ്ഞെടുപ്പ് സമയത്തു മദ്യ നിരോധനം അല്ല മദ്യ വർജ്ജനമാണ് തങ്ങളുടെ നയം എന്ന് പതിയെ പറഞ്ഞു നയം വ്യക്തമാക്കാത്ത  ഒരു നയം ആയിരുന്നു എൽ.ഡി. എഫി ന്റെത്. അന്നേ  സാമാന്യ വിവരം ഉള്ളവർക്ക് അറിയാമായിരുന്നു  ഇടതു വന്നാൽ ബാറുകൾ എല്ലാം തുറക്കുമെന്ന്. അത് തന്നെ സംഭവിച്ചു. ഇപ്പോഴാണ് ജനം പ്രതീക്ഷിച്ച അവരുടെ നയം വ്യക്‌തമായത്. യു.ഡി.എഫ്. പൂട്ടിച്ച ബാറുകൾ എല്ലാം തുറപ്പിച്ചു. യു,ഡി,എഫ്  മനസ്സിൽ സന്തോഷിക്കുന്നുണ്ടാകാം ബാറുകൾ തുറന്നതിനു. ദുഖവും ഉണ്ടാകും. കിട്ടാനുള്ള കോഴക്കാശു പോയതിൽ.അത് കൊണ്ടാണ് അതിനെതിരെ കോൺഗ്രസ്സ് പ്രതിരോധം  ദുർബ്ബലമായിപ്പോയത്‌. 

ജനഹിതം -റഫറണ്ടം- വേണമെന്നാണ് ഇപ്പോൾ സുധീരൻ പറയുന്നത്.  സുധീരൻ മാഷേ യുഡിഫ്  കൊണ്ട് വന്ന മദ്യ നയം ജനഹിതത്തിലൂടെ ആയിരുന്നോ? ബാർ അടയ്ക്കണമെന്ന് നിങ്ങൾ പറഞ്ഞു. പറ്റില്ല എന്ന് ചാണ്ടിയും ബാബുവും മാണിയും കൂട്ടരും. എല്ലാവരും പറഞ്ഞു. നിങ്ങൾ കടും പിടിത്തം പിടിച്ചു. ചാണ്ടിയല്ലേ ആള്.  എന്നാ ഒരുത്തനും മിടുക്കാനാവണ്ട എന്ന് പറഞ്ഞു ചാണ്ടി എല്ലാ ബാറും പൂട്ടിച്ചു. അതല്ലേ ഉണ്ടായത്. എന്നിട്ടിപ്പം ജനഹിതം പറഞ്ഞു വന്നിരിക്കുന്നു. നിങ്ങളുടെ ശബ്ദത്തിനു വിലയില്ലാ തായിരിക്കുന്നു. എ ഗ്രൂപ്പും ഐ. ഗ്രൂപ്പും ഒത്തു തീർപ്പിൽ എല്ലാം പങ്കിട്ടെടുക്കുന്നു. സുധീരൻ നിങ്ങൾ  മിണ്ടാതിരിക്കുക എന്നതാണ് ബുദ്ധി.

   

Thursday, September 28, 2017

കമലഹാസൻ

"മോദി അത് നടപ്പാക്കാൻ ചെയ്യാൻ തുടങ്ങി -മറ്റുള്ളവർ വാഗ്‌ദാനം മാത്രം  നൽകിയപ്പോൾ" കമൽ ഹാസൻ.

മുങ്ങിത്താഴുമ്പോൾ കാണിക്കുന്ന വെപ്രാളമാണ് ഇപ്പോൾ മാർക്സിസ്റ് പാർട്ടി കാണിക്കുന്നത്. ഏതു വൈക്കോൽ ത്തുരുമ്പിലും കയറി പിടിക്കും. അത് കച്ചിത്തുരുമ്പാണെന്ന അറിവോടെ തന്നെ. അത് രക്ഷപ്പെടുത്തില്ല എന്ന അറിവോടെ തന്നെ. പക്ഷെ രക്ഷപ്പെടാനുള്ള  അവസാനത്തെ ശ്രമം. അങ്ങിനെ മാർക്സിസ്റ്റുകാർ കയറിപ്പിടിച്ചിരിക്കുന്ന അവസാന  കച്ചിത്തുരുമ്പാണ് . സിനിമാ താരം കമലാഹാസൻ.

കമ്മ്യുണിസ്റ്റ് പാർട്ടി അപ്രസക്തമായിട്ടു കാലം ഏറെയായി. എങ്ങിനെയോ പശ്ചിമ ബംഗാളിൽ മാർക്സിസ്റ്റ് പാർട്ടി വേര് പിടിച്ചു.   പക്ഷെ തങ്ങളുടെ തെറ്റ്  മനസ്സിലാക്കാൻ ബംഗാളികൾക്ക്  മറ്റൊരു  34  വർഷം വേണ്ടി വന്നു. അപ്പോഴേയ്ക്കും ബംഗാൾ ഏതാണ്ട് പൂർണമായും  നശിച്ചു കഴിഞ്ഞിരുന്നു. കൃഷിയും വ്യവസായവും നശിച്ചു. വിദ്യാഭ്യാസവും വികസനവും അധോഗതി ആയി. പട്ടിണി കൊണ്ട് ജനങ്ങൾ നാട് വിട്ടു ഓടിത്തുടങ്ങി.  പതിനെട്ടാം നൂറ്റാണ്ടിൽ ബംഗാളിൽ ഉണ്ടായ  മഹാ ക്ഷാമം പോലെ ഒരു സാഹചര്യം. അന്ന്  പലായനം ചെയ്തത് പോലെ ഒരു പലായനം ആണ് ഇന്ന് നമ്മൾ കാണുന്നത്. ബംഗാളിൽ  നിന്നും പട്ടിണി മൂലം ജനം കേരളത്തിലേ യ്ക്കു  കൂട്ടമായി വരികയാണ്.പക്ഷേ ബംഗാളികൾ ഒരു കാര്യം ചെയ്തു. വളരെ  താമസിച്ചു പോയെങ്കിലും  വൈരാഗ്യ ബുദ്ധിയോടെ ജനം കമ്യുണിസ്റ്റ് പാർട്ടിയെ തൂത്തെറിഞ്ഞു.  

സീതാറാം യെച്ചൂരിയെ വീണ്ടും രാജ്യ സഭാ അംഗമാക്കാൻ പഠിച്ച പണി പതിനെട്ടും നോക്കി. സാധിച്ചില്ല. മൂന്നു പതിറ്റാണ്ട് ഭരിച്ച ബംഗാളിൽ നിന്നും ഒരു അംഗത്തെ തെരഞ്ഞെടുക്കാനുള്ള സംഖ്യ ബലം ആ പാർട്ടിക്ക് ഇല്ലാതെ പോയത് ഭരണത്തിന്റ ഗുണം ഒന്ന് കൊണ്ട് മാത്രമാണല്ലോ. അവിടെയും കോൺഗ്രസ്സിന്റെ പിന്തുണയിൽ ജയിക്കാനുള്ള ശ്രമങ്ങൾ നടത്തി നോക്കി. യെച്ചൂരിയുടെ ആജന്മ ശത്രുവായ പിണറായിയും അദ്ദേഹത്തിന്റെ അനുയായികളും അത് സമ്മതിക്കുമോ? അങ്ങിനെ ആ സ്വപ്നവും പൊളിഞ്ഞു.

ഏറ്റവും അവസാനം നടത്തുന്ന സഖ്യത്തിനു വേണ്ടിയുള്ള ഉദ്യമം ആണ് കമലാ ഹാസനുമായുള്ളത്. വീട്ടിൽ വിളിച്ചു. കമലാഹാസൻ പഴയ സുഹൃത്താണെ ന്നും പണ്ടേ ഇങ്ങിനെ വരാറുണ്ടെന്നും മുഖ്യ മന്ത്രി ഫേസ് ബുക്കിൽ എഴുതി. അങ്ങിനെ ഒന്ന് ആരും  ഇതുവരെ കണ്ടിട്ടും ഇല്ല കേട്ടിട്ടും ഇല്ല. സി.പി.എം. നടത്തുന്ന സെമിനാറിൽ കമലാഹാസനെ വിശിഷ്ടാതിഥി ആയി ക്ഷണിച്ചു.  പക്ഷെ കമലാഹാസൻ ഒഴിവായി. ക്ളൈമാക്സ് ഇതൊന്നുമല്ല. അതാണ് മോദിയെ പ്രകീർത്തിച്ചു കൊണ്ട് കമലാഹാസൻ പറഞ്ഞത്.

Wednesday, September 27, 2017

വയൽക്കിളികൾ





പാർട്ടിക്ക് മേലെ പരുന്തും പറക്കില്ല എന്ന് പറഞ്ഞ പാർട്ടി ഗ്രാമത്തിൽ അതിലും മേലെ ഇതാ 'വയൽക്കിളികൾ' പറന്നു. പാർട്ടി ഗ്രാമം എന്ന് പറഞ്ഞാൽ പാർട്ടിയുടെ തീട്ടൂരങ്ങൾ ആണ് നടപ്പാക്കുന്നത്. പാർട്ടിയുടെ ഉത്തരവുകൾ അലംഘനീയം. ആരും ചോദ്യം ചെയ്യാൻ പാടില്ല. അനുസരിക്കുക അത്ര മാത്രം. അങ്ങിനെയുള്ള ഒരു പാർട്ടി ഗ്രാമത്തിൽ, ശക്തി കേന്ദ്രമായ കണ്ണൂരിലെ  പാർട്ടി ഗ്രാമത്തിൽ മാർക്സിസ്റ്റു  നേതൃത്വത്തിനെതിരായി അണികൾ കലാപം നടത്തുന്നു. ഞെട്ടിത്തെറിച്ച നേതൃത്വം. ജില്ലാ അധ്യക്ഷൻ ജയരാജൻ സമര സഖാക്കളെ കണ്ടു, ഭീഷണി,അനുനയം ഒക്കെ നടത്തി. ഒരു ഫലവുമില്ല. സമരവുമായി സഖാക്കൾ മുന്നോട്ട്.

തളിപ്പറമ്പിലെ നെൽവയലുകളും തെങ്ങും വ്യക്ഷങ്ങളും നിറഞ്ഞ കീഴാറ്റൂർ ഗ്രാമത്തിലെ 250 ഏക്കറോളം പരന്നു കിടക്കുന്ന നെൽവയൽ സംരക്ഷിക്കാനാണ് ജനത ഉയിർത്തെഴുനേറ്റത്.'' വയൽക്കളികൾ'' എന്ന സംഘടന രൂപീകരിച്ചു രാപകൽ സമരം നടത്തുകയാണ്.  കുറ്റിക്കോൽ മുതൽ കുപ്പം വരെയുള്ള പാത വഴി തിരിച്ചു  വിടുന്നത്വ ഇവരുടെ വയലിൻ നടുവിലൂടെ. വയൽ മുഴുവൻ അവർക്കു നഷ്ട്ടമാകും. എന്തിന്നാണ് വഴി മാറ്റി വയലിലൂടെ പോകുന്നത് എന്നാണ് അവരുടെ ചോദ്യം.  9 മീറ്റർ ഉയരത്തിൽ 45 മീറ്റർ വീതിയിൽ നാലര കിലോമീറ്റർ ദൂരം. 

ഇത്രയും മണ്ണിട്ടു നികത്താൻ ഇടിക്കേണ്ട കുന്നുകൾ പാർട്ടി നേതാക്കൾക്കു സ്വന്തം. വിമത ശബ്ദം, പോകട്ടെ ഒരു ശബ്ദം പോലും ഉയരാൻ അനുവദിക്കാതെ കാത്തു സൂഷിക്കുന്ന സ്ഥലങ്ങളാണ് പാർട്ടി ഗ്രാമങ്ങൾ. അടിമത്തത്തിൽ കഴിയുന്ന ജനത. അടിച്ചമർത്തപ്പെട്ട ജനത. അവിടെ നിന്നാണ് വിപ്ലവം പൊട്ടിപ്പുറപ്പെട്ടത്. തളിപ്പറമ്പ തമ്പ്രാക്കൾക്കു എതിരെ. ഇതൊരു തുടക്കം. കേരളത്തിൽ ആഞ്ഞടിക്കാൻ പോകുന്ന സമരങ്ങളുടെ നാന്ദി. 





Tuesday, September 26, 2017

വട്ടിയൂർക്കാവ്

ടി. എൻ. സീമയെ  സി.പി.എം തിരുവനന്തപുരത്തു  വട്ടിയൂർക്കാവിൽ കൊണ്ട്  ഇറക്കിയപ്പോഴേജനങ്ങൾക്ക്  മനസ്സിലായി. സീമയെ കുരുതി കൊടുക്കാനാണ് ഈ കളിയെന്നു. ഒരു വെടിക്ക് രണ്ടു പക്ഷി.  അതായിരുന്നു നേതതൃത്വതിന്റെ ലക്ഷ്യം. സീമയ്ക്കു സീറ്റ് കൊടുത്തതും ആയി. സീമയെ ഒഴിവാക്കാനുള്ള വഴിയും ആയി. അവരുടെ സ്ഥിരം പരിപാടിയായ വോട്ട് മറിച്ചിൽ നടത്തി.

മാർക്സിസ്റ്റുകാർ കെ.മുരളീധരന് വോട്ട് ചെയ്തു സീമയെ തോൽപ്പിച്ചു. എല്ലാവർക്കും അറിയാമായിരുന്ന ഒരു പരസ്യമായ രഹസ്യം. പാവം സീമയും അറിഞ്ഞിരിക്കണം. വോട്ട് ചെയ്യാനായി പണം കുറെ മറിഞ്ഞു എന്നൊരു ആരോപണവും ഉണ്ടായി. പക്ഷെ പാർട്ടി നേതൃത്വം അതെല്ലാം തള്ളിക്കളഞ്ഞു.  ഏതായാലും വട്ടിയൂർക്കാവിൽ നിന്നും ജയിച്ച മുരളീധരൻ ഇപ്പോൾ പര്യസ്യമായി സമ്മതിച്ചിരിക്കുന്നു. മാർക്സിസ്റ്റുകാർ ആണ് മുരളിയെ ജയിപ്പിച്ചത് എന്ന്. കഷ്ട്ടം. ഇത്രയും നാൾ പാർട്ടി പാർട്ടി എന്ന് പറഞ്ഞു പുറകെ നടന്ന പാവം സീമ. പാർട്ടിയിൽ എല്ലാവരുടെയും ഗതി ഇതൊക്കെ തന്നെ. പിണറായി വിജയന് ജയ് വിളിച്ചു വിനീത വിധേയനായി നിൽക്കുക. എന്തെങ്കിലും കിട്ടും. അല്ലെങ്കിൽ പണി കിട്ടും.സീമയുടെ ഗതി തന്നെ. ഇതാണ് മാർക്സിസ്റ്റ് പാർട്ടി. 

Thursday, September 21, 2017

ശിക്ഷ





നട്ടെല്ലുള്ള IAS  ഉദ്യോഗസ്ഥർ  കുറെ എങ്കിലും ഉണ്ടെന്നുളളത് ജനങ്ങൾക്ക് ആശ്വാസകരമാണ്. മൂന്നാർ കൈയേറ്റക്കാർക്കെതിരെ പട പൊരുതിയ  ശ്രീറാം വെങ്കട്ടരാമൻ, ഭക്ഷ്യ വസ്തുക്കളിൽ വിഷം കലർത്തുന്ന നിർമാതാക്കൾ ക്കെതിരെ  പൊരുതിയ  അനുപമ, ജയിലിലെ അഴിമതിക്കെതിരെ പൊരുതിയ  രൂപ IPS  എന്നുള്ള ചുരുക്കം ചിലരെ പ്പോലെ. ഈ കുറ്റവാളികൾക്കെതിരെ മാത്രം പൊരുതിയാൽ പോരാ ഈ ഉദ്യോഗസ്ഥർക്ക്. ഈ കുറ്റവാളികളെ സഹായിക്കുന്ന സർക്കാരിനെതിരെ കൂടി ഇവർക്ക് യുദ്ധം ചെയ്യേണ്ടി ഇരിക്കുന്നു.

ഇവിടത്തെ മിടുക്കൻ കേശവേന്ദ്ര കുമാർ IAS ആണ്. ഹൈസ്‌കൂൾ വിദ്യാഭ്യാസം കഴിഞ്ഞു റെയിൽവേയിൽ ജോലിക്കു കയറി, BA കറസ്പോണ്ടൻസ് ആയി പഠിച്ചു 22 ആം വയസ്സിൽ IAS കിട്ടിയ ആളാണ് കേശവന്ദ്ര കുമാർ. 

2012 ൽ KSU ഉന്നത വിദ്യാഭ്യാസ ഡയറക്ടർ ആയ അദ്ദേഹത്തിന്റെ ഓഫീസിൽ കയറി കരി ഓയിൽ ഒഴിച്ചു. 8 പേരുടെആം പേരിൽ കേസ് എടുത്തു. നാശ നഷ്ട്ടമായ 5.5 ലക്ഷം രൂപ കെട്ടി വച്ച് അവർ ജാമ്യം എടുത്തു. .2015 ൽ മുഖ്യ മന്ത്രി ഉമ്മൻ ചാണ്ടി ഇവർക്കെതിരെ ഉള്ള കേസ് പിൻവലിക്കാൻ ഒരു കള്ളക്കളി നടത്തി. അവർക്കു  വേണ്ടിയാണല്ലോ പാവം പിള്ളാര് കോമാളി വേഷം കെട്ടുന്നത്. കേശവേന്ദ്ര കുമാറും IAS അസോസിയേഷനും വഴങ്ങിയില്ല. പിള്ളാര്   സമൂഹ സേവനം നടത്താൻ പറഞ്ഞു കേശവേന്ദ്ര കുമാർ. അങ്ങിനെ മാനസികാരോഗ്യ കേന്ദ്രത്തിലും ആശുപത്രീകളിലും അവർ സേവനം നടത്തി  സൗജന്യ ഭക്ഷണം വിതരണം ചെയ്തു. ഇതൊക്കെ ചെയ്തതായി ഡോക്ടർമാർ സാക്ഷ്യ പത്രം നൽകി. അങ്ങിനെ യാണ് കേസ് പിൻവലിക്കാൻ കേശവേന്ദ്ര  കുമാർ അനുമതി നൽകിയത്. മാതൃകാപരമായ ശിക്ഷ. 

ഈ വിദ്യാർത്ഥികളൊക്കെ സ്വയം ഇറങ്ങിത്തിരിക്കുന്നതല്ല. രാഷ്ട്രീയ നേതാക്കൾ ഇതിനൊക്കെ ഇവരെ പ്രേരിപ്പിക്കുന്നതാണ്.കുട്ടിക്കുരങ്ങന്മാരെ കൊണ്ട് ചുടു ചോറ് വാരിക്കുന്ന  രാഷ്ട്രീയ നേതാക്കൾക്കും ഇത്തരം ശിക്ഷ നൽകണം.




Wednesday, September 20, 2017

ക്ഷേത്ര പ്രവേശം

യേശുദാസ് ശ്രീ പദ്മനാഭനെ തൊഴാൻ പോകുന്നു. അതിനായി ശ്രീ പദ്മനാഭ ക്ഷേത്ര അധികാരികൾക്ക് അപേക്ഷ നൽകി. ആരും അറിയാതെ എത്ര അഹിന്ദുക്കൾ ആണ് അമ്പലങ്ങളിൽ ദിവസവും കയറുന്നത്? മുസ്ലിങ്ങൾ, ക്രിസ്ത്യാനികൾ അങ്ങിനെ പലരും. കുറേപ്പേർ വിശ്വാസം ഉണ്ടായിട്ടും കുറെ അല്ലാതെയും. അറിയാത്തതു കൊണ്ട് അവിടം അശുദ്ധമാകാറില്ല.അവിടെ പുണ്യാഹം തളിക്കാറില്ല, ശുദ്ധി കലശം ഇല്ല.പക്ഷെ  ദൈവം അവിടങ്ങളിൽ ഒക്കെ  പരിശുദ്ധനായി നിൽക്കുന്നു.  

നമ്മുടെ ഗാന ഗന്ധർവ്വൻ ഇതാ ശ്രീ പദ്മനാഭ ക്ഷേത്രത്തിൽ കയറാൻ അപേക്ഷ കൊടുത്തു കാത്തു നിൽക്കുന്നു. ''അപരിചിതരായ അഹിന്ദുക്കൾക്കു ആണ് ഇത്തരത്തിൽ ഒരു അപേക്ഷ വേണ്ടത്" എന്ന് ക്ഷേത്രം അധികാരികൾ പറയുന്നു. അപരിചിതർ ഹിന്ദുക്കൾ അല്ല എന്ന് എങ്ങിനെ തിരിച്ചറിയും? അത് കൊണ്ട് അവർ അങ്ങ് കയറും. ആരും അറിയില്ല. യേശുദാസ് ആണെങ്കിൽ എല്ലാവർക്കും   സുപരിചിതൻ. അത് കൊണ്ട് എന്താ അദ്ദേഹത്തിന് അപേക്ഷ കൊടുക്കേണ്ടി വന്നു.ഗുരുവായൂർ ക്ഷേത്രത്തിൽ പ്രവേശനം അനുവദിക്കാനായി എത്ര തവണ അദ്ദേഹം ശ്രമിച്ചു.  അദ്ദേഹത്തിന് ഇതേ വരെ ലഭിച്ചിട്ടില്ല. അഹിന്ദുക്കൾക്കു പറ്റില്ല അത്രേ.

കമ്മ്യുണിസ്റ്റ്  ആയ കടകം പള്ളിയ്ക്ക് വരെ ഗുരുവായൂരിൽ തൊഴാം.പക്ഷെ വിശ്വാസി ആയ യേശുദാസിനു പറ്റില്ല. പക്ഷെ മറ്റു ഹിന്ദു ദൈവങ്ങൾ അദ്ദേഹത്തിന് അനുവാദവും ആശീർവാദവും നൽകിയിട്ടുണ്ട്.ശബരിമല അയ്യപ്പനും മൂകാംബിക ദേവിയും യേശുദാസിനെ ധാരാളം അനുഗ്രഹം നൽകിയിട്ടുണ്ട്. ഗുരുവായൂരപ്പനും നേരിട്ട് കാണാതെ തന്നെ അനുഗ്രഹം നൽകിയിട്ടുണ്ടാകാം. കാരണം ദൈവങ്ങൾ എല്ലാം അറിയുന്നവരാണ്. ആർക്കാണ് അനുഗ്രഹം വേണ്ടത് ഏന് അവർക്കറിയാം. അത് കൊടുക്കുകയും ചെയ്യും. ഏതായാലും യേശുദാസ് ശ്രീ പദ്മനാഭനെ കണ്ടു വണങ്ങുന്നുണ്ട്. വിജയ ദശമി നാളിൽ. അന്ന് അദ്ദേഹത്തിന്റെ വക ഒരു കീർത്തനാലാപവും ഉണ്ട്. ഇനിയും ഏറെ നാൾ അദ്ദേഹത്തിന്റെ കണ്ഠത്തിൽ നിന്നും ഗാന ധാര ഒഴുകട്ടെ.

Monday, September 18, 2017

വിചാരണ

ഒരു വിചാരണ.

നടിയെ ആക്രമിച്ച പീഡന കേസ് ആണ്.

ചോദ്യം: ഗൂഡാലോചന ഉണ്ടെന്ന് ആര് പറഞ്ഞു?
സുനി പറഞ്ഞു
ഇല്ലെന്ന് മുഖ്യ മന്ത്രി പറഞ്ഞല്ലോ?
സുനി പറഞ്ഞു.
ഗൂഡാലോചന നടത്തിയത് ദിലീപ് എന്ന് ആര് പറഞ്ഞു?
സുനി പറഞ്ഞു
വമ്പൻ സ്രാവ് ഉണ്ടെന്ന് ആര് പറഞ്ഞു?
സുനി പറഞ്ഞു
മാഡം ഉണ്ടെന്ന് ആര് പറഞ്ഞു?
സുനി പറഞ്ഞു
മാഡം കാവ്യ ആണെന്ന് ആര് പറഞ്ഞു?
സുനി പറഞ്ഞു
മാഡം 25000 രൂപ  തന്നെന്ന് ആര്പറഞ്ഞു?
സുനി പറഞ്ഞു
നാദിർഷാ ഉണ്ടെന്ന് ആര് പറഞ്ഞു?
സുനി പറഞ്ഞു
മെമ്മറി കാർഡ് നശിപ്പിച്ചു എന്ന് ആര് പറഞ്ഞു?
സുനി പറഞ്ഞു.

ചോദ്യം: ആരാണ് ഈ സുനി?  കേരള ഡി.ജിപി ആണോ  ? അല്ല.
അന്വേഷണ സംഘം തലവൻ ആണോ ? അല്ല.
കേരളത്തിലെ ആഭ്യന്തര മന്ത്രി ആണോ ? അല്ല.
ആരാണയാൾ? 

ഉത്തരം: അയാളാണ്  നടിയെ പീഡിപ്പിച്ച ആൾ. നടി മൊഴി കൊടുത്ത ആൾ. ഫോറൻസിക് പരിശോധനയിൽ പീഡിപ്പിച്ചു എന്ന് തെളിഞ്ഞ ആൾ. ഇപ്പോൾ ജയിലിൽ കിടക്കുന്ന ആൾ. പീഡന കേസിലെ ഒന്നാം പ്രതി.

ദിലീപിനെതിരെ സാക്ഷികളെ ഹാജരാക്കൂ. സാക്ഷികൾ ആരൊക്കെ?
1. ഏഷ്യാനെറ്റിലെ വിനു .2 . മാതൃഭൂമിയിലെ  വേണു 3. മനോരമയിലെ രാമൻ.

അഡീഷണൽ സാക്ഷികൾ.  ബൈജു കൊട്ടാരക്കര, SP ജോർജ് ജോസഫ്,ലിബർട്ടി ബഷീർ.

വിധി പറയാൻ സുനി വരുന്നു.


Thursday, September 14, 2017

ടോം മോചനം

ഫാദർ ടോം ഉഴുന്നാലിൽ മോചിതനായി. ഭീകരരുടെ തടവിൽ ഇത്രയും കാലം  അനുഭവിച്ച മാനസിക-ശാരീരിക പീഡനങ്ങൾക്ക് അവസാനമായതിൽ സന്തോഷം. 

 രക്ഷപെട്ടതിനു ശേഷം മരിക്കാൻ പേടിയില്ലായിരുന്നു എന്നൊക്കെ  പറയുന്നത് കേട്ടു.  രക്ഷിക്കണം എന്ന് കരഞ്ഞു അപേക്ഷിച്ചത് നമ്മൾ കണ്ടതാണ്. അതും കർത്താവിനോടല്ല. ഇന്ത്യ ഗവേണ്മെന്റിനോടു.  അപ്പോൾ  കർത്താവിനെ കൊണ്ട് അത്ഭുതങ്ങൾ   ചെയ്യിക്കാം എന്ന് യെമൻകാരെ വിശ്വസിപ്പിക്കാൻ പോയ അച്ചന്  ഒന്നും ചെയ്യാൻ കഴിയില്ല എന്ന് മനസിലായി.  പോകരുത് എന്ന് ഭാരത സർക്കാർ വിലക്കിയതാണ്. എന്നിട്ടും  പോയി.  മതം പ്രചരിപ്പിക്കാൻ.  ഇൻഡ്യൻ സർക്കാർ  ഒന്നും ചെയ്യുന്നില്ല എന്ന് ടോം അച്ചൻ കുറ്റം പറയുന്നതും നമ്മൾ  കേട്ടു.  ഇന്ത്യക്കാരനായത് കൊണ്ടാണ് രക്ഷിക്കാത്തതു എന്ന് വരെ പറഞ്ഞു കളഞ്ഞു. പിന്നെ അവസാനം വർഗീയ കാർഡ് എടുത്തു.  ഒരു  ക്രിസ്ത്യാനിയായ തന്നെ രക്ഷിക്കാൻ ലോക ക്രിസ്ത്യാനികളെ വിളിച്ചു കേണപേക്ഷിച്ചു. എങ്ങിനെയെങ്കിലും രക്ഷപെടാനുള്ള ആ മാനസികാ വസ്ഥയിൽ എല്ലാം സ്വാഭാവികം. പിന്നെ സ്റ്റോക്ക് ഹോം സിൻഡ്രം.  അത് പതിയെ മാറിക്കൊള്ളും.വീഡിയോ ഒന്ന് കാണാം.


video



Wednesday, September 13, 2017

തോക്കുകൾ കഥ പറയുന്നു.






ഒരാൾ റോഡരുകിലൂടെ  നടന്നു പോകുന്നു.  പെട്ടെന്ന് മറ്റൊരാൾ പ്രധ്യക്ഷ പ്പെടുന്നു.  യാതൊരു പ്രകോപനവുമില്ലാതെ പോക്കറ്റിൽ നിന്നും കൈത്തോക്ക് എടുത്തു  മറ്റേയാൾക്ക് നേരെ ചൂണ്ടുന്നു.  നിറയൊഴിക്കുന്നു. ആൾ മരിച്ചു താഴെ വീഴുന്നു. വെടി വച്ചയാൾ ആൾകൂട്ടത്തിൽ ലയിക്കുന്നു. ഹോളിവുഡ് സിനിമയിൽ കാണുന്ന രംഗം. അമേരിക്കൻ തെരുവീഥികളിൽ അരങ്ങേറുന്ന രംഗം എന്ന് കരുതി ലാഘവത്തോടെ എടുക്കേണ്ട. നാളെ കേരളത്തിൽ സംഭവിച്ചേക്കാവുന്നതിന്റെ രൂപ രേഖ ആണിത്.

 1000 സെമി ആട്ടോമാറ്റിക് പിസ്റ്റലുകൾ ആണ് 4 മാസം മുൻപ് കേരളത്തിലേയ്ക്കു കടത്തിയത്. എങ്ങോട്ടു പോകുന്നു ഈ തോക്കുകൾ? ഭീകര വാദികളുടെയും ദേശ വിരുദ്ധ ഗ്രൂപ്പുകളുടെയും കയ്യിൽ തന്നെ എത്തുന്നു. എക്കാലവും ദേശ വിരുദ്ധ ശക്തികളോട് മൃദു സമീപനം പുലർത്തുന്ന കേരളത്തിലെ ഇടതു സർക്കാർ ഇതൊന്നും കാര്യമായി എടുക്കുന്നില്ല. ലഷ്‌ക്കർന്റെ ഏജന്റു മാരാണ് അറസ്റ്റിലായ മൊഹമ്മദ് മനോവർ, മുഹമ്മദ് ഷാഹിദ് അലാം വർഷങ്ങളായി ആയുധ കടത്തു നടത്തുന്നു എന്നാണു ഡൽഹി പോലീസ് പറയുന്നത്. ഇതിലും എത്രയോ അധികം തോക്കുകൾ കേരളത്തിൽ എത്തിയിട്ടുണ്ടാകാം. രാഷ്‌ടീയത്തിനതീതമായി രാജ്യത്തെ കാണണം എന്ന് ഈ പാർട്ടികൾ എന്ന് പഠിക്കും?

Tuesday, September 12, 2017

ജന പ്രതിനിധികൾ





വിവരാകാശ നിയമ പ്രകാരം പാർലമെന്റ് നൽകിയ   കണക്കുകൾ കേട്ടാൽ ഞെട്ടും. എങ്ങിനെയൊക്കെ നമ്മുടെ പണം കാറ്റെടുക്കാം എന്നാണു ജന പ്രതി നിധികൾ ചിന്തിക്കുന്നത്.  നമ്മുടെ  ഭൂരിഭാഗം എം.പി. മാരും ബിസിനസ്സ് ക്ലാസിലോ ഫസ്റ്റ് ക്ലസ്സിലോ വിമാന യാത്ര ചെയ്തു ലക്ഷക്കണക്കിന് രൂപയാണ് പൊതു മുതൽ കൊള്ളയടിക്കുന്നത്. കഴിഞ്ഞ ഒരു വർഷം  ടി.എ./ഡി.എ. ഏറ്റവും കൂടുതൽ വാങ്ങിയ ലോക് സഭ  എം.പി.മാർ ആദ്യ പത്തു പേരിൽ ൽ വരുന്നത് കേരളത്തിൽ നിന്നുള്ള  5 പേര്.  എ. സമ്പത്ത്-  38,19,300 പി.കെ.ശ്രീമതി  - 32,58,739 എം.ബി.രാജേഷ്-30,27,268. ഈ കഥ ടൈംസ് നൗ ചാനൽ പുറത്തു വിട്ടു. താൻ വാങ്ങിയ പണം വിശദീകരിച്ചു കൊണ്ട് എം.ബി. രാജേഷ് ഒരു  fb പോസ്റ്റും ഇട്ടു. പ്രധാന കാര്യത്തിൽ ഒന്നും പറയാതെ, എന്തൊക്കെയോ പറഞ്ഞു തടി തപ്പുകയാണ് പുള്ളി.

അദ്ദേഹം 6.28  ലക്ഷം മാത്രമേ ഡി.എ. വാങ്ങിയിട്ടുള്ളൂ എന്ന് പറയുന്നു. DA യാത്രയിൽ വല്ല കട്ടൻ ചായ,പരിപ്പ് വട, കഴിക്കാനുള്ള കാശാണ്. TA/DA എന്നാണു RTI രേഖ  പറഞ്ഞത്. അതായത് ബാക്കി  25 ലക്ഷം ട്രാവൽ അലവൻസ് ആണ്. വിമാന യാത്രക്കൂലി. അതെന്തേ മിണ്ടാത്തത്?

Salary Allowance and Pension of Members of Parliament Act 1954 പ്രകാരം വിമാന ക്കൂലിയുടെ  കാൽ ഭാഗം ഡി.എ. ആയി കിട്ടും.അതിനുള്ള വിദ്യ എന്താണ്? ബിസിനസ്സ് ക്ലാസ്സിൽ പോവുക. സാധാരണ ക്ലാസ്സിന്റെ മൂന്നു മടങ്ങിൽ കൂടുതലാണ് ബിസിനസ്സ് ക്ലാസ്സ് ടിക്കറ്റ്.  ബിസിനസ്സ് ക്ലാസ്സിൽ യാത്ര പോയാൽ "കൂടുതൽ സുഖം കൂടുതൽ  ഡി.എ."  അങ്ങിനെ വലിയ ക്ലാസ്സിൽ എത്ര യാത്ര പോയെന്നു എന്ത് കൊണ്ട് വെളിപ്പെടുത്തുന്നില്ല?

അതിനു പകരം കൊച്ചു വീടാണ് കൊച്ചു കാറാണ് എന്നൊക്കെ കൊച്ചു പിള്ളേര് പറയുന്ന ഡയലോഗ് ആണ് ശ്രീ രാജേഷ് പറയുന്നത്..

ഇത്രയും യാത്ര എന്തിന്?  ബഡ്ജറ്റ്, മൺസൂൺ, വിന്റർ എന്നിങ്ങിനെ 3 സെഷൻ ആണ് പാർലമെന്റിൽ. ഇതിനിടയിൽ ഓരോ മാസവും വീട്ടിൽ വന്നു പോകണമെങ്കിൽ തന്നെ  24 യാത്ര.  10,000 രൂപ വച്ചാണെങ്കിൽ 2.40 ലക്ഷം.. ഇത് DA മാത്രം 6.28  ലക്ഷം! ജന പ്രതിനിധികൾ തന്നെ. 


Sunday, September 10, 2017

കൊലപാതകം





കൊലപാതകം ഒന്നിനും  ഒരു പരിഹാരമല്ല.  എതിർ ശബ്ദം അടിച്ചമർത്താനുള്ള മാർഗവുമല്ല.അത് തെറ്റാണ്, അപലപനീയവുമാണ്.  അത് വ്യക്തമായി അറിയാവുന്നവരാണ് ആർഷ ഭാരത സംസ്കാരത്തിന്റെ പിന്തുടർച്ചക്കാർ.
ഗൗരി ലങ്കേഷിനെ അജ്ഞാതർ കൊലപ്പെടുത്തി.  സംഭവം നടന്ന് അര മണിക്കൂറി നുള്ളിൽ മതേതരക്കാർ കുറ്റക്കാരെ കണ്ടു പിടിച്ചു കഴിയും. സംഘ പരിവാർ.

കൽബുർഗി കൊല്ലപ്പെട്ടപ്പോഴും ഇവർ പ്രസ്താവനകളുമായി വന്നിരുന്നു.  2 വർഷം കഴിഞ്ഞിട്ടും കൊലപാതകികളെ കണ്ടു പിടിക്കാൻ ഇതേ വരെ അവിടത്തെ കോൺഗ്രസ്സ്  സർക്കാരിന് കഴിഞ്ഞില്ല. അന്നും ആരോപണം ഉന്നയിച്ചവർ കപട മതേതര വാദികൾ, ഇടതു പക്ഷം കൽബുർഗിയെ കുറിച്ച് ഇന്ന് മൗനമാണ്. ഇത് ആസൂത്രിതമാണ്. 

വിമർശിക്കാനുള്ള സ്വാതന്ത്ര്യം ഇവിടെ ഉണ്ട്. കുൽബുർഗിയും   ഗൗരി ലങ്കേഷും.എഴുത്തു തുടങ്ങിയത് ഇന്നോ ഇന്നലെയോ അല്ലല്ലോ.   ഇങ്ങിനെ  വിരുദ്ധ ആശയം ഉള്ളവരെ മുഴുവൻ കൊന്നൊടുക്കാൻ കഴിയുമോ?
 ഇവരൊക്കെ  ജീവിച്ചിരുന്ന കാലത്തല്ലേ ബി.ജെ.പി. വലിയ ഭൂരിപക്ഷത്തോടെ  കേന്ദ്രത്തിൽ അധികാരത്തിൽ വന്നത്? സംസ്ഥാനങ്ങളിലും അധികാരത്തിൽ വരുന്നത്. ഇതൊക്കെ എഴുത്തുകാരെ കൊന്നൊടുക്കിയാണോ?  

കേരളത്തിൽ വിമത ശബ്ദമായ ടി..പി ചന്ദ്ര ശേഖരനെ കൊന്നു. ആ വിമത ശബ്ദം ഇന്നും നില നിൽക്കുന്നു. പക്ഷെ കുറ്റക്കാരെ കണ്ടു പിടിക്കാനും ശിക്ഷിക്കാനും ഭരണ കൂടങ്ങൾ തയ്യാറാകാത്തതാണ് ഇത്തരം കൊലപാതകങ്ങൾ ആവർത്തിക്കുന്നത്. അതിനർത്ഥം ഇവർക്ക് സത്യം കണ്ടു പിടിക്കുന്നതിന് താൽപ്പര്യമില്ല.  ഇത്തരം കൊലപാതകങ്ങൾ രാഷ്ട്രീയ മുതലെടുപ്പിന് ഉപയോഗിക്കുക എന്നത് മാത്രമാണ് അധികാര സ്ഥാനങ്ങളുടെ താൽപ്പര്യം. അതിനു കോടിയുടെ നിറം നോക്കി ജനങ്ങൾ കൂട്ട്  നിൽക്കുന്നതാണ് ഏറ്റവും അപകടം.

Wednesday, September 6, 2017

ടീച്ചേർസ് ഡേ



അധ്യാപക ദിന ഓർമകൾ. 

അഞ്ചാം ക്ലാസ് മുതൽ പത്താം ക്ലാസ് വരെയുള്ള  ഹൈസ്‌കൂളിലായിരുന്നു പഠനം.  അച്ഛൻ ആണ് അവിടത്തെ  ഹെഡ്മാസ്റ്റർ.  എനിക്ക് പ്രത്യേക  പരിഗണനകൾ  ഒന്നുമില്ല മറ്റു കുട്ടികളെ പോലെ തന്നെ. അച്ഛൻ  ഒരു പരിഷ്‌ക്കാരം കൊണ്ടു വന്നു. എട്ടാം ക്ലാസിലെ അധ്യാപകർ തന്നെ അതെ വിദ്യാർത്ഥികളെ 9 ലും പത്താം ക്ലാസിലും പഠിപ്പിക്കും. ഓരോ വിദ്യാർത്ഥി യെയും  ശരിയായി മനസ്സിലാക്കി അവരെ നന്നായി പഠിപ്പിക്കാൻ എളുപ്പമാകുമല്ലോ.  ഞാൻ VIII ഡി. ഞങ്ങടെ  കണക്കു സാർ ക്ലാസിൽ വന്നാൽ   ചോദ്യം വായിച്ചു ഉത്തരം ബോർഡിൽ എഴുതും. ആർക്കും ഒന്നും  മനസ്സിലാകില്ല. പാഠ പുസ്തകത്തിന്റെ അവസാനം കൊടുത്തിരിക്കുന്ന 'അഭ്യാസം' ത്തിൽ നിന്നും കുറെ ചോദ്യം ഹോം  വർക്ക് തരും. ഞങ്ങളും ഹോമിൽ ചെന്ന് കുറേ അഭ്യാസം കാണിക്കും.  അടുത്ത ക്ലാസ്സിലും ഇതേ രീതി. സാറിനു മറ്റു പല ബിസിനസ്സുകളും ഉണ്ട്. അതിലൊരു സൈഡ് ബിസിനസ്സ് എന്ന പോലെയാണ് അധ്യാപക ജോലി.  

VIII  ക്ലാസും IX ക്ലാസ്സും കഴിഞ്ഞു. സാറ് ഉത്തര പേപ്പർ നോക്കുന്നത് കൊണ്ട് എല്ലാവരും  X  ൽ എത്തി. കൂടെ അതെ കണക്കു സാറും. പബ്ലിക്ക് പരീക്ഷയാണ്. SSLC.  ഇങ്ങിനെ പോയാൽ മാത്‍സ് കടന്നു കൂടുന്നത് അൽപ്പം ബുദ്ധിമുട്ടാണ്.  100 നു 100 ഉം  വാങ്ങാവുന്ന കണക്കിന്  കടന്നു കൂടുമോ എന്ന് വരെ സംശയമായി.  എന്താണ് മാർഗം?  X -C യിൽ നന്നായി പഠിപ്പിക്കുന്ന ഗോപി സാറാണ്.  X- C യിലേക്ക് മാറാം. അച്ഛൻ വിചാരിച്ചാൽ നടക്കുമല്ലോ. അധ്യാപകരെ കുറിച്ച് മോശം പറയുന്നത് അച്ഛന് ഒട്ടും ഇഷ്ട്ടമല്ല.   മറ്റു മാർഗ്ഗമില്ലല്ലോ.  ഞാൻ  അച്ഛനോട് പറഞ്ഞു. വലിയ ആദർശശാലിയാണ്. "നിന്നെ മാത്രം മാറ്റുന്നത് ശരിയല്ല". അച്ഛൻ കൽപ്പിച്ചു. 'ഇങ്ങിനെ പോയാൽ  അച്ഛന്റെ   കണക്കു കൂട്ടലുകൾ മുഴുവൻ  തെറ്റും' എന്ന് ഞാനും. അവസാനം ഒരു വഴി കണ്ടെത്തി. 'ഗോപി സാറിനോട് നിനക്ക് കണക്കു പറഞ്ഞു തരാൻ പറയാം'. അച്ഛൻ പറഞ്ഞു.  അന്ന് അധ്യാപകർക്കു ട്യൂഷൻ പരിപാടി ഇല്ല.  ഏതായാലും പള്ളിക്കൂടം കഴിഞ്ഞിട്ട് കുറെ നേരം  ഗോപി സാറ്  കണക്കു പഠിപ്പിച്ചു തന്നു. അതോടെ  കണക്കിന്റെ ഗുട്ടൻസ് കുറെയൊക്കെ പിടികിട്ടി.   ഏതായാലും ഫൈനൽ പരീക്ഷയിൽ കണക്കിന് 52 ശതമാനം മാർക്ക് കിട്ടി.

Monday, September 4, 2017

ഓണത്തള്ള്





''തള്ള് തള്ള് തള്ള് തള്ള് ''  എന്ന് അടൂർ ഭാസി പണ്ട് പാടിയ ഒരു സിനിമാ പാട്ടു ഉണ്ട്. അടുത്ത തലമുറ ഇത്രയും തള്ള് തള്ളും എന്നും ഭാസിയും ഈ പാട്ടു കേട്ട  ജനവും കരുതി ക്കാണില്ല.  ഉത്രാടം രാവിലെ രണ്ടു  ഓണപ്പാട്ട് കേൾക്കാമെന്ന് വച്ച് റേഡിയോ തുറന്നപ്പോഴാണ് അടൂർ ഭാസിയെക്കാളും വലിയ തള്ള്. ഓണം ആകുമ്പോൾ സെലിബ്രിറ്റി എന്ന കൂട്ടരോട് അൽപ്പം കിന്നാരം പറയുന്നത് ചാനലുകാരുടെയും റേഡിയോക്കാരുടെയും ഒരു സ്ഥിരം പരിപാടി ആണല്ലോ.  ഒരു പുത്തൻ മണവാളൻ  രാഷ്ട്രീയക്കാരനോട്   ഭാര്യയെ കുറിച്ചാണ് ചോദ്യം. "എന്താണ് സിവിൽ സർവീസ് കാരി ഭാര്യയെ തെരഞ്ഞെടുത്തത്‌?"  അതാ വരുന്നു ഉത്തരം. "എന്റെ രാഷ്ട്രീയ ജീവിതത്തെ മനസ്സിലാക്കാനും എന്റെ പ്രവർത്തനത്തെ സഹായിക്കാനും സിവിൽ സർവീസ് ഭാര്യയാണ് അത്യുത്തമം"  എന്ത് തള്ള്. ഭാരതത്തിൽ എത്ര രാഷ്ട്രീയക്കാർ ഉണ്ട്. എത്ര രാഷ്ട്രീയക്കാർക്ക് സിവിൽ സർവീസ് ഭാര്യമാർ ഉണ്ട്? അവരാരും വിജയകരമായി രാഷ്ട്രീയ പ്രവർത്തനം നടത്തുന്നില്ലേ? അപ്പഴ് കിട്ടിയ അവസരത്തിൽ  ''തള്ള് തള്ള് തള്ള് തള്ള് '' 

ഡോക്ടർ ജോലി കളഞ്ഞിട്ടു  സിവിൽ സർവീസിൽ എത്തിയാൽ സ്ഥിരം ചോദിക്കുന്ന ചോദ്യം ആണ്, എന്താണ് ആ പണി വിട്ടത് എന്ന്. കാരണം അതൊരു നല്ല ജോലിയാണ്. ആതുര ശുശ്രൂഷ. നാട്ടുകാരുടെ കാശ് ചിലവാക്കി പഠിച്ചിട്ടു  മാറിയത് എന്തിനാണ് എന്നാണു വിവക്ഷ. ഇവിടത്തെ സിവിൽ സർവീസ് ഭാര്യയോടും അതെ ചോദ്യം. കൂടുതൽ സാമൂഹ്യ പ്രവർത്തനം  നടത്താൻ സിവിൽ സർവീസ് പ്രയോജനപ്പെടും എന്ന്.  ''തള്ള് തള്ള് തള്ള് തള്ള് '' 

  ആദ്യ വർഷങ്ങളിലെ കളക്ടർ ജോലി കഴിഞ്ഞാൽ ആരും അറിയപ്പെടാതെ എവിടെയെയങ്കിലും  ഒതുങ്ങും. രാഷ്ട്രീയ യജമാനന്മാരുടെ വിധേയരായി അവിടെ  കഴിയണം. എവിടെയാണ് സാമൂഹ്യ    പ്രവർത്തന ത്തിന്  അവസരം? ഡോക്ടർ ആണെങ്കിൽ പാവപ്പെട്ട ജനങ്ങൾക്ക് ചികിത്സ നൽകി സാമൂഹ്യ പ്രവർത്തനം നടത്താം. കാസർഗോഡ് എൻഡോസൾഫാൻ ഇരകൾക്കു വേണ്ടി  പ്രവർത്തിച്ച മോഹൻ കുമാർ എന്ന ഡോക്ടറെ കുറിച്ച് കേട്ടിട്ടില്ലേ? മാഗ്‌സാസെ അവാർഡ് കിട്ടിയ  ഡോ. പ്രകാശ് ആംറ്റെ,  ഡോ. മന്ദാകിനി ആംറ്റെ എന്നിവരെ അറിയില്ലേ?  ഡോ.ഗാദ്രെ  അറിയില്ലേ?  പാവപ്പെട്ടവർക്ക് വേണ്ടി സേവനം  ഡോക്ടർ മാർ. സിവിൽ സർവീസിൽ അല്ല.   

 അധികാരം, പദവി ഇവയ്ക്കുള്ള ആഗ്രഹം മാത്രമാണ് സിവിൽ സർവീസിൽ എത്തുന്നത്. പക്ഷെ ചോദിക്കുമ്പോൾ ''തള്ള് തള്ള് തള്ള് തള്ള് ''. 

Sunday, September 3, 2017

ഹോട്ടൽ ഓണം


ഓണം  ഇപ്പോൾ നാട്ടുകാരറിയുന്നത്  ഇന്ന് ഹോട്ടലുകാരുടെ ഓണ സദ്യ പരസ്യം കൊണ്ടാണ്. റേഡിയോയിലും. പത്രങ്ങളിലും ഒക്കെ പരസ്യം. അത്തം മുതൽ സദ്യ തുടങ്ങി  കഴിഞ്ഞു. ഒരാൾക്ക്  250 രൂപ മുതൽ 500 അങ്ങിനെ  മുകളിലോട്ട്.   

പണ്ടൊക്കെ ഓണത്തിന് അന്യ സ്ഥലങ്ങളിലെ ലോഡ്ജ് നിവാസികളുടെ കാര്യം കഷ്ടമായിരുന്നു.  ഹോട്ടലുകൾ എല്ലാം അടയ്ക്കും. ഭക്ഷണം കിട്ടാൻ വഴിയില്ല. ഇന്നിതാ ലോഡ്ജ് കാർ മാത്രമല്ല വീട്ടുകാർ കൂടി ഹോട്ടലിൽ സദ്യ.  ഉള്ളവനും ഇല്ലാത്തവനും ഓണ ദിവസം സ്വന്തം വീട്ടിൽ സദ്യ ഒരുക്കുന്ന കാലത്തിൽ നിന്നും ഓണത്തിന് സ്വന്തം വീട്ടിൽ അടുപ്പു കത്തിക്കാതെ ഹോട്ടലിൽ  ഓണം ആഘോഷിക്കുന്ന കാലം. പട്ടണങ്ങളിൽ മാത്രമല്ല നാട്ടിൻ പുറങ്ങളിലും "ഹോട്ടൽ ഓണം"  ആയിക്കഴിഞ്ഞു. ഒരു   സ്റ്റാർ ഹോട്ടൽ മുതലാളി സുഹൃത്തിനെ കണ്ടു. പുള്ളിയുടെ ഹോട്ടലുകളിൽ എല്ലാം ഓണ സദ്യ ഉണ്ട്. അദ്ദേഹത്തിന്റെ ഓണ സദ്യ സ്വന്തം വീട്ടിൽ!


കൂട്ടായ്മയുടെ ആഘോഷം ആയിരുന്ന ഓണം ഹോട്ടലുകാരുടെ ഉത്സവം ആയി മാറി. പണ്ട്  ഉത്രാടം തിരക്കിൻറെ ദിവസമാണ്. വൈകുന്നേരം മുതൽ അടുക്കള സജീവമാകുന്നു. പെണ്ണുങ്ങൾ എല്ലാം അടുക്കളയിൽ ആണ്. ഏത്തയ്ക്കാ മുറിച്ചു  ആദ്യം  ഉപ്പേരി ശർക്കര വരട്ടി എന്നിവ ഉണ്ടാക്കുന്നു. രാതിയിൽ തന്നെ സാമ്പാർ വയ്ക്കുന്നു. ഇഞ്ചി, നാരങ്ങാ, മാങ്ങ  ഇവയും ഉത്രാടത്തിനു തന്നെ വയ്ക്കുന്നു. പിന്നെ സദ്യയുടെ പച്ചക്കറി അരിഞ്ഞു വയ്ക്കുന്നു. രാവിലെ പായസമുൾപ്പടെ എല്ലാം ഉണ്ടാക്കുന്നു. എല്ലാവരും ഒന്നിച്ചിരുന്നു സദ്യ കഴിക്കുന്നു.

 ഈ കൂട്ടായ്മയുടെ ആഹ്ലാദം ഒരു ഹോട്ടൽ സദ്യയിൽ കിട്ടുന്നുണ്ടോ? വീട്ടിൽ  എല്ലാവരും കൂടി ഉണ്ടാക്കി ഒന്നിച്ചിരുന്നു കഴിക്കുന്ന സംതൃപ്തി ഹോട്ടൽ സദ്യയിൽ കിട്ടുന്നുണ്ടോ? തലപ്പാവ് കെട്ടിയ ഹോട്ടൽ പരിചാരകർ വിളമ്പുന്ന സദ്യയ്ക്ക് അമ്മ വിളമ്പി തരുന്ന സദ്യയുടെ രുചിയുണ്ടോ? നമുക്കൊരു മാറ്റാമാവാം. സ്വന്തം വീട്ടിൽ എല്ലാവരും കൂട്ടുചേർന്ന് ഉണ്ടാക്കി എല്ലാവരും കൂടി വിളമ്പി എല്ലാവരും ഒന്നിച്ചിരുന്ന് കഴിക്കുന്ന ഒരു ഓണ സദ്യ. കുടുംബ ബന്ധങ്ങൾ ഊട്ടിയുറപ്പിക്കുന്ന ഒരു ഓണം. മകനും മകളും ഒന്നും ബ്ലൂ വെയിൽ കളിക്കാതെ കായ വറുക്കുന്ന ഒരു ഓണം. താമസിച്ചിട്ടില്ല. ഇന്ന് ഉത്രാടം.നാളത്തേയ്ക്കുള്ള ഓണ സദ്യ നമുക്ക് വീട്ടിലുണ്ടാക്കാം. ഓണാശംസകൾ.    

ബാറുകൾ അടുത്ത്





ബാറുകൾക്ക് 200 മീറ്ററിൽ  നിന്നും ദൂര പരിധി  50 മീറ്റർ ആക്കി കുറച്ചു. 150 അടി. ( ബാറിൽ കേറി  150  അടിക്കാനല്ല. - 150 feet ) ഒരു വീടിന് അപ്പുറത്ത്. അമ്പലം, പള്ളി, പള്ളിക്കൂടം എന്നവയുടെ അടുത്ത് ബാർ ഉണ്ടായാൽ എന്താണ് കുഴപ്പം?

അല്ല ഈ ദൂര പരിധി തന്നെ എന്തിനാ?? ബാറുകളിൽ എന്തെങ്കിലും അനാശാസ്യം നടക്കുന്നോ? ഇല്ല. സർക്കാർ കൊടുത്ത ലൈസൻസ് വച്ച് അവർ മദ്യം കച്ചവടം ചെയ്യുന്നു. അവിടെ നിന്നും എന്തെങ്കിലും ഒച്ചയും ബഹളവും പുറത്തു കേൾക്കുന്നുണ്ടോ? അതുമില്ല. സംഭവം 4 സ്റ്റാർ  5 സ്റ്റാറാ. 300 -400 രൂപ പെഗ് വില. പിന്നെ ഒരു സ്‌പെഷ്യൽ കൗണ്ടർ തുടങ്ങും. അത്  പാവങ്ങൾക്ക് വേണ്ടി യാണ്.  എല്ലാവരും പാവങ്ങൾക്ക് വേണ്ടിയല്ലേ പണിയുന്നത്? പിന്നെ ബാർ മുതലാളിമാർക്ക് പാവങ്ങളോട് സ്നേഹം തോന്നുമ്പോൾ മാത്രം എന്താണ് കുഴപ്പം?

സ്‌കൂൾ പിള്ളാര് ഇടയ്ക്കു പോയി രണ്ടു അടിക്കുമെന്നാണോ പേടി ? അതോ അധ്യാപകരോ? ബാർ അവർക്കൊരു പ്രചോദനം ആകും. പഠിക്കാനും പഠിപ്പിക്കാനും. പ്രായോഗിക പരിശീലനം. അതോ ദൈവത്തെ ഒന്ന് തൊഴുതിട്ടു രണ്ടു വീശും എന്നാണോ? ദൈവം പരിഗണന നൽകാത്ത ദുഃഖം പങ്കു വയ്ക്കാനും ദൈവം അനുവദിച്ച സന്തോഷം ആഘോഷിക്കാനും തൊട്ടടുത്ത് തന്നെ ഒരു ബാർ ഉള്ളതല്ലേ നല്ലത്?


കോടികൾ മുടക്കിയാണ് കള്ളു ബിസിനസ്സ് തുടങ്ങുന്നത്. ഏതെങ്കിലും ഓണം കേറാ മൂലയിൽ കൊണ്ട് ബാർ ഉണ്ടാക്കിയാൽ ആള് കയറുമോ? അത് പ്രധാന സ്ഥലത്തു തന്നെ വേണം. എന്നാലേ കാശ് കിട്ടൂ. ഇടതു മുന്നണിയുടെ പ്രകടന പത്രികയിൽ വ്യക്തമായി പറയുന്നുണ്ടല്ലോ. അവർക്കു പ്രത്യേകം നയം ഉണ്ടെന്ന്.ഇതാണ് ആ നയം. പ്രതിപക്ഷത്തിനും ഈ നയം തന്നെയാണ് ഇഷ്ട്ടം. പേര് ദോഷം കേൾക്കാതെ പ്രതിപക്ഷത്തിന്റെ നയവും ഭരണ പക്ഷം തന്നെ നടപ്പിലാക്കി കൊടുത്തു. സംഭാവനയാണ് നയത്തിന് പിറകിൽ. ഒരു ഫോൺ കോൾ. ഒരു ബാർ മുതലാളിക്ക്. അയാൾ മറ്റു ബാർ മുതലാളിമാരെ കോണ്ടാക്റ്റ് ചെയ്യുന്നു. അഞ്ചോ പത്തോ കോടി മണിക്കൂറുകൾക്കകം റെഡി. മാണിയുടെ കാലത്തു ഇത്തരം പിരിവിനെ പറ്റി നമ്മൾ കേട്ടതാണല്ലോ.മറ്റേതു കച്ചവടത്തിൽ ഇത്ര പണം കിട്ടും? പിന്നെ നയം ഇതല്ലേ പറ്റൂ.കൂടുതൽ സമയം ബാറുകളിൽ ചിലവഴിച്ചു കൂടുതൽ പണം അവർക്കു നൽകുകയാണ് ജനം ചെയ്യേണ്ടത്. അല്ലാതെ കണ്ണടച്ച് എതിർക്കുകയല്ല.
കർമ ഫലം. കഴിഞ്ഞ തെരെഞ്ഞെടുപ്പിൽ പ്രബുദ്ധരായ ജനം ചെയ്തത്തിന്റെ ഫലം.  

Thursday, August 31, 2017

സ്വാശ്രയ MBBS



ദേ MBBS പഠിക്കാൻ വന്നിരിക്കുന്ന ആൾക്കാരെ നോക്കൂ. കാൽക്കാശിന് വകയില്ലാത്തവർ.  

എന്തിനാണ് പണമില്ലാത്തവർ  പഠിക്കുന്നത്? അവർ  എന്തിനു ഡോക്ടർ ആകണം? അവർ  എന്തെങ്കിലും കൂലിപ്പണി എടുത്തു ജീവിക്കട്ടെ. അവരുടെ മാതാപിതാക്കൾ പാവങ്ങളായി പിറന്നു, പാവങ്ങളായി ജീവിച്ചു. പിന്നെ എന്തിനാണ്  അവരുടെ മക്കൾ മറ്റൊരു തലത്തിലേയ്ക്ക് ഉയരണം എന്ന് ആഗ്രഹിക്കുന്നത്? അത് അത്യാഗ്രഹമല്ലേ കുട്ടികളേ? മറ്റെന്തെല്ലാം തൊഴിലുകൾ നിങ്ങളെ കാത്തു നിൽക്കുന്നു? പൂട്ടിയിരുന്ന 300 ബാറുകളും തുറന്നു. അവിടൊക്കെ മദ്യം വിളമ്പാനും മറ്റും ആള് വേണം. അതിനു പ്ലസ് 2 കഴിഞ്ഞ പട്ടിണിപ്പാവങ്ങളായ  നിങ്ങളെയൊക്കെ ആണ് വേണ്ടത്. 

കാശുള്ളവർ ഡോക്ടർ ആകട്ടെ മക്കളേ. അവർക്ക അതൊരു  ഭൂഷണവും ആകും. തങ്ങളുടെ മക്കൾ ഡോക്ടർ എന്ന് പറയുന്നത് ആ പണക്കാർക്ക് ഒരു അഭിമാനമല്ലേ? ഒരു കോടീശ്വരന്റെ മകൻ ഹോട്ടൽ ജോലിക്കാരൻ എന്ന് പറയാൻ കഴിയുമോ? അവൻ ഡോക്ടർ എന്ന് പറയുന്നതല്ലേ ഒരു ഗമ.

  55 ലക്ഷം ഫീസ്. മറ്റൊരു 10 ലക്ഷം 5 വർഷത്തേയ്ക്ക്. 65 ലക്ഷം എവിടെ നിന്നും നിങ്ങൾ കൊടുക്കും? പി.ജി. ക്കു പിന്നെയും ഒന്നോ രണ്ടോ കോടി മുടക്കേണ്ടി വരും. ബാങ്ക് വായ്പ എടുത്താൽ എങ്ങിനെ തിരിച്ചടയ്ക്കും?പിന്നെ ജപ്തി വരും. അന്ന് നിങ്ങളും കുടുംബവും  വഴിയാധാരമാകും.  അത് കൊണ്ട് ഞങ്ങളുടെ ഈ തീരുമാനം നിങ്ങളുടെ നന്മയ്ക്കു വേണ്ടിയാണ് എന്ന് മനസിലാക്കുക, പണമില്ലാത്ത കുട്ടികളേ. ഡോക്ടർ ആവുക എന്നത് മറന്നു കളയൂ. ഇത് പാവപ്പെട്ടവർക്ക് വേണ്ടിയുള്ള സർക്കാരാണ്.

ഒരു മെഡിക്കൽ കോളേജ് ഉണ്ടാക്കുക എന്ന് പറഞ്ഞാൽ അനേകം കോടികൾ ആണ് വേണ്ടത്. അത് മുഴുവൻ രോഗികളിൽ നിന്നും മാത്രം പിരിച്ചെടുത്താൽ വർഷം കുറെ ആകും. വിദ്യാർത്ഥികളിൽ നിന്നും കൂടി ഫീസും കോഴയും ഒക്കെ ആകുമ്പോൾ നല്ല ലാഭം കിട്ടും. മെഡിക്കൽ കോളേജ് മുതലാളിമാർ എന്ന് പറയുന്നെങ്കിലും അവരും പാവങ്ങളാ. നാടിനു വേണ്ടി ആശുപത്രി ഉണ്ടാക്കിയ മഹാ മനസ്ക്കർ. അവരെയും നമ്മൾ നോക്കണ്ടേ കുട്ടികളേ. 


വിദ്യാഭ്യാസത്തിനു വേണ്ടി കൊതിക്കുന്ന  ഒരു തലമുറയെ എങ്ങിനെ  വഞ്ചിക്കാം എന്ന്,  അവരുടെ വിജ്ഞാന ദാഹത്തെ എങ്ങിനെ അടിച്ചമർത്താം എന്ന് പിണറായി സർക്കാർ ഒരിക്കൽ കൂടി കാണിച്ചു തന്നു. മെഡിക്കൽ വിദ്യാഭ്യാസം പാവപ്പെട്ടവന് എങ്ങിനെ  അപ്രാപ്യം ആക്കാം എന്ന് കൂടി അവർ കാണിച്ചു തന്നു.

മുകളിലെ ചിത്രത്തിൽ ഒന്ന് സൂക്ഷിച്ചു നോക്കൂ. ആ അമ്മയുടെ മുഖത്തെ ദൈന്യ ഭാവം. എവിടന്നോ ഒപ്പിച്ചെടുത്ത 5 ലക്ഷം രൂപയും കൊണ്ടായിരിക്കും മെഡിസിന് പഠിക്കാൻ  ഉള്ള ആഗ്രഹവുമായി ആ പാവങ്ങൾ വന്നത്. ഓരോ തവണയും ആ പടത്തിൽ നോക്കുമ്പോൾ ആ അമ്മയുടെ മുഖത്ത് നോക്കുമ്പോൾ കണ്ണ് നിറയുന്നു. ആരോഗ്യ മന്ത്രി ഒരു സ്ത്രീയല്ലേ? അവർക്ക് ഈ ചിത്രം കണ്ടിട്ട് ഒന്നും തോന്നുന്നില്ലേ?

Tuesday, August 29, 2017

ചേലാ കർമം കേരളത്തിൽ

"ഇങ്ങിനെയൊരു ഭാഗം എന്റെ ശരീരത്തിലുണ്ടോ? ...ഞാൻ എന്റെശരീരം പരിശോധിച്ചു. ഇല്ല, എന്റെ ശരീരത്തിൽ അങ്ങിനെ ഒരവയമില്ല."

ഷാനി എന്നൊരു ഗവേഷക വിദ്യാർത്ഥിനി യുടെ തുറന്നു പറച്ചിലാണ് ഇത്. ഒരു പത്രത്തിൽ വന്നത്. രഹസ്യവും പരസ്യവും ആയി ചേലാ കർമം (female genital mutilation) വ്യാപകമായി നമ്മുടെ രാജ്യത്തു  നടത്തുന്നു എന്ന വാർത്ത വന്നതിനെ തുടർന്നാണ് ഈ യുവതി ഇത്തരത്തിൽ പ്രതികരിച്ചത്‌. കേരളത്തിലും ഈ കർമം വ്യാപകമാണെന്ന് തെളിവ് സഹിതം വാർത്തകൾ വന്നു. 
" ഞാനും ചേലാ കർമത്തിന് വിധേയയാക്കപ്പെട്ടു എന്ന തിരിച്ചറിവ് എന്നെ വിഷമിപ്പിച്ചു" ഷാനി പറയുന്നു. 

" വാപ്പയുടെ ഉമ്മയുടെ മറുപടി -സുന്നത്തു കല്യാണം നടത്താത്ത സ്ത്രീകൾ മുസ്ലിങ്ങളല്ല. മുസ്ലിങ്ങൾ ആവണമെങ്കിൽ സുന്നത്ത് കല്യാണം നടത്തണം.

"എന്തിനാണിത് ചെയ്യുന്നത് എന്ന് ചോദിച്ചപ്പോൾ ഉമ്മ പറഞ്ഞതിങ്ങനെയാണ് -പണ്ടുള്ള വിവരമുള്ള ആൾക്കാർ ചെയ്യുന്നത് പോലെ നമ്മളും ചെയ്യുന്നു."

ഓഡിയോ -വീഡിയോ തെളിവുകൾ സഹിതം  കോഴിക്കോട് Dr. സിദീഖ് ഹസ്സൻ ദാറുൽ ഷിഫാ സുന്നത്ത് സെന്റർ  നടത്തുന്നു എന്നും വെളിപ്പെടുത്തിയിരുന്നു. അതിനു ശേഷം ആണ് ധൈര്യ പൂർവം ആ സഹോദരി  അനുഭവ സാക്ഷ്യം പ്രസിദ്ധീകരിച്ചത്.

മനസ്സിനെയും ശരീരത്തെയും ബാധിക്കുന്ന മറ്റൊരു അനാചാരം കൂടി. തുറന്നു പറയാൻ അനുവദിക്കാതെ മതത്തിന്റെ ഇരുമ്പ് കൈകൾ ഉപയോഗിച്ച് അടിച്ചമർത്തുന്നത് കൊണ്ടാണ് സത്യം പുറത്തു വരാത്തത്. പേടിച്ചാണ് ആരും പറയാത്തതും. 

" ഈ കുറിപ്പ് ഞാൻ ജനിച്ചു വളർന്ന എന്റെ മതത്തെ അവഹേളിക്കാനോ എന്റെ കുടുംബത്തെ താഴ്ത്തിക്കെട്ടാനോ ഉപയോഗിക്കരുത് എന്ന് അഭ്യർത്ഥിക്കുന്നു" എന്ന് കൂടി അവസാനം ഷാനി പറയുന്നു. 



മനസ്സിനെയും ശരീരത്തെയും ബാധിക്കുന്ന മറ്റൊരു പ്രാകൃതമായ അനാചാരം. തുറന്നു പറയാൻ അനുവദിക്കാതെ മതത്തിന്റെ ഇരുമ്പ് കൈകൾ ഉപയോഗിച്ച് അടിച്ചമർത്തുന്നത് കൊണ്ടാണ് സത്യം പുറത്തു വരാത്തത്. പേടിച്ചാണ് ആരും പറയാത്തതും. തനിക്കെതിരെ മതം ഖഡ്ഗം എടുക്കുമോ എന്നുള്ള ഭയം. ഫത്‍വ വരുമോ എന്നുള്ള പേടി . ഇല്ല സഹോദരീ. ഞങ്ങൾ അവഹേളിക്കില്ല. ഇത് കളിയാക്കാനുള്ള ഒരു വിഷയമല്ല. അഭിനന്ദിക്കുന്നു. ഇത് പോലെ സ്ത്രീകൾ ധൈര്യം കാണിച്ചാൽ മാത്രമേ സ്ത്രീകൾക്ക് നേരെയുള്ള ക്രൂരതകൾ അവസാനിക്കൂ.
  

Monday, August 28, 2017

ആൾ ദൈവങ്ങൾ


Image may contain: 1 person, beard and hat



എവിടെയും ദൈവങ്ങളായി മനുഷ്യർ. അദ്‌ഭുത ശക്തി . ലക്ഷക്കണക്കിന് അനുയായികൾ  ആൾ ദൈവങ്ങൾ എങ്ങിനെയാണ് ഇത്രയും ശക്തി പ്രാപിക്കുന്നത്?  പ്രധാന കാര്യം തന്നെ. അതെങ്ങിനെ വന്നു ചേരുന്നു? അതിനു  വഴികൾ. വിശ്വാസികളായ അനുയായികളും ശിഷ്യരും  സംഭാവന ചെയ്യുന്നത്. ദരിദ്രവാസികളായ അനുയായികളല്ല. കോടീശ്വരന്മാർ നൽകുന്ന കോടികൾ സംഭാവന. മറ്റൊരു വഴി കള്ളപ്പണം. അത് എങ്ങിനെയും ഉണ്ടാക്കും. പണം ഉണ്ടാകു മ്പോൾ സ്വാഭാവികമായും  ഇവരെ പിന്തുണയ്ക്കാൻ  രാഷ്ട്രീയ പാർട്ടികൾ മത്സരിച്ചു പിറകെ കൂടും. സ്നേഹം കൊണ്ടല്ല. അവർക്കു പണവും വോട്ടും കിട്ടണം. ഒരു വിഭാഗം ദൈവങ്ങൾ  ശിഷ്യ ഗണങ്ങളെ വർധിപ്പിച്ചു ധനം സമൂഹത്തിലെക്കു തന്നെ നല്ല കാര്യങ്ങളിലൂടെ ചിലവഴിക്കുന്നു. മറ്റവർ  ധൂർത്തടിക്കുകയും സ്വന്തം അധികാരം നില നിർത്താൻ വേണ്ടി അധികാര സ്ഥാനങ്ങളെ വിലയ്ക്ക് വാങ്ങും.

ഹിന്ദു സമൂഹത്തിൽ ആണ് ഇവരെ കൂടുതൽ  കാണുന്നത്. മതം എന്ന പേരിൽ   ഒരു നിയന്ത്രണവും  ഇല്ലാത്തതു കൊണ്ടാണ്. ഹിന്ദു മതത്തിൽ  മത മേധാവികൾ ഇല്ലല്ലോ. ചോദിക്കാനും പറയാനും ആരും ഇല്ലാത്തതു കൊണ്ട് അവർ വളർന്നു വികസിക്കുന്നു.  ക്രിസ്തു മതത്തിൽ ഇങ്ങിനെ വളരാൻ അനുവദിക്കാറില്ല.  വളർന്നാൽ കർത്താവിന്റെ പ്രതി പുരുഷന്മാരുടെ അധികാരവും പണം പിരിക്കലും നിൽക്കുമല്ലോ.  എന്നാലും സ്വന്തം സാമ്രാജ്യം കെട്ടിപ്പടുത്ത യോഹന്നാൻമാർ ക്രിസ്തു മതത്തിൽ ഉണ്ട്. ഇസ്‌ലാമിൽ ഇത്തരം കാര്യങ്ങൾക്കുവലിയ സ്‌കോപ്പും ഇല്ല.  കടുപ്പത്തിൽ ആണ് അവർ പിടിച്ചു നിർത്തിയിരിക്കുന്നത്. വലിയ കളിയൊന്നും നടക്കില്ല. ജിന്നിനെ ഒഴിപ്പിക്കുന്ന ലെവലിലുള്ള ബാവാമാർ ഇല്ലെന്നല്ല.  നബിയുടെ മുടിയും മറ്റും വച്ച് കാശുണ്ടാക്കാൻ ചിലർ ചില കളികൾ കളിക്കും എന്നല്ലാതെ. പക്ഷേ അവിടെ ദൈവത്തിനു പകരം പകരം തീവ്രവാദികൾ ഉണ്ടാകുന്നു.

പണം ഉണ്ടാകുമ്പോൾ അധികാരം വരുന്നു. അനുയായികൾ കൂടുന്നു. ആൾ ദൈവങ്ങൾ പരമാധികാരികൾ ആകുന്നു. ഇതിനു കേരളത്തിലും യാതൊരു വ്യത്യാസവുമില്ല..

Friday, August 25, 2017

വിശ്വാസങ്ങൾ






Dr. ഷിംന അസീസ്.  
മലപ്പുറത്തുള്ള ഷിംന അസീസ് എന്ന പെൺ ഡോക്ടർ.ഒരു അനാചാര ത്തിനെതിരെ  ഫേസ് ബുക്കിൽ എഴുതുകയുണ്ടായി. നല്ല മനസ്സിന് നന്ദി. 

മലപ്പുറത്തു ഒരു മുസ്ലിം യുവതി മത വിശ്വാസത്തിന് എതിരാണ് എന്ന് പറഞ്ഞു   ആശുപത്രിയിൽ പോകാൻ വിസമ്മതിക്കുകയും വീട്ടിൽ വച്ച്  പ്രസവത്തിൽ അമിത രക്ത സ്രാവം മൂലം മരിക്കുകയും ചെയ്തു. ആ യുവതിയുടെ വിവരക്കേടിനെ  കുറിച്ചാണ്  ഷിംന അസീസ്  ഫേസ് ബുക്കിൽ എഴുതിയത്. ആ എഴുത്തിന്റെ ചില ഭാഗങ്ങൾ. 

"ഇരുട്ടറയിൽ പിടഞ്ഞ്‌ തീരാനുള്ളതായിരുന്നില്ല പെണ്ണേ നിന്റെ ജീവൻ. .... ഞാനും നീയും വിശ്വസിക്കുന്ന ഇസ്‌ലാമും പടച്ചോനും മനപൂർവ്വം ചികിത്സ നിഷേധിച്ച്‌ ആ കുഞ്ഞിന്‌ തള്ളയില്ലാതാക്കിയതിന്‌ നിന്നെയും വീട്ടുകാരെയും തോളിൽ തട്ടി പ്രശംസിച്ച്‌ ജന്നാത്തുൽ ഫിർദൗസിലേക്ക്‌ എൻട്രി തരുമെന്ന്‌ വിശ്വസിക്കാനാവുന്നില്ല"…...മുലപ്പാലിന്‌ തൊള്ളകീറിക്കരയുന്ന പൈതലിനെ ഓർത്തിട്ട്‌ നെഞ്ച്‌ പിടയുന്നു. അത്‌ ഒരു വലിയ വിവരക്കേട്‌ കൊണ്ടാണെന്ന്‌ ഓർക്കുമ്പോൾ."

വളരെ നല്ലതു ഡോക്ടർ. സ്വന്തം സമുദായത്തിലെ അനാചാരങ്ങൾക്കെതിരെ, അന്ധവിശ്വാസങ്ങൾക്കെതിരെ  തൂലിക പടവാളാക്കി  അവരെ നേർ വഴി നയിക്കണം.
ഡോക്ടർ തുടരുന്നു .........

"ഞാനൊരു മലപ്പുറത്തുകാരി മുസ്‌ലിം സ്‌ത്രീയാണ്‌. അസീസിനും ആയിഷക്കും ജനിച്ചതിലുമപ്പുറം കാരണങ്ങളാൽ ഇസ്‌ലാമെന്ന എന്റെ വിശ്വാസത്തെ മുറുകെ പിടിക്കാൻ ഇഷ്‌ടപ്പെടുന്നവൾ"

പിടിച്ചോളൂ ഡോക്ടർ മുറുകെ പിടിച്ചോളൂ. അത് തന്നെയാണ് ആ യുവതിയും ചെയ്തത്. ഡോക്ടർ ഷിംന അസീസ് തന്റെ വിശ്വാസം മുറുകെ പിടിക്കുന്നത് പോലെ ആ യുവതിയും തന്റെ വിശ്വാസം മുറുകെ പിടിച്ചു. ഹത ഭാഗ്യ മരിച്ചു. ഉപദേശിക്കുന്ന ഡോക്ടർ ഷിംനയും ആ യുവതിയും തമ്മിൽ എന്ത് വ്യത്യാസം?

ഡോക്ടർ അവസാനിപ്പിക്കുന്നു........

"NB: കിട്ടിയ തക്കത്തിന്‌ ഇസ്‌ലാമിനെ എതിർക്കാനും പുച്‌ഛിക്കാനും അവഹേളിക്കാനും ഈ പോസ്‌റ്റ്‌ ഉപയോഗിക്കുന്നവരെ കണ്ണും പൂട്ടി ബ്ലോക്ക്‌ ചെയ്യുന്നതായിരിക്കും"

ഇതാണ് പ്രശ്നം. ഇസ്‌ലാം അല്ലാതെ ആരും ഈ അന്ധ വിശാസത്തിനും അനാചാരത്തിനും എതിരെ അഭിപ്രായം പറയാൻ പാടില്ല. സമൂഹ ജീവി എന്ന നിലയിൽ പറഞ്ഞാൽ അത് ഫാസിസം. അല്ലെങ്കിൽ ഫത്വാ പുറപ്പടുവിക്കും. എന്നാൽ  അവിടെയുള്ളവർ പറഞ്ഞു നന്നാക്കുമോ അതുമില്ല. അഭിപ്രായങ്ങൾ ബ്ലോക്ക് ചെയ്തോളൂ ഡോക്ടർ ഷിംന അസീസ്, അങ്ങനെ വിമർശനങ്ങളെ പുറത്തു നിർത്തൂ. പ്രകാശം ബ്ലോക്ക് ചെയ്യൂ. അന്ധകാരത്തിൽ അഭിരമിയ്ക്കൂ.

Thursday, August 24, 2017

തലാഖ് തലാഖ് തലാഖ്

" -practice of ‘talaq-e-biddat’ – triple talaq is set aside."  - സുപ്രീം കോടതിയുടെ  ചരിത്ര പ്രധാനമായ വിധി. 

തലാഖ് തലാഖ് തലാഖ്, കെട്ടിയപുറത്ത്. പോസ്റ്റിലൂടെയോ,ഫോണിലൂടെയോ, വാട്ട്സാപ്പിലൂടെയോ, ഫേസ് ബുക്കിലൂടെയോ എങ്ങിനെയെങ്കിലും  തലാഖ്എന്ന് മൂന്ന് തവണ പറഞ്ഞു  മൊഴി ചൊല്ലുന്ന മുത്തലാഖ് രീതി സുപ്രീം കോടതിയുടെ സുപ്രധാന വിധിയിലൂടെ 2017 ആഗസ്റ്റ് 22 ന് അവസാനിച്ചു.


5 പേരടങ്ങുന്ന സുപ്രീം കോടതി ഭരണഘടനാ ബെഞ്ചിന്റെ  ആണ് ഭൂരിപക്ഷ തീരുമാനത്തിലൂടെ സുപ്രധാന വിധി. ചീഫ് ജസ്റ്റീസ് കേഹർ, ജസ്റ്റീസ് നസീർ എന്നിവർ, മുത്തലാഖ് ഒഴിവാക്കപ്പെടേണ്ടതാണ് എങ്കിലും വ്യക്തി നിയമത്തിൽ കോടതി ഇടപെടരുത് എന്നത് കൊണ്ട് പാർലമെന്റിൽ ഒരു നിയമ നിർമാണം ആണ് വേണ്ടത് എന്ന് വിധിയിൽ പറഞ്ഞു. ജസ്റ്റീസുമാരായ  കുര്യൻ ജോസഫ്, ആർ.എഫ്.നരിമാൻ, യു.യു.ലളിത് എന്നിവർ മുത്തലാഖ് ഭരണഘടനാ വിരുദ്ധമെന്ന് പറഞ്ഞു അത് നിർത്തലാക്കി.  കേസ് കൊടുത്ത ഷൈരാ ബാനോ ഉൾപ്പടെ മുസ്ലിം സ്ത്രീ സമൂഹം  ഈ വിധിയെ സ്വാഗതം ചെയ്തു. അവരാണല്ലോ ഇതിന്റെ ഫലം അനുഭവിക്കേണ്ടത്. 



Image may contain: 4 people, text


1. കേസ് കൊടുത്തവരിൽ മുന്നിൽ ഷയാരാ ബാനോ ആണ്. 35 വയസ്സുള്ള ഉത്തരക്കണ്ട് സംസ്ഥാനക്കാരി വീട്ടമ്മ. ബിരുദാനന്തര ബിരുദം ധാരിണി. രണ്ടു കുട്ടികളുടെ അമ്മ. കഴിഞ്ഞ 10 വർഷമായി ശാരീരികവും മാനസികവുമായ പീഢനം സഹിക്കുന്നു. 6 തവണ ഭർത്താവ്  ഗർഭഛിദ്രം നടത്തിച്ചു. എന്നിട്ടു മുതലാക്കും.

2. റഹ്‌മാൻ. 25 വയസ്സ്. രാജസ്ഥാൻ  കാരി. 2014 ൽ വിവാഹം കഴിച്ചു രണ്ടു മൂന്ന് മാസത്തിന്‌ ശേഷം സ്ത്രീധനത്തിന് വേണ്ടി ഭർതൃ വീട്ടുകാർ പീഡനം നടത്തി. ഇറക്കി വിട്ടതിനു ശേഷം ഭർത്താവ് മുത്തലാഖ് കത്ത് അയച്ചു.

3. ഇഷ്‌റത് ജഹാൻ 30 വയസ്സ് പശ്ചിമ ബംഗാൾ സ്വദേശി. 15 വർഷമായി വിവാഹം. ഭർത്താവ് ദുബൈയിൽ നിന്നും ഫോൺ വിളിച്ചു 3 തവണ തലാഖ് പറഞ്ഞു ഫോണും കട്ട് ചെയ്തു. ഭർത്താവ് പിടിച്ചു കൊണ്ട് പോയ തന്റെ 3 പെൺമക്കളെയും മകനെയും തിരിച്ചു തരണമെന്നും കോടതിയിൽ. 

4. ഗുൽഷൻ പർവീൺ. ഉത്തർപ്രദേശ്   രണ്ടു വയസ്സുള്ള കുട്ടിയുടെ അമ്മ. സ്ത്രീധനത്തിന് വേണ്ടി രണ്ടു  വർഷത്തിലേറെയായി ഭർത്താവ് പീഡിപ്പിക്കുന്നു.10 രൂപ സ്റ്റാമ്പ് പേപ്പറിൽ മുത്തലാഖ് എഴുതി അയച്ചു കൊടുത്തു.
5. അതിയ സാബ്രി - ഉത്തർപ്രദേശ്  അവരുടെ സഹോദരന്റെ ഓഫീസിലേയ്ക്ക് അയച്ച ഒരു കത്തിൽ ആണ് തലാഖ് ചൊല്ലിയിരിക്കുന്നത്. രണ്ടു കുട്ടികൾ.  


Image may contain: 3 people

ഇത്തരത്തിൽ അനീതിയ്ക്കു വിധേയരാക്കപ്പെട്ട അനേകായിരങ്ങൾ കാണും അറിയപ്പെടാതെ.അവർക്കു ആശ്വാസം പകരും ഈ വിധി.  അത് പോലെ മുതാലാഖ് എന്ന ഖഡ്ഗം തലക്കു മുകളിൽ തൂങ്ങുന്ന ലക്ഷങ്ങൾ. അവർക്കു ആശ്വാസം. ഭാവിയിൽ ഇത് വരും എന്ന് പേടിക്കുന്ന വിവാഹം കഴിയാത്ത പെൺകുട്ടികൾ. എല്ലാവർക്കും ആശ്വാസവും സന്തോഷവും നൽകുന്ന വിധി. 

Monday, August 21, 2017

രാജ്യ സ്നേഹം

10 വർഷം ഭാരതത്തിന്റെ ഉപരാഷ്ട്രപതി ആയിരുന്നതിനു ശേഷം ശ്രീ ഹമീദ് അൻസാരി പടിയിറങ്ങി. ഭാരതം പോലെ മഹത്തായ  ഒരു  രാഷ്ട്രത്തിന്റെ ഒരു പ്രധാന പദവിയിൽ ഇത്രയും നീണ്ട കാലം ഇരുന്നിട്ടും അദ്ദേഹത്തിന്റെ വീക്ഷണങ്ങളിൽ  ഒരു മാറ്റവും വന്നില്ല എന്നത് അദ്‌ഭുതത്തോടെ മാത്രമേ നമുക്ക് കാണാൻ കഴിയൂ. അതിനർത്ഥം അത്രയ്ക്കും രൂഢ മൂലം ആയിരുന്നു അദ്ദേഹത്തിന്റെ വിശ്വാസ പ്രമാണങ്ങൾ എന്നാണു നാം മനസ്സിലാക്കേണ്ടത്. രണ്ടു രാഷ്ട്രപതി മാരുടെ സമയത്തു അദ്ദേഹം സ്ഥാനത്തുണ്ടായിരുന്നു. അത് പോലെ വ്യത്യസ്ത ആശയങ്ങളും രീതികളും ഉള്ള രണ്ടു പ്രധാനമന്ത്രിമാരുടെ ഭരണത്തിലും ഉപ രാഷ്ട്രപതി ആയി അദ്ദേഹം ഉണ്ടായിരുന്നു.  

വിടവാങ്ങലിനു മുൻപ് കരൺ താപ്പർ എന്ന പത്ര പ്രവർത്തകന് നൽകിയ വീഡിയോ ഇന്റർവ്യൂവിൽ ആണ് അദ്ദേഹത്തിന്റെ വീക്ഷണങ്ങളും അഭിപ്രായങ്ങളും പ്രകടമാക്കിയത്. വിവിധ   വിഷയങ്ങളിൽ അദ്ദേഹം അഭിപ്രായം പറഞ്ഞു. 2015 ലെ യോഗാ ദിന പരിപാടികളിൽ ശ്രീ അൻസാരി മനഃപൂർവം പങ്കെടുക്കാതിരുന്നു എന്ന് ഉയർന്ന ആരോപണങ്ങൾ മുതൽ ഇന്നത്തെ രാജ്യത്തെ സ്ഥിതി വരെയുള്ള വിഷയങ്ങൾ ഇന്റർവ്യൂ വിൽ ഉണ്ടായിരുന്നു. ദേശീയ ഗാനം ആയ ജന ഗണ മന ഓരോ സിനിമാ പ്രദർശനത്തിന്  മുൻപും ഇടണമെന്ന സുപ്രീം കോടതി വിധിയും, വന്ദേ മാതരം ആഴ്ചയിൽ ഒരിക്കലെങ്കിലും തമിഴ് നാട് സ്‌കൂളുകളിലും കോളേജുകളിലും മാസത്തിൽ ഒരിക്കൽ സർക്കാർ/സ്വകാര്യ ഓഫിസുകളിൽ പാടണം എന്ന തമിഴ് നാട് ഹൈക്കോടതി വിധിയും നമുക്കറിയാമല്ലോ. ആ രണ്ടു വിധികളും  പൊതു ജന അഭിപ്രായത്തെ വിഭജിച്ചു എന്ന് കരൺ ഥാപ്പർ പ്രസ്താവിക്കുകയും അത് കോടതിയുടെ അധികാര കടന്നു കയറ്റമാണോ   അതോ ജന ഗണ മനയ്ക്കും വന്ദേ മാതരത്തിനും കൊടുക്കുന്ന അമിത ഭക്തി ദേശീയബോധത്തിന് ആവശ്യമാണോ എന്നും അൻസാരിയുടെ അഭിപ്രായം ചോദിച്ചു. അതിനു അദ്ദേഹം പറഞ്ഞ മറുപടി ഇപ്രകാരമാണ്. '' കോടതികൾ സമൂഹത്തിന്റെ ഭാഗമാണ്. അത് കൊണ്ട്  കോടതി പറയാൻ ഉദ്യമിക്കുന്ന കാര്യങ്ങൾ ചിലപ്പോൾ  സമൂഹത്തിൽ നില നിൽക്കുന്ന അന്തരീക്ഷം പ്രതിഫലിപ്പിക്കും." എന്താണ് അത്  കൊണ്ട്  ഉദ്ദേശിച്ചത്?  സമൂഹത്തിൽ നില നിൽക്കുന്ന പ്രവണത അനുസരിച്ചു കോടതികൾ വിധി പറയാൻ നിർബ ന്ധിത മാകുന്നു എന്നാണോ?നിഷ്പക്ഷമായും നീതി പൂർവമായും ഒരു വിധി പറയാൻ കോടതികൾക്ക് കഴിയില്ല എന്നാണോ?  ആ സ്ഥിതി വിശേഷത്തെ  ഒരു അരക്ഷിതാവസ്ഥ എന്ന് അദ്ദേഹം വിളിക്കുന്നു. '' രാവിലെയും വൈകിട്ടും  ഒരാളുടെ ദേശീയ ബോധം തെളിയിക്കാൻ പറയുന്നത് അനാവശ്യം ആണ്" എന്നാണു അദ്ദേഹം പറയുന്നത്.  അതായത് ജന ഗണ മനയും വന്ദേ മാതരവും ചൊല്ലുന്നത് ദേശീയബോധം വെളിവാക്കുന്നതാണ് എന്ന് അദ്ദേഹം വിശ്വസിക്കുന്നില്ല. മാത്രമല്ല സുപ്രീം കോടതിയുടെയും ഹൈക്കോടതിയുടെ അത്തരത്തിലുള്ള വിധികൾ ശരിയല്ലെന്നും അദ്ദേഹം പറയുന്നു. പക്ഷെ ജഡ്ജിമാരെ വിമർശിക്കുന്നത് അംഗീകരിച്ച സമ്പ്രദായത്തിന് എതിരായതു കൊണ്ട് അങ്ങിനെ പറയുന്നില്ല എന്നും പറയുന്നു.

''സംസ്കാരത്തിലൂന്നിയുള്ള ദേശീയത യാഥാസ്ഥികവും ഇടുങ്ങിയതും ആയ ദേശീയത ആണ്. അത് അസഹിഷ്ണുതയും ധിക്കാര ദേശീയതയും ആണ്". അടുത്തിടെ പിരിയുന്നതിനു മുൻപ് ബാഗ്ലൂരിൽ ഉപ രാഷ്ട്രപതി നടത്തിയ ഒരു പ്രസംഗത്തിന്റെ ഭാഗമാണിത്. അത് 2017 ലെ രാജ്യത്തെ സ്ഥിതി കണ്ടു കൊണ്ട് പറഞ്ഞതാണ് എന്ന് മുഖാ മുഖത്തിൽ അദ്ദേഹം പറയുന്നുണ്ട്. ഭാരതത്തിലെ മുസ്ലിങ്ങൾ ആശങ്കയുള്ളവരും അരക്ഷിതാവസ്ഥ അ നുഭവപ്പെടുന്നവരുമാണ്. ഒരു അസ്വസ്ഥയും സുരക്ഷിതത്വമില്ലായ്മയും അവരുടെ ഇടയിൽ പടരുന്നു എന്ന് അദ്ദേഹം പറയുകയുണ്ടായി. മുസ്ലിങ്ങൾക്ക് സംവരണം തീർച്ചയായും വേണമെന്നും അദ്ദേഹം പറഞ്ഞു.

മുത്തലാഖ് സുപീം കോടതിയുടെ പരിഗണനയിൽ ഉള്ള വിഷയമാണ്. ഇങ്ങിനെ മൊഴി ചൊല്ലപ്പെട്ടവരും  പൊതു താല്പര്യക്കാരും ആണ് ഹർജിക്കാർ. ശരിയായ ഒരു കോടതി വിധി വന്നാലേ ഈ സമ്പ്രദായം അവസാനിക്കൂ എന്ന പൂർണ ബോധ്യത്തോടെ ആണ് അവർ കോടതിയെ സമീപിച്ചത്. ശ്രീ അൻസാരിക്കു മറ്റൊരു അഭിപ്രായമാണ്. കോടതികൾ ഇക്കാര്യത്തിൽ ഇടപെടേണ്ട എന്നാണു അദ്ദേഹം പറയുന്നത്. കാരണം മുസ്ലിം സമൂഹത്തിൽ നിന്നും ഉയർന്നു വരേണ്ടതാണ് പരിഹാരം. ഇത്രയും വർഷം കഴിഞ്ഞിട്ടും ഒരു പരിഹാരം ഉണ്ടാകാതെ കിടക്കുന്ന ഒരു വിഷയമാണിത്. മുത്തലാക്ക് വേണമെന്ന അഭിപ്രായമാണ് അവരുടെ ശക്തി കേന്ദ്രങ്ങളിൽ നിന്നും ഉണ്ടാകുന്നത്. അപ്പോൾ കോടതി വേണ്ട, സമൂഹത്തിൽ നിന്നും പരിഹാരം ഉരുത്തിരിഞ്ഞു വരും എന്ന് ശ്രീ അൻസാരി പറയുന്നത് എത്ര കണ്ട് യുക്തിഭദ്രം ആണ്?

ഐ.എസ് ആദർശങ്ങൾ സ്വീകരിച്ചു  മുസ്ലിങ്ങൾ  തീവ്ര വാദ ഗ്രൂപ്പുകളിൽ ചേരുന്നത് അത്ര ആശങ്കപ്പെടേണ്ട കാര്യമല്ല എന്നാണു അദ്ദേഹം പറയുന്നത്. കാരണം ഔദ്യോഗിക കണക്കുകൾ പറയുന്നുണ്ടെങ്കിലും മൊത്തം മുസ്ലിം ജന സംഖ്യ എടുത്തു നോക്കിയാൽ. ഓരോ ഏഴാമത്തെ ഇന്ത്യൻ പൗരനും ഒരു മുസ്ലിം ആണ്, അത് വളരെ കുറവായിരിക്കും എന്നാണുപറയുന്നത്‌. അത് കൊണ്ട് ഇവിടന്നു ഐ.എസിലേക്കുള്ള പോക്ക് ഒരു വിഷയം ആക്കേണ്ട എന്നാണോ അദ്ദേഹം പറയാൻ ശ്രമിക്കുന്നത്?  ഏതായാലും ഒരു പുതിയ ഉപ രാഷ്ട്രപതി എത്തിക്കഴിഞ്ഞു.

Saturday, August 19, 2017

ബലാത്സംഗം








10 വയസ്സുള്ള ഒരു പെൺകുട്ടി പ്രസവിച്ചു. അങ്ങ് ദൂരെയൊന്നുമല്ല. നമ്മുടെ ഭാരതത്തിൽ. അമ്മയും കുഞ്ഞും സുഖമായിരിക്കുന്നു. 10 വയസ്സുള്ള ആ കൊച്ചു കുട്ടിയെ 'അമ്മ' എന്ന് പറയുന്നത് മഹാ ക്രൂരതയാണ്. അറിയാം. 

7 തവണ യാണ് ആ കുട്ടി ബലാത്സംഗത്തിന് ഇരയായത്. മറ്റാരുമല്ല. സ്വന്തം വീട്ടിൽ.സ്വന്തം അമ്മാവൻ ആണ് ആ പൈശാചിക പ്രവർത്തി ചെയ്തത്. എട്ടും പൊട്ടും തിരിയാത്ത ആ കുഞ്ഞു ഗർഭിണിയായി.  ഗർഭം എന്തെന്നറിയാത്ത ആ 10  വയസ്സുകാരിയെ  ധരിപ്പിച്ചിരിക്കുന്നത് അവളുടെ വയറ്റിൽ ഒരു  ' കല്ല്' ആയിരുന്നു വെന്നാണ്. 32 ആഴ്ച്ച കഴിഞ്ഞാണ് ഗർഭിണി ആയതെന്നറിഞ്ഞത് കൊണ്ട് അലസിപ്പിക്കാൻ സുപ്രീം കോടതി അനുമതി നൽകിയില്ല. അത് 10 വയസ്സുകാരിയുടെ ജീവനെ ബാധിക്കും. പ്രസവത്തിനു,   കല്ല്  പുറത്തെടുത്തുഎന്നാണു ആ കുട്ടിയ പറഞ്ഞു മനസ്സിലാക്കിയത്.

 കണ്ണ് നനയാതെ ആ വാർത്ത വായിച്ചു പോകാൻ കഴിയില്ല. മൂന്നാം ക്ളാസിലോ നാലാം ക്ളാസിലോ പഠിക്കേണ്ട, കൂട്ടുകാരുമൊത്തു പാറി കളിച്ചു നടക്കേണ്ട കൊച്ചു കുഞ്ഞാണ് ഇന്ന് അമ്മയായി ഒരു കൊച്ചു കുഞ്ഞിനേയും കൊണ്ട് നടക്കേണ്ടത്‌.നമ്മുടെ സമൂഹം എത്ര അധഃപതിച്ചു എന്നതിന് മറ്റൊരു ഉദാഹരണം കൂടി. കുടുംബ ബന്ധങ്ങൾക്ക്‌ സംഭവിച്ച അപചയം ആണ് ഇതിന് പ്രധാന കാരണം. നമ്മുടെ സംസ്കാരം കാലഹരണപ്പെട്ട താണെന്നുള്ള വാദവും പാശ്ചാത്യ സംസ്കാരം സ്വീകരിക്കലും. 

കഴിഞ്ഞ ദിവസം സണ്ണി ലിയോൺ കൊച്ചിയിൽ വന്നപ്പോൾ ആ പോൺ നടിയെ കാണാൻ പതിനായിരങ്ങൾ ആണ് തടിച്ചു കൂടിയത്. പോലീസ് ലാത്തി ചാർജ് വരെ ഉണ്ടായി. ഇതാണ് ഇപ്പോൾ നമ്മുടെ സമൂഹത്തിന്റെ മാനസിക നില.

10 വയസ്സുകാരിയുടെ വാർത്ത വായിക്കുമ്പോൾ  നമ്മുടെ പെൺ മക്കളുടെ മുഖം മനസ്സിലേയ്ക്ക് വരുന്നുണ്ടോ?



Monday, August 14, 2017

സാമൂഹിക പ്രതിബദ്ധത


ഭ്രാന്ത്  കാണാൻ നല്ല രസമാണ്. ആരാന്റെ അമ്മയ്ക്ക് വരണം. ഗുരുവായൂർ നടന്ന കല്യാണവും മണ്ഡപത്തിൽ വച്ച് തന്നെ അടിച്ചു പിരിഞ്ഞതിനെ  കുറിച്ചും  സോഷ്യൽ മീഡിയ മുഴുവൻ നന്നായി കൊണ്ടാടി. പൊടിപ്പും തൊങ്ങലും വച്ച വാർത്തകളും ചിത്രങ്ങളും വീഡിയോകളും സഹിതം.  പടം പകർത്തിയവനും  പ്രചരി പ്പിച്ചവരും വീണ്ടും പ്രചരിപ്പിച്ചവരും  ഒക്കെ.  എല്ലാവരും നന്നായി ആസ്വദിച്ചു.  ഭ്രാന്ത് ആരാന്റെ അമ്മയ്ക്ക് വരണം. അപ്പോഴാണ് ഒരു ത്രില്ല്. മനസ്സറിഞ്ഞു ചിരിക്കാം.

ഇതിന്റെ ചിത്രങ്ങളും വീഡിയോകളും പുറത്തു വിട്ടവരെയാണ് ആദ്യം അഭിനന്ദിക്കേണ്ടത്. ഇപ്പോൾ സ്റ്റുഡിയോ ചിത്രങ്ങൾ മാത്രമല്ല. കല്യാണത്തിന് ചെല്ലുന്നവരും പടമെടുക്കും. മൊബൈലിൽ എല്ലാവരും പടവും വീഡിയോയും എടുക്കും. കല്യാണം മുതൽ അടി വരെ ആദ്യാന്തം എടുത്തു ഉടൻ വാട്സാപ്പിൽ പ്രചരിപ്പിച്ചു. കല്യാണത്തിന് പങ്കെടുത്തവർ ആയിരിക്കുമല്ലോ ഇത് ചെയ്തത്.  അവർ ഹാപ്പി.സ്വന്തം പെങ്ങൾക്കാണ്  ഈ സ്ഥിതി വന്നതെങ്കിൽ ഇത് ചെയ്യുമോ? ഭ്രാന്ത് ആരാന്റെ അമ്മയ്ക്കല്ലേ! കാണാൻ നല്ല രസമല്ലേ. 

കല്യാണം പിരിഞ്ഞതിന് ശേഷം ചെറുക്കനും കൂട്ടുകാരും കേക്ക് മുറിച്ചാഘോഷി ക്കുന്നതിന്റെ  ഫോട്ടോയും വാട്സാപ്പിൽ  കണ്ടു. 

എന്നിരിക്കിലും ഇതിന്റെ പടങ്ങളും വീഡിയോകളും ഇട്ടു വാർത്തയും കമന്റുകളും ഇട്ടു ആഘോഷിച്ചത് ഒട്ടും സാധൂകരിക്കാൻ സാധിക്കില്ല. അവരായി അവരുടെ കാര്യമായി നമ്മളെന്തിന് ഫോട്ടോ ഇട്ടു എല്ലാവരെയും അധിക്ഷേപിക്കണം? നമുക്ക് രസം. ആരാന്റെ അമ്മയല്ലേ. നമുക്ക് ചിരിക്കാം.

Saturday, August 12, 2017

മുരുകനെ കൊന്നു.





7 മണിക്കൂർ ആണ് ജീവന് വേണ്ടി  7 ആതുരാലയങ്ങളുടെ  പടി വാതിലുകളിൽ നിശബ്ദമായി മുട്ടി വിളിച്ചത്. ഒരു വാതിലും തുറന്നില്ല. മനഃസാക്ഷി മരവിച്ച മനുഷ്യ രൂപങ്ങളുടെ ആശുപത്രികളെല്ലാം മുരുകന് നേരെ വാതിലുകൾ വലിച്ചടച്ചു.  അബോധാവസ്ഥയിൽ ആയിരുന്ന മുരുകൻ ആശുപത്രികൾ ഇല്ലാത്ത മറ്റൊരു ലോകത്തേക്കു പോയി.  ഒരു വാഹനാപകടത്തിൽ ഗുരുതരമായി പരുക്കേറ്റ തമിഴ് നാട് സ്വദേശി അബോധാവസ്ഥയിൽ. ഒരു സന്നദ്ധ സംഘടന നൽകിയ ആംബുലൻസിൽ. രാത്രി 10 മണി. കൊട്ടിയം കിംസ് ആശുപത്രി   ന്യുറോസർജനില്ല എന്ന് പറഞ്ഞു ഒഴിവാക്കി.   മെഡിട്രിന   ന്യുറോസർജനില്ല, ഒഴിവാക്കി.  മെഡിസിറ്റിയിൽ. കൂട്ടിരിക്കാൻ ആളില്ലാ, അവരും ഒഴിവാക്കി. രാത്രി 12 മണി. നില വഷളാകുന്നു. നേരെ 60 കിലോമീറ്റർ താണ്ടി തിരുവനന്തപുരം മെഡിക്കൽ കോളേജ് ആശുപത്രിയിൽ. അവിടെ വെന്റിലേറ്റർ ഇല്ല.  വെളുപ്പിനെ 4 മണി. കോസ്മോപോളിറ്റൻ, അനന്തപുരി ആശുപത്രികളിൽ അന്വേഷിച്ചു.  വെന്റിലേറ്റർ ഇല്ല. SUT റോയൽ ആശുപത്രി  വെന്റിലേറ്റർ ഇല്ല. തിരിച്ചു കൊല്ലം അസീസിയ മെഡിക്കൽ കോളേജിൽ.  ന്യുറോസർജനില്ല  ഒഴിവാക്കി. അവസാനം ആംബുലൻസിൽ തന്നെ  മുരുകൻ വിട പറഞ്ഞു. 

പണം കെട്ടി വയ്ക്കാൻ കൂടെ ആളുണ്ടായിരുന്നുവെങ്കിൽ ഇങ്ങിനെ വരില്ലായിരുന്നു. അനാഥൻ. ചെലവ് ആര് വഹിക്കും?  അത് കൊണ്ട് ന്യുറോ സർജൻ ഇല്ല, വെന്റിലേറ്റർ ഇല്ല എന്നൊക്കെ പറഞ്ഞു ഒഴിവാക്കി.കാശ് കൊടുക്കാൻ കഴിവുള്ള രോഗിയെ മരിച്ചു കഴിഞ്ഞും വെന്റിലേറ്ററിൽ വയ്ക്കുന്ന ആശുപത്രികൾ ആണ് ഇതെല്ലാം. ഓരോ മെഡിക്കൽ സീറ്റിനും 25 ഉം 50 ഉം കോഴ വാങ്ങുന്ന മെഡിക്കൽ കോളേജുകൾ. നിയമസഭയിൽ ഇതൊന്നു ചോദിക്കാൻ ആരുമില്ലായിരുന്നു, ഭരണപക്ഷവും,പ്രതിപക്ഷവും. സർക്കാർ  മെഡിക്കൽ കോളേജ് ആശുപത്രി പോലും നോ പറഞ്ഞിട്ടും മുഖ്യ മന്ത്രി ഒരു ഫേസ് ബുക്ക് പോസ്റ്റിൽ ഒതുക്കി.   വടക്കേ ഇന്ത്യയിലെ മരണങ്ങൾക്ക് അനുശോചനം പറയുന്ന പാർട്ടിക്കാരെയും സാംസ്കാരികന്മാരെയും കണ്ടതേ ഇല്ല. മുരുകന്റെ പേരിൽ ഒരു മുതലെടുപ്പിന് സ്കോപ്പ് ഇല്ലല്ലോ.

സർക്കാർ ആശുപത്രി ആയ മെഡിക്കൽ കോളേജ് രോഗിയെ ഒഴിവാക്കി. അവിടെയും വെന്റിലേറ്റർ ഇല്ല. 3 മണിക്കൂർ മെഡിക്കൽ കോളേജിന് മുൻപിൽ പ്രതീക്ഷയോടെ കിടന്നു. കാശില്ലാത്തത് കൊണ്ടാണ് സ്വകാര്യ ആശുപത്രികൾ ഒഴിവാക്കിയത്. പക്ഷെ സർക്കാർ ആശുപത്രിയോ? അത് ഉത്തരവാദിത്വമില്ലായ്മ.  ഏതെങ്കിലും മന്ത്രിയുടെ ഓഫീസിൽ നിന്നോ മറ്റു രാഷ്ട്രീയ പാർട്ടികളുടെ ഓഫീസിൽ നിന്നോ, ഒരു വിളി വന്നിരുന്നുവെങ്കിൽ, ഏതെങ്കിലും പണക്കാരൻ ഇടപെട്ടിരുന്നവെങ്കിലോ  മെഡിക്കൽ കോളേജ് ഒഴിവാക്കുമായിരുന്നോ? ഇല്ല. ഇതാണ് കേരളം.

Monday, July 31, 2017

പി.ടി. ഉഷ

ഇനി മുതൽ  പത്ര മാധ്യമങ്ങളെയോ കാണില്ല എന്ന് പറഞ്ഞിരിക്കുന്ന പി.ടി. ഉഷ ഒരു 8 വർഷംപിറകോട്ടൊന്നു നോക്കുമോ? 2009 ൽ ഭോപ്പാലിൽ നടന്ന ദേശീയ അത്‍ലറ്റിക്ക് മീറ്റിൽ  സ്വീകരിക്കാൻ ആരുമില്ലാതെ  ഉഷയും മത്സരാർത്ഥികളും 5 മണിക്കൂർ  കറങ്ങി നടന്നതും അവിടത്തെ  മന്ത്രി  മാപ്പു പറഞ്ഞതും  ഒക്കെ  മാധ്യമങ്ങൾ ഈ പ്രശ്നം പുറത്തു കൊണ്ട് വന്നത് കൊണ്ടല്ലേ? അന്ന് ഇന്റർവ്യൂ കൊടുക്കാനും ഒക്കെ ഉഷയ്ക്ക് ഉത്സാഹം ആയിരുന്നല്ലോ.

ഉഷ അത്യധ്വാനം ചെയ്തതു  കൊണ്ട് മാത്രമാണ് ഈ നിലയിൽ എത്തിയത്. തന്റെ കഴിവും മത്സര ബുദ്ധിയും ഒന്നു  കൊണ്ട് മാത്രമാണ് ഉഷ പയ്യോളിയിൽ നിന്നും ലോസ് ആഞ്ചലസ്‌ ഒളിംപിക് ട്രാക്കിൽ എത്തിയതെന്നും ഒക്കെ എല്ലാവർക്കും അറിയാം. പ്രതികൂല സാഹചര്യങ്ങളോട്  പൊരുതി ആണെന്നും. പക്ഷേ ഇതിനൊക്കെ ഒരു അവസരം കിട്ടണം. പിന്തുണയും. അത് ഉഷയ്ക്ക്  കിട്ടി. കേരളത്തിൽ നിന്നും ഭാരതത്തിൽ നിന്നും. കേരളത്തിലെ ഓരോ ആളും ഉഷയ്ക്ക് വേണ്ടി നില കൊണ്ടു. മാധ്യമങ്ങൾ ഒന്നാകെ ഉഷയ്ക്ക് വേണ്ടി എഴുതി,പറഞ്ഞു. കഴിവ് കൊണ്ട് മാത്രം എങ്ങും എത്തില്ല എന്ന് ഉഷയ്ക്ക് സ്വന്തം അനുഭവത്തിൽ നിന്നും നന്നായി   അറിയാമല്ലോ. കഴിവ് തെളിയിക്കാൻ ഉള്ള അവസരങ്ങൾ കിട്ടണം. അങ്ങിനെ കിട്ടിയത് കൊണ്ട് മാത്രമാണ് ഉഷ ഈ നിലയിൽ എത്തിയത്. അതിനു നാടിന്റെയും നാട്ടാരുടേയും പിന്തുണ കിട്ടി.

ഇവിടെ ചിത്രയ്ക്ക് കിട്ടാതെ പോയത് അവസരം ആണ്. ലോക അത്‍ലറ്റിക്ക്സ് ചാമ്പ്യൻഷിപ്പിൽ മത്സരിക്കാൻ  അവസരം ആണ് നിഷേധിക്കപ്പെട്ടത്. അതും ഉഷ ഉണ്ടായിരുന്ന ഒരു കമ്മിറ്റിയിൽ നിന്നും. അതാണ് മാധ്യമങ്ങൾ പറഞ്ഞത്. ഉഷയുടെ കൂടെ എന്നും ഉണ്ടായിരുന്ന  അതേ മാധ്യമങ്ങൾ.  ജനങ്ങളും ഒപ്പം കൂടി. മറ്റൊരു ഉഷയെ ആണ് കേരളം ചിത്രയിൽ കണ്ടത്. അതിനുള്ള അവസരം ആണ് നിഷേധിക്കപ്പെട്ടത്. പഴയ ഒരു വീഡിയോ നോക്കൂ.അന്നത്തേതിലും നിസ്സഹായയായും  വേദനയോടെയും  കരയുകയല്ലേ  ഇന്ന് ചിത്ര? 






Wednesday, July 26, 2017

എം.എൽ.എ. പീഡനം




സ്ത്രീ പീഡനം ഒരു തുടർ കഥ ആകുകയാണ്. അധികാര സ്ഥാനങ്ങളിൽ ഇരിക്കുന്നവരും രാഷ്ട്രീയക്കാരും ഒക്കെ പീഡകരാണ്. പണവും അധികാരവും കൊണ്ട് ഇതൊക്കെ തേച്ചു മാച്ചു കളയാം എന്നുള്ള വിശ്വാസം ആണ് അവർക്കു. ഐസ് ക്രീം സൂര്യ നെല്ലി ഇതൊക്കെ അവർക്കു പ്രോത്സാഹനം നൽകുന്നുമുണ്ട്. പീഡിപ്പിച്ച കേസിൽ അറസ്റ്റിലായ  വിൻസന്റ് എം.എൽ.എ. യെ പിന്തുണച്ചു കോൺഗ്രസ്സുകാർ എല്ലാവരും. അയാൾ പീഡിപ്പിച്ചു എന്ന് വീട്ടമ്മ നൽകിയ മൊഴിയുടെ അടിസ്ഥാനത്തിലാണ് അറസ്റ്റ് ചെയ്തത്.പക്ഷേ കോൺഗ്രസ്സുകാർക്ക് അത് ഗൂഡാലോചന ആണ്. മാർക്സിസ്റ്റുകാർ നടത്തിയ ഗൂഡാലോചന. 

നടിയുടെ കേസിൽ  ദിലീപിനെ അറസ്റ്റ് ചെയ്യണമെന്ന് ചാനലുകളിൽ വാദിച്ചവരാണ് കോൺഗ്രസ്സുകാർ.  നടിയെ പീഡിപ്പിച്ചത് സുനി. അതിൽ ഗൂഡാലോചന ആണ് ദിലീപിന്റെ പേരിൽ. എന്നിട്ടും അറസ്റ്റ് ചെയ്യണം എന്ന്. വിൻസെന്റിന്റെ കേസിലോ? വിൻസന്റ് തന്നെ പീഡിപ്പിച്ചു എന്ന് വീട്ടമ്മ തന്നെ മൊഴി നൽകി. എന്നിട്ടും കോൺഗ്രസ്സുകാർക്കു ഇത് ഗൂഡാലോചന ആണ്. 900 തവണയാണ് ഇവർ തമ്മിലുള്ള ഫോൺ വിളി. ഇന്നലെ ഒരു പൊട്ടൻ ചാനലിൽ പറയുകയാണ് അതിൽ 128 എണ്ണം മാത്രമേ എം.എൽ.എ. അങ്ങോട്ട് വിളിച്ചുള്ളൂ എന്ന്. പോരേ? എന്തിനാ ഒരു വീട്ടമ്മയെ 128 തവണ വിളിക്കുന്നത്? സംഭവം പുറത്തറിഞ്ഞ ഉടൻ വിൻസന്റ് വീട്ടമ്മയുടെ സഹോദരനെ വിളിച്ചു സംഭവം ഒതുക്കാൻ പറയുന്നതിന്റെ ശബ്ദ രേഖ പുറത്തായി. അത് പോലെ ആ കോൺഗ്രസ്സ് പൊട്ടൻ പറയുന്നു നാട്ടുകാരെല്ലാം എം.എൽ.എ. യ്ക്ക് അനുകൂലമാണ് എന്ന്. കാശ് കൊടുത്താൽ കോൺഗ്രസ്സ്കാർ ഏതു വശത്തേക്കും പോകും. പോലീസ് അന്വേഷിക്കട്ടെ. അത് വരെ വിൻസന്റ് റിമാൻഡിൽ കഴിയട്ടെ. 

Monday, July 24, 2017

നഴ്‌സുമാരുടെ സമരം




നഴ്‌സുമാർ സൂക്ഷിക്കുക. പക ഉള്ളിൽ സൂക്ഷിക്കുന്ന പാമ്പുകളാണ്  സി.പി.എം.  ഭരണാധികാരികൾ.(ടി.പിയുടെ 51 വെട്ടു ഓർമ്മിക്കുമല്ലോ) അതിനാൽ  മുഖ്യ മന്ത്രിയെ പുകഴ്ത്താതെ ഓരോ ചുവടും ശ്രദ്ധയോടെ  വച്ച് മുന്നോട്ട് പോവുക. ആശംസകൾ.

നഴ്‌സുമാരുടെ സമരം വിജയിച്ചു. രാഷ്ട്രീയ പാർട്ടികളുടെ കൂടെ നടന്നോ, അധികാരികളുടെ കാലു പിടിച്ചോ നേടിയ വിജയമല്ല. ചങ്കുറപ്പോടെ സമരം ചെയ്തു നേടിയ സമരം. യാതൊരു ഗത്യന്തരവുമില്ലാതെയാണ് മുഖ്യ മന്ത്രിക്കു ഒത്തു തീർപ്പു ചർച്ചയ്ക്കു അവരെ വിളിക്കേണ്ടി വന്നതും അവരുടെ മിനിമം ആവശ്യമായ മിനിമം ശമ്പളം 20000 രൂപ അംഗീകരിക്കേണ്ടി വന്നതും. അതിന്റെ ക്രെഡിറ്റ് പൂർണമായും സമരത്തിൽ ശക്തമായി ഉറച്ചു നിന്ന നഴ്‌സുമാർക്ക് തന്നെയാണ്. അവർക്കു മാത്രം.

തുടക്കം മുതലേ ;സമരത്തിന് എതിരായ നിലപാടാണ് സർക്കാർ എടുത്തത്. അതിനു പ്രധാന കാരണം ഈ നഴ്‌സന്മാര് ഇവരുടെയൊന്നും ട്രെയിഡ് യൂണിയനിൽ ഇല്ല എന്നത് തന്നെ. പിന്നെ അവരെ എന്തിനു സഹായിക്കണം. മ്റ്റൊരു കാര്യം ആശുപത്രി മുതലാളിമാരോടുള്ള  സ്നേഹം.  സ്വകാര്യ ആശുപത്രികളെ പിണക്കാൻ അവർക്കു കഴിയില്ല. പാർട്ടിയ്ക്ക് സംഭാവന നൽകുന്ന അവരെ പിണക്കുന്നതു ബുദ്ധിയല്ലല്ലോ.

ഏറെ വൈമനസ്യത്തോട് കൂടിയാണ്  സർക്കാർ ഒത്തു തീർപ്പു നടത്തിയത്. സ്വേച്ഛാതിപരമായാണ്  മുൻപ് നടന്ന ചർച്ചയിൽ ആരോഗ്യ മന്ത്രി 17000 ശമ്പളം പ്രഖ്യാപിച്ചത്. ഇതിനെ നിങ്ങൾക്കു അർഹതയുള്ളൂ വേണമെങ്കിൽ  എന്ന പുശ്ചത്തോട് കൂടി. കേരളത്തിലെ ജനങ്ങൾ ഒന്നാകെ നഴ്സ് മാരുടെ ന്യായമായ ആവശ്യത്തോ ടൊപ്പമെന്ന തിരിച്ചറിവും ആരോഗ്യ മേഖല പൂർണമായും സ്തംഭിക്കും എന്ന സത്യത്തിനു നേരെ കണ്ണടക്കാൻ കഴിയാത്തതു കൊണ്ടും ആണ് സർക്കാർ ഇടപെട്ടത്.  പിന്നെ മറ്റൊരു കാര്യം കൂടി. കേന്ദ്ര ആരോഗ്യ മന്ത്രി ലോക് സഭയിൽ നടത്തിയ പ്രഖ്യാപനം നേഴ്‌സുമാർക്ക് ശമ്പളം  കൂടുതൽ കൊടുക്കണം  ആയിരുന്നു. നഴ്‌സുമാർ ട്രെയിഡ് യൂണിയനുകളിൽ   ചേരാത്തതിന്റെ ദ്വേഷ്യം സി.പി.എം. നുണ്ട്. അതാണ് സർക്കാർ കളിച്ചതു. മൂന്നാറിൽ പെമ്പിളൈ ഒരുമൈ സമരം പൊളിച്ചത് പോലെ ഇവിടെയും പ്രതീക്ഷ ഉണ്ടായിരുന്നു. പക്ഷെ നടന്നില്ല.



Saturday, July 22, 2017

സ്പീക്കറുടെ കസേര

ഒരു കഥയുണ്ട്. പ്രതാപിയായ കാരണവരുടെ  വീട്ടിൽ ചെന്ന ഒരു ഭിക്ഷക്കാരനോട് ' ഒന്നുമില്ല '  പറഞ്ഞു കാര്യസ്ഥൻ പറഞ്ഞയച്ചു. '' ഒന്നും ഇല്ല  എന്ന് പറയാൻ നീ ആരാ" എന്ന് കാര്യസ്ഥനോട് ക്ഷോഭിച്ചു. എന്നിട്ട്   ആ ഭിക്ഷക്കാരനെ തിരിച്ചു വിളിച്ചു എന്നിട്ടു പറഞ്ഞു  " ഒന്നും  ഇല്ല". പറയേണ്ടത് കാര്യസ്ഥനല്ല കാരണവർ ആണ്. ഞാനെന്ന ഭാവം, അധികാര ഭാവം തലയ്ക്കു പിടിച്ചതു കാണിക്കുന്നൂ ഈ കഥ.

ഇന്നലെ സ്പീക്കർ പോലീസിനെ വിരട്ടി. എന്റെ അനുവാദം  ഇല്ലാതെ രണ്ടു എം.എൽ.എ. മാരുടെ ,മൊഴി  എന്തിനു എടുത്തു? മൂന്നാമത്തെ എം.എൽ.എ. യുടെ മൊഴി എടുക്കണ്ട എന്ന് ഉത്തരവും ഇട്ടു. എടുത്തതിന്. അത് കഴിഞ്ഞു പോലീസ് ചെന്ന് സ്പീക്കറുടെ അനുമതി ചോദിച്ചു. " ശരി എടുത്തോളൂ" എന്ന് സ്പീക്കർ ഉത്തരവും ഇട്ടു.  " ഒന്നും  ഇല്ല" എന്ന് കാര്യസ്ഥൻ പറഞ്ഞത് പോരാഞ്ഞു സ്വയം പറഞ്ഞ കാരണവർ.

കാരണവരുടെ സ്വഭാവം ഇപ്പോൾ ജന പ്രതിനിധികൾക്ക് കിട്ടിയിരിക്കു കയാണ്‌. എം.എൽ.എ. ഹോസ്റ്റലിൽ  ഗുണ്ടാ ആക്രമണം ഒന്നുമല്ല നടന്നത്. പോലീസ് അതിക്രമവും അല്ല. നേരത്തെ നോട്ടീസ് കൊടുത്തു സമയം ചോദിച്ചു പാവം പോലീസ് വിനീത വിധേയരായി എം.എൽ.എ.മാരുടെ മൊഴി എടുത്തു. അത്ര തന്നെ.  ഒരു സ്ത്രീ  പീഡന,ഗൂഡാലോചന  ക്കേസാണിത്. എത്രയും പെട്ടെന്ന് സംശയമുള്ളവരുടെ മൊഴി എടുത്തു, തെളിവ് ശേഖരിച്ചു കുറ്റവാളികളെ അറസ്റ്റ് ചെയ്തു ശിക്ഷിക്കാൻ ഉള്ള സൗകര്യം ചെയ്തു കൊടുക്കുകയല്ലേ ഉത്തരവാതിത്വപ്പെട്ട ജന പ്രതിനിധി ചെയ്യേണ്ടത്? അതോ നടപടി ക്രമങ്ങളുടെ നൂലാമാലകളിൽ പെടുത്തുകയോ? 

സ്പീക്കറുടെ അന്തസ്സൊക്കെ നമ്മൾ കണ്ടതാണ്. കഴിഞ്ഞ നിയമസഭയിൽ അന്നത്തെ സ്പീക്കറുടെ കസേര എടുത്തു മറിച്ചതിൽ ഒരാളാണ് ഇന്നത്തെ സ്പീക്കർ.




Monday, July 17, 2017

ഒരു അന്തി ചർച്ച

"നമസ്കാരം.  എല്ലാ പ്രേക്ഷകർക്കും നാറും  ടിവിയുടെ  'സൂപ്പർ തറ ടൈമിലേയ്ക്ക്' സ്വാഗതം. ഞാൻ  നാണു .ഇന്ന് സൂപ്പർ തറ ടൈം ചർച്ച ചെയ്യുന്നത് മെമ്മറി കാർഡ് അമേരിക്കയിലോ, തുടങ്ങി പത്തു ചോദ്യങ്ങൾ.   ചർച്ചയിൽ പങ്കെടുക്കുന്നത് രാഷ്ട്രീയ നേതാവ്  തള്ള്  തങ്കപ്പൻ, മഹിളാ നേതാവ് സുന്ദരി , ചെയർപേഴ്സൺ  മേരി,  അഭിഭാഷകൻ കുറുക്കൻ കുഴി  കറിയാ, കോളേജ് ചെയർമാൻ സെയ്താലി, സിനിമാ സംവിധായകൻ  രാജൻ  പൊട്ടക്കുഴി എന്നിവരാണ്. മുതിർന്ന മാധ്യമ പ്രവർത്തകനായ ജോസഫ് വളഞ്ഞ വഴി,  റിട്ടയേർഡ് പോലീസുദ്യോഗസ്ഥൻ   കെ.പി.  ഈശാ പോശാ  എന്നിവർ ചർച്ചയിൽ ടെലിഫോൺ വഴി പങ്കെടുക്കാം എന്നറിയിച്ചിട്ടുണ്ട്. ഒരു  ഇടവേള."

"എടേ നാണൂ മൂന്നാലു ദിവസമായി നീയൊക്കെ എല്ലാ ചാനലും കൂടിയിട്ട് അലക്കി,  മറുപടി പറഞ്ഞു ഞങ്ങള് മടുത്തു ഇനി ഒന്നും പറയാനില്ലാത്ത അവസ്ഥയിലാ ഇപ്പഴെല്ലാരും. പുതിയ വിവരങ്ങൾ ഒന്നും പുറത്തു വരുന്നതുമില്ല. അത് കൊണ്ട് ഇനി എന്ത് പറയാനാ. ഞങ്ങൾ പോട്ടോടെ കുഴലൂത്തേ"

" പൊന്നു സാറന്മാരെ അവനെ ഒരു  വശത്താക്കണം എന്നാണു ഞങ്ങളുടെ മാനേജ്‌മെന്റിന്റെ ഉദ്ദേശം. അതിനു ഞങ്ങൾക്ക്  സമ്മാനം,കമ്മീഷൻ  ഒക്കെ തരുന്നുണ്ട്. അതിനു നിങ്ങളെല്ലാവരും ഒന്ന് സഹകരിക്കണം. നിങ്ങൾക്കും മൈലേജ് കിട്ടുമല്ലോ. പ്ലീസ്. ഇടവേള കഴിഞ്ഞു. പ്ലീസ്. പോകല്ലേ. 

"സ്വാഗതം. ആദ്യമായി ശ്രീ തള്ള് തങ്കപ്പൻ,  മെമ്മറി കാർഡ് പൊലീസിന് കിട്ടുമോ? അങ്ങയുടെ പാർട്ടി എന്താണ് പറയുന്നത്?"

" എന്റെ നാണൂ. കാർഡിന് വേണ്ടി അമേരിക്കയിൽ പോകണം. ദാസനും വിജയനും പോയത് പോലെ. നമ്മുടെ പോലീസ്  ശക്തരാണ്. ഗൂഡാലോചന ഇല്ലെന്നു ആദ്യം  പറഞ്ഞിട്ട് അവസാനം ഗൂഡാലോചനയിൽ കൊണ്ടെത്തിച്ചില്ലേ? 1942 ൽ ക്വിറ്റ് ഇന്ത്യ സമരത്തിൽ ചൈന അമേരിക്കയെ തോൽപ്പിച്ചത് അറിയില്ലേ?  അത് പോലെ അമേരിക്കയെ യുദ്ധത്തിൽ കീഴടക്കി നമ്മുടെ പോലീസ് അത് പിടിച്ചെടുക്കും''
  
 ''ശ്രീമതി  സുന്ദരി എന്താണ് പറയാനുളളത്? ''
ശ്രീ നാണൂ,  സ്ത്രീ സമൂഹത്തിനാകെ അപമാനം വരുത്തി വച്ച ആ കശ്മലന്റെ  കാർഡ് എവിടെ ഉണ്ടെങ്കിലും പിടിച്ചെടുത്തു  കീറിക്കളയണം എന്നാണ്  എനിക്ക് പറയാനുളളതു. സ്വന്തം നാട്ടിലെ എം.എൽ.എ.യെ പ്പോലെയല്ല അന്യ സ്ഥലത്തുള്ള  ഭരണ പക്ഷ എം.എൽ.എ.മാർ. അവരെ ചോദ്യം ചെയ്യണം.

 ശ്രീമതി  മേരി എന്ത് പറയുന്നു?  

''ചൈന, റഷ്യ, തുടങ്ങിയ ലോക  കമ്മ്യുണിസ്റ്റ് രാജ്യങ്ങളിൽ, പാലസ്തീനിൽ, ബൊളീവിയയിൽ,ക്യൂബയിൽ എന്തിനു ത്രിപുരയിൽ പോലും സ്ത്രീകൾ സ്വാതന്ത്ര്യം അനുഭവിക്കുമ്പോൾ  അടിച്ചമർത്തലാണ് ട്രംപിന്റെയും മോദിയുടെയും  കീഴിൽ അമേരിക്കയിൽ നടക്കുന്നത്.  ഗ്രീൻ കാർഡ്  കൊടുക്കാത്ത കുത്തക മുതലാളിത്ത രാജ്യമായ  അമേരിക്കയെ  തള്ളിപറയണം...


അഡ്വേക്കേറ്ശ്രീ  കുറുക്കൻ കുഴി  കറിയാ, എന്താണിതിന്റെ നിയമ വശങ്ങൾ?.

നാണൂ  ഇവിടെ നടക്കുന്ന ചർച്ചകൾ യൂസ്‌ലെസ്സ്. സെക്ഷൻ 120 A പറയുന്നത് ഒരു ക്രിമിനൽ കോൺസ്പിറസി ആണ് 120 ബി അതിനുള്ള പണിഷ്മെന്റ്റും. മെമ്മറി കാർഡ് 120 A യിൽ വരുമോ 120 B യിൽ ആണോ എന്നുള്ളതാണ് ബഹു കോടതി നോക്കേണ്ടത്. ഇത് സബ്‌ജൂഡീസാണ്.

കോളേജ് ചെയർമാൻ ഡോക്ടർ  സൈതാലി, അങ്ങ് എന്ത് പറയുന്നു? 

നാണൂ  ഇവിടെ ഫാസിസം ആണ് നടക്കുന്നത്. മത ന്യുന പക്ഷത്തെ കോളേജ് നടത്താനോ , ആശുപത്രി നടത്താനോ  കോഴ വാങ്ങാനോ അനുവദിക്കാത്ത, ബീഫ് കഴിക്കാൻ അനുവദിക്കാത്ത  കേന്ദ്ര സർക്കാരിന്റെ ഫാസിസ്റ്റ് മനോഭാവത്തിന് ഒരു ഉദാഹരമാണ് ഈ മെമ്മറി കാർഡ്.

സിനിമാ സംവിധായകൻ ശ്രീ പൊട്ടക്കുഴി അങ്ങേയ്ക്കു എന്താണ് പറയാനുള്ളത്? 
നാണൂ എനിക്കും പറയാൻ സമയം തരണം. സിനിമാക്കാരെന്തിനാ വിദേശത്തു പോകുന്നത്? കാശുണ്ടാക്കാൻ.  ഞങ്ങളെ കൊണ്ട് പോകാറില്ല. അത് കൊണ്ട് പണവും ഉണ്ടാക്കാൻ വഴിയില്ല. അങ്ങിനെ കഷ്ട്ടപ്പെടുന്ന ഞങ്ങളെ അമേരിക്കയിൽ കൊണ്ട് പോകാൻ സർക്കാർ എങ്കിലും മുൻകൈ എടുക്കണമെന്നാണ് എന്റെ ആവശ്യം.

''റിട്ടയേഡ് പോലീസ് ഉദ്യോഗസ്ഥൻ ശ്രീ  കെ.പി. ഈശാ പോശായിലേക്ക് പോകാം അദ്ദേഹത്തിന്റെ ടെലഫോൺ അടിക്കുന്നുണ്ട്. ഹലോ പറയൂ  സാർ കാർഡിനെ കുറിച്ച്.''

''കാർഡ് എന്ന് പറയുന്നത് പോലീസിനെ സംബന്ധിച്ചിടത്തോളം നിർണായക തെളിവാണ്. അന്വേഷണം ശരിയായ ദിശയിലാണോ എന്ന്  നമുക്ക് നോക്കാം.....

''ഹലോ ഹലോ കട്ടായിപ്പോയി എന്ന് തോന്നുന്നു.''

"കട്ടായതല്ല നാണൂ . മറ്റൊരു ചാനലിൽ ചർച്ചയിൽ ആണ്ഞാൻ. വിഷയം ഇത് തന്നെ അത് കൊണ്ട് ഇവിടെ പറഞ്ഞത്  ഫോണിൽ കൂടി കേൾപ്പിച്ചതാ. ഇവിടെ ഇടവേളയായി.  ബാക്കി പിന്നെ കേൾപ്പിക്കാം."

''മുതിർന്ന മാധ്യമ പ്രവത്തകൻ ജോസഫ് വളഞ്ഞ വഴി ടെലഫോൺ ലൈനിൽ ഉണ്ട്. ശ്രീ വളഞ്ഞ വഴി കേൾക്കാമോ? ഹലോ. 

''കേൾക്കാം. അവനെന്തെങ്കിലും ചെയ്യട്ടെടാ. നിനക്കെന്തു വേണം? നിനക്ക് കാശ് കിട്ടുന്നുണ്ടല്ലോ. ഞാൻ ഇവിടെ  ബാറിലിരുന്നു രണ്ടു വീശുവാ. കൂടെ നിങ്ങടെ ന്യൂസ് ചീഫ് എഡിറ്ററും ഉണ്ട്. ഓകെ.'' 


''ശ്രീ വളഞ്ഞ വഴി യാത്രയിലാണ്. അത്ര ക്ലിയർ അല്ല.''

 ''നമുക്ക് മറ്റൊരു ഇടവേളയിലേയ്ക്ക് പോകാൻ സമയമായി.''